Asosiy mavzular
6 fevral 2019

Shved siyosatchilari Mirziyoevga ishonch bildirishdi

Shvetsiyadagi SILK – Shved xalqaro liberallar markazi 5 fevral kuni o‘zbek jamoatchiligi, shved diplomatlari, huquq faollari va siyosatchilari ishtirokida «O‘zbekiston qaysi yo‘ldan ketmoqda?» mavzuida davra suhbati uyushtirdi.

Shved liberal partiyasi faoli Osa Nilssonning «Eltuz» muxbiriga bildirishicha, u O‘zbekiston prezidenti Mirziyoevni islohotlar qilish ishtiyoqidagi inson sifatida ko‘rmoqda.

«Biroq buning uchun muxolifat partiyalariga, o‘zgarishlarga vaqtida javob oladigan jamiyatga ehtiyoj bor. Biz bu jarayonni kuzatib boramiz», deydi shved siyosatchisi.

O‘zbekistonda Shvetsiyaning elchixonasi yo‘q. Diplomatik aloqalar ikki davlat elchilarning bordi-keldisiga asoslangan. Yaqinda O‘zbekistonda bo‘lib qaytgan elchi Ingrid Tersman (Ingrid Tersman) ham «Eltuz» muxbiriga bergan intervyusida O‘zbekistonda ijobiy o‘zgarishlarga umid borligini bildirdi.

Shved diplomatining so‘zlariga ko‘ra, O‘zbekistondagi muammolar ko‘proq unga qo‘shni davlatlarning manfaatlarida ko‘zga tashlanadi:

«Albatta, O‘zbekistonning qo‘shni davlatlar bilan chegaralari va o‘zaro munosabatlari bor. Janubda Afg‘oniston bilan chegaradosh va ayni sabablarga ko‘ra, Rossiyaning manfaatlari va tarixiy bog‘liqligi mavjud. Bundan tashqari, Xitoy o‘zining tarixiy jo‘g‘rofiyasi va katta investitsiyalari bilan kirib kelayotgani ko‘zga tashlanadi».

Tadbir ishtirokchisi, o‘zbekistonlik faol Po‘lat Oxunovning fikricha, umumiy xulosa O‘zbekiston ijobiy yo‘ldan ketyapti, degan mazmunda bo‘ldi.

«Lekin bu umumiy xulosa. Har bir soha – inson huquqlari, axborot vositalari erkinligi, siyosiy, iqtisodiy erkinliklar bo‘yicha, hammasida muammolar bor. Shu muammolarni gapirdik», dedi Oxunov «Eltuz»ga bergan intervyusida.

Biroq shvedlarda O‘zbekistondagi o‘zgarishlar salbiy yo‘nalishda davom etishidan jiddiy xavotir bor. Diniy ekstremizmda ayblangan o‘zbeklar ustidan Shvetsiyada davom etayotgan sudlar, mamlakatga O‘zbekistondan nolegal qochqinlar oqimining kuchaygani ayni xavotirlarga asos bo‘lmoqda.

Eltuz.com

Tag‘in o‘qing
25 aprel 2020
So‘nggi yillarda O‘zbekiston matbuotda keng aks sado berayotgan, mamlakatga milliardlab dollar xorijiy investitsiyani jalb etayotgan islohotlar o‘tkazish yo‘liga kirdi. ...
15 noyabr 2023
Direktor shapaloq “tilpo‘ni yo‘q” ota onalardan maktab saytiga pul talab qildi. Smartfonga qurbi yetmaydigan, bolasining bilimini tekshira olmaydigan bunday ...
14 iyun 2022
Bugun Eltuz portalida muhokama qilmoqchi bo‘lganimiz shikoyatlar mavzusi O‘zbekistonda saqlanib qolgan majburiy mehnat va ta'lim tizimida yuzaga kelgan muammolarga ...
6 noyabr 2023
Joriy yilning 22 noyabr kuni Toshkentda o‘tishi rejalangan “Mashina vremeni” rok gruppasi kontserti qoldirildi. O‘zbekistonlik galerist Bella Sobirova, Toshkentda ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...