Asosiy mavzular
26 iyun 2018

Dilmurod Sayyid: Ayolim va qizim avtohalokati sabablari ochiqlansin

Huquq faoli Dilmurod Sayyid qamoqdaligida uni ko‘rishga borayotgan payti avtohalokatga uchragan qizi va rafiqasi ishi yuzasidan 25 iyul kuni bosh prokuror Otabek Murodovga ochiq xat yozdi.

«Men shikoyatimda beshta jihat haqida yozgandim: Avariyadan oldin prokuratura xodimlari tomonidan 5 yashar qizimga avariyadan oldin qilingan harakat, nimaga ularga chora ko‘rilmagan, ayolimga tegishli sim karta oradan ikki kun o‘tib, voqea joyidan 200 km naridagi «Dalnыy lager» degan joydan topilgan, ayolim olib kelayotgan hujjatlarning ko‘p qismi yo‘qolgan, keyin voqea sodir bo‘lgan joyda GAI xodimiman deya qo‘ng‘iroq qilgan shaxsning kimligiga aniqlik kiritilgan emas…», deydi Dilmurod Sayyid «Eltuz» nashriga bergan intervyusida.

Ochiq xatida u yaqinlarining sirli halokati yuzasidan prokuraturaga yo‘llagan shikoyatiga olgan javobidan qoniqmaganini bildirgan.

«Bu narsa yangi ish sifatida o‘rganilishi kerak edi. Ularning javob xatida go‘yo men ulardan tovon puli undirish haqida yozgan bo‘lib chiqyapman», deydi huquq faoli.

Fojea 2009 yilning 5 noyabrida yuz bergan. Qamoqdagi Dilmurod Sayyidni ko‘rgani ketayotgan yaqinlari o‘tirgan yengil avtomobilning yuk mashinasi bilan to‘qnashuvi oqibatida rafiqasi Jumanova Barno va voyaga yetmagan qizi Saidova Ruhshona halok bo‘lgan edi.

«Masalan, men bu yerda uyushtirilgan degan fikrdan yiroqman, lekin ular uyushtirilmaganini ham isbot qilib bera olishmagan…», deydi huquq faoli «Eltuz» muxbiri bilan suhbatida.

Shuningdek, Dilmurod Sayyid bu xatni yoyinlashdan maqsadi prokuraturani yopiq qolayotgan ish tafsilotlarini ochiqlashga, qonunni hurmat qilishga chaqirishdan tashqari, voqeaga jamoatchilik e'tiborini qaratish ham ekanini aytadi.

Eltuz.com

Tag‘in o‘qing
12 aprel 2016
Tez-tez xorijga chiqib turadigan fuqaroni profilaktika inspektori tibbiy komissiyadan o‘tishga majburlaganiga oid masalani o‘rgangan «Adolat ko‘zgusi» gazetasining yozishicha, militsiya ...
16 fevral 2017
15 fevral kuni, avtosanoatdagi korruptsiya bois ishdan ketgan va qamoqqa olingan “O‘zavtosanoat” raisi o‘rinbosari Tohirjon Jalilov lavozimiga qaytdi. Rossiyadagi ...
10 sentyabr 2019
Qoraqalpog‘iston IIV tergov boshqarmasi mahalliy huquq faoli Azimboy Otaniyozov, shuningdek, uning qizi va ayolini 7 sentyabr kuni shoir Mahmud ...
12 aprel 2022
Kollumnist Komil Jalilov 12 aprel kuni o‘zbek va rus tillarida gazeta.uz nashrida chop etilgan maqolasida o‘quvchilari e'tiborini bugungi o‘zbek ...
Bloglar
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida ...
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...