O‘zbekiston uchun 11$ milliardlik sirtmoq

18-19 oktyabr kunlari  O‘zbekistonga davlat tashrifi doirasida Rossiya prezidenti Vladimir Putin Buxoro viloyati chegarasida qurilishi rejalangan atom elektr stantsiyasining ochilishida qatnashadi.

Putinning bu safargi tashrifida unga Rossiyadan 1000 kishilik rasmiy delegatsiya ham hamrohlik qilmoqda.

Prezident Putinning yordamchisi Yuriy Ushakovning ochiqlashicha, O‘zbekistonda qurish rejalangan AESning narxi, dastlabki hisob kitoblarga ko‘ra, 11 milliard AQSh dollariga teng va uning birinchi energobloki 2028 yilda qurilib bitkazilishi mo‘ljallangan.

Ayni paytda O‘zbekiston uchun eng serchiqim va ekologik zararli deya ko‘rilgan AES qurilishiga prezident Mirziyoev tomonidan izn berilishi jamoatchilik xavotiriga sabab bo‘lmoqda.

Londondagi Sharq va Afrika tadqiqotlari instituti tahlilchisi Alisher Ilhomov O‘zbekistonning AESga sarflaydigan pulini o‘lim sirtmog‘iga qiyosladi.

«O‘zbekistonni 11 milliardga yechintirishadi. Yoki bu osilish uchun 11 $ milliardlik sirtmoqdir. Osiladigan to‘laydi», deya izohladi tahlilchi.

Rassom Tuz
Eltuz.com