Asosiy mavzular
26 iyul 2019

O‘zbek taksichisi bilan Praga bo‘ylab

Chexiya poytaxti Praga bir vaqtning o‘zida o‘zbeklarning turli qatlamlarini o‘ziga jalb qilmoqda.

O‘ta boy o‘zbeklar va mulozimlar Pragada shirkatlar ochib, sarmoya yoqtizmoqda. O‘rta qatlam esa Karlovi Vari kurortida yilda bir bor davolanishadi, Praga do‘konlarida shoping qilishadi. Qozon qaynatish qayg‘usida bo‘lganlar uchun Praga tuzukkina pul topsa bo‘ladigan joy.

Bir yil burun Pragada taksi hayday boshlagan 31 yashar andijonlik Hayotulla Boyboev bu yerga durustroq pul ishlash uchun kelgan.

Ko‘chalar, qurilishlar, masjid va ko‘ngilochar maskanlari yil sayin o‘zbeklarni o‘ziga tortmoqda. Shaharda bugun ikki mingga yaqin o‘zbek yashaydi.

U, shuningdek, O‘zbekistonda tadbirkorlikka to‘sqinliklar sabab ham bu shaharga kelishga majbur bo‘lganini aytadi.

«Bu yerdagi qonun ustuvorligi, yashash arzonligi o‘zbeklarni o‘ziga jalb qiladi», deydi u.

Shaharda hatto O‘zbeklar va Toshkent ko‘chalari bor. Praga-10 mavzeida joylashgan Toshkent ko‘chasi xiyobonidagi eski bir mozaika va Chexiyaning sovet o‘tmishini esga soluvchi yodgorlik haykallari diqqatimizni tortadi.

Boyboev ayni haykallar bilan Toshkentdagi Shomahmudovlarga atab o‘rnatilgan yodgorlik majmuasi o‘rtasida o‘xshashlik ko‘radi.

Tarix haqida mutaxassis gapirgani ma'qulligini aytib, Boyboev meni Pragada universitet ochgan iqtisod fanlari doktori Xolnazar Omonovning oldiga olib bordi.

Uning so‘zlariga ko‘ra, Chexiya hukumatining ta'lim tizimini rag‘batlantirishi O‘zbekistondagi ilm kishilarini ham o‘ziga jalb qilgan.

Ayni tizim orqali u 17 yil burun Chexiyaga kelib, o‘z xususiy universitetiga asos solgan.

Boyboevdan farqli o‘laroq, o‘zbek olimining so‘zlariga ko‘ra, sovetlar davri chexlar uchun go‘zal bir ertak emas.

«1968 yili sovetlar tinch xalqni tanklar bilan bostirib, ularning demokratik huquqlarini oyoqosti qilishgan edi», deydi Omonov.

Pragadagi Toshkent va O‘zbechka ko‘chalarida bugun, asosan, chexlar yasharkan. Bu ko‘chalardagi tashlandiq sovet unsurlaridan ko‘ra, o‘zbeklarni jalb qilayotgan joy, Boyboevning aytishicha, Pragadagi hashamatli «Samarqand» restoranidir.

«Sababi, yaqinda ovqatlarini ular o‘zbeklar uchun 50 foiz arzonlashtirishdi», deydi Boyboev.

Biroq aksariyat pragalik o‘zbeklar turk kabobxonalarida ovqatlanishni xush ko‘rishadi. Shu asnoda Boyboev bilan shahar markazidagi gavjum «Mangal» kabobxonasini borib ko‘rdik.

Pragadagi ko‘plab qurilishlarda ham o‘zbeklar ishlaydi. Qiziquvchilarning ko‘rishi uchun qurilish to‘siqlariga maxsus darchalar o‘rnatilgan.

«Bu darchalar, bir tomondan, xalqqa qurilish sifatini nazorat qilish imkonini beradi», deydi Boyboev.

Shu o‘rinda u O‘zbekistonda hukumatning o‘zboshimchalik bilan qurayotgan binolarni misol keltiradi.

Boyboevning aytishicha, nafaqat restoran, qurilish, machit va ko‘chalar, Pragada hatto o‘zbeklarga xizmat ko‘rsatadigan alohida banklar bor.

«Mana shu yerdagi bankdan o‘zbeklar oldi-berdi qiladi. Uning egasi ham o‘zbek», deydi u.

Hikoyamiz qahramoni Hayotullo atigi bir hafta oldin ijaraga mashina olib kira qilardi.

Filmni suratga olish nihoyasida u o‘z puliga mashina sotib olib kira qila boshladi.

Kelgusida u avtobaza ochib, boshqalarga mashinani kiraga berishni rejalagan.

Eltuz.com

Tag‘in o‘qing
26 iyun 2020
O‘zbek prezidenti Moskvaga borib ta'zim bajo keltirdi. Toshkent va Xivani bosib olgan ishg‘olchilar ramzi bo‘lgan georgiy lattasini ko‘kragiga osdi. ...
31 yanvar 2019
Venesueladagi oxirgi o‘zgarishlardan so‘ng, kutilganidek, sobiq prezident Nikolas Maduroning tarafdorlari ko‘payib ketdi. Uning xalqqa qilgan yaxshiliklari, hamshiralar minglab dollar ...
18 yanvar 2017
Turk matbuotiga ko‘ra Masharipovning O‘zbekiston vatandoshi ekanligini rasmiy Toshkent tasdiqlagan. O‘zbekiston tarafiga ko‘ra, Masharipov qidiruvda bo‘lgan. Turk politsiyasiga ko‘ra, ...
7 sentyabr 2020
«Eltuz»ning qadrli o‘quvchilari! Agar sizni yoki tanishlaringizni to‘g‘ridan-to‘g‘ri kasbiy majburiyatlaringizga bog‘liq bo‘lmagan, qo‘shimcha haq to‘lanmaydigan ishlarga majbur qilishsa, bosh ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...