Asosiy mavzular
10 may 2018

OSI: Inoyatovlarning Rossiyadagi yana bir yirik sarmoyasi ochiqlandi

Ochiq manbalar bo‘yicha surishtiruv o‘tkazuvchi Open Source Investigations (OSI) jurnalistlar guruhi Inoyatovlar oilasining navbatdagi yirik sarmoyasini topdi.

Inoyatovlar oilasi Neva daryosining o‘ng qirg‘og‘ida, 109 uydan iborat qurilish majmuasiga ulkan sarmoya yotqizmoqda

Sankt-Peterburgdan 30 daqiqalik yo‘lda joylashgan “Nevskaya usadba” deya nomlangan bu qurilish kompleksi Rustam Inoyatovning o‘g‘li Sharif Inoyatov boshqaruvidagi Metkem shirkatiga qarashlidir.

Bundan ilgari Inoyatovlarning Avstriya, Dubay va Rossiyadagi behisob mulklari haqida “Eltuz” nashri hikoya qilgan edi.

MXXdagilarning biznesmenlarga qarshi soxta jinoyat ishlari uydirib kelgani ma'lum. Biroq bu yopiq xizmat xodimlarining o‘zlari korruptsioner bo‘lishgan va ish uydirilgan shaxslardan boylik orttirib kelishgan.

OSI surishtiruv guruhiga ko‘ra, Rossiyaning Sankt-Peterburgda joylashgan yirik Metkem shirkati O‘zbekiston Milliy havfsizlik xizmati sobiq raisi Rustam Inoyatov oilasi tomonidan nazorat qilinadi.

Metkem Sankt-Peterburgda joylashgan Neva Alyans Grupp ga tegishli bo‘lib, bu shirkatga ham MXX sobiq raisining o‘g‘li Sharif Inoyatov 25 foiz ulushi bo‘lgan ikki sherigi – Ravshan Ubaydullaev va Baxtiyor Fozilov bilan birga egalik qiladi.

Metkem va Neva Alyans Grupp shtab kvartirasi Sankt-Peterburgda, Neva prospektidagi 104-a uyda joylashgan.

7 million AQSh dollari (400 million rubl) nizomiy sarmoya bilan qayd etilgan Metkem yirik qurilish tashkiloti va developeri sanaladi.

Kam qavatli uylardan tashkil topgan “Nevskaya usadba” loyihasini Metkem shirkati ishlab chiqqan. 109 ta ikki qavatli va mansardli 6-12 xonali uylardan tashkil topgan bu qurilishlar 2016 yili boshlangan.

Umumiy maydoni 36 gektar bo‘lgan “Nevskaya usadba”,turar joy kompleksi loyihasidir. U nafaqat turar joylar, balki dam olish va ko‘ngilochar maskanlar, do‘konlar, restoranlardan tortib, sport markazlari va bolalar maydonchalarini ham o‘z ichiga oladi.

Majmua Neva daryosining o‘ng qirg‘og‘ida, Sankt-Peterburgdan 50 kilometr narida Leningrad viloyatining Vsevolojsk tumani Sverdlovsk shaharchasidagi Novosaratovka mavzeida joylashgan.

Eltuz.com

Tag‘in o‘qing
20 iyun 2018
Siyosiy mahbus Muhammad Bekjon 2003 yilning bahorida “Sangorod”ga etap qilinadi. “Asli davolanish muassasasi bo‘lishiga qaramay, bu zonada etapni kutib ...
21 iyun 2017
Andijonlik shifokorlarning bergan ma'lumotlariga ko‘ra, keyingi paytlarda ari chaqishidan shikoyat qilib murojaat qiluvchi bemorlar tez-tez uchramoqda. Bu bemorlarning aksariyati ...
6 aprel 2018
1899 yilning 6 aprelida Moskva yo‘llarida elektr bilan yuradigan tramvay paydo bo‘ldi. Bu tramvay ot tortib yuradigan ko‘nka aravalar ...
29 oktyabr 2018
So‘nggi olingan xabarga ko‘ra, “Amerika ovozi” radiosining Istanbulda hibsga olingan, Malik Mansur taxallusi ostida ishlaydigan 49 yoshli muxbiri Abdumalik ...
Bloglar
14 sentyabr 2020
Bir tanishim bor edi. Hozir o‘tib ketgan. Ikki-uch yilda chorraha yoki metro vagonida to‘qnash kelib ...
11 sentyabr 2020
“Biz tomonlargayam koronavirus infektsiya yetib keldi. Qishlaxta o‘n beshta odamda o‘sha kasallik bor ekan”,- dedi ...
7 sentyabr 2020
Bizda bugundan sovuqroq kuzak shamoli boshlandi. Men kabi sovuqqa yupqa odamlar yengi uzun ko‘ylak kiyib ...