Asosiy mavzular
3 oktyabr 2018

Yaponiyada bosqinchilik qilgan o‘zbek hibsga olindi (video)

Yaponiyaning NHK, TBS va JNN axborot manbalari xabariga ko‘ra, O‘zbekiston fuqarosi, Andijon viloyatida tug‘ilgan va Yaponiyadagi kasb-hunar kollejida chet ellik talaba sifatida tahsil olayotgan Muhammadsaid Fazliddinov bosqinchilikda ayblanmoqda.

U Tokio viloyatining Akishima shaharchasidagi do‘konlarning birida bosqinchilik qilganlikda gumonlanib, mahalliy ichki ishlar boshqarmasi tomonidan 28 sentyabr kuni qo‘lga olingan.

Aytilishicha, O‘zbekiston fuqarosi do‘kon sotuvchisiga tan jarohati yetkazib, 800.000 ien ($ 7100 atrofida) pulni o‘g‘irlab olib chiqib ketgan.

Muhammadsaid Fazliddinov 2017 yilning sentyabr oyida Yaponiyaga talaba vizasi bilan ta'lim olgani kelgan.

Bosqinchilik, pul o‘g‘irlash jinoyati uchun Yaponiya Jinoyat kodeksi asosida 5 yildan 10 yilgacha ozodlikdan mahrum qilish jazosi belgilanadi.

Umuman olganda, bunday jinoyatlar o‘zbeklar o‘rtasida tez-tez uchrab turibdi. Supermarketlarga kirib, rastalardagi oziq-ovqat mahsulotlarini bemalol olib chiqib ketishyapti. Shuningdek, poezd, metrolarda ham yurish-turish madaniyatiga rioya qilmay, yo‘lkira haqini to‘lamay, chiqish eshigidan qochib ketishyapti.

Yaponiyaga, asosan, Andijon, Namangan va samarqandliklar yapon tili maktabiga talaba vizasi bilan boradilar. Ular tilni mukammal o‘rganmay turib, qoida va shartnomaga amal qilmay, ikki-uch oyda maktablardan qochib, noqonuniy ishlab yurishibdi. Ba'zilari ish topa olmay, o‘g‘irlik, firibgarlik yo‘liga o‘tib ham pul topishmoqda.
Bu esa yaponlar o‘rtasida juda keng muhokama qilinayotir.

Ba'zi internet nashrlarida yaponlar izoh qoldirib: “O‘zbekiston haqida ijobiy fikrda edim. Bunday voqealarni eshitib, o‘zbeklar haqidagi fikrlarim salbiylashib boryapti”, deb yozmoqda.

Yana boshqalari esa: “O‘zbeklar pul uchun o‘g‘irlik qilishgacha borishini tasavvur qilib bo‘lmaydi”, deb yozadi.

Bu voqea feysbukdagi Yaponiya va O‘zbekiston jamiyatlari guruhida keng muhokamada bo‘lyapti.

Bu mavzudagi videoni «Eltuz»ning yutub kanalida ko‘rishingiz mumkin: https://youtu.be/rWkXRatFOXU

Eltuz.com

Tag‘in o‘qing
24 may 2021
(Shoir va siyosatchi Muhammad Solihning “Imperativ” audiokitobining 29-qismi. Matnni muallifning o‘zi o‘qigan. Davomi bor.) Xalq shoirlari millat haqida qayg‘urar ...
6 iyun 2022
1922 yilning 6 iyunida Xalq komissarlari kengashi dekretiga ko‘ra, Adabiyot va nashriyot ishlari bo‘yicha bosh boshqarma (Glavlit) tashkil etildi. ...
28 noyabr 2019
Turkiyada yashayotgan taniqli adib va siyosatchi Muhammad Solih shu yilning 20 dekabrida 70 yoshga to‘ladi. Muhammad Solih hayoti haqidagi ...
3 aprel 2019
Markazi Berlinda joylashgan O‘zbekiston-Germaniya inson huquqlari forumi (UGF) 3 aprel kuni o‘tgan yilgi paxta monitoringi yakunlari asosidagi yangi videoni ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...