Asosiy mavzular
22 fevral 2019

Jizzax hokimi nega huquq faolining uyi devorini buzmoqchi?

Jizzaxlik huquq faoli O‘ktam Pardaev «Eltuz»ga bergan intervyusida shahar hokimligi unga qarshi da'vo arizasi bilan fuqarolik sudiga murojaat qilgani haqida 2018 yilning dekabrida o‘zi kutmagan holda bilganini aytdi.

Jizzax shahri hokimi Akbar Shukurov imzolagan da'vo arizasida Pardaev o‘z uyi atrofiga devor qurib, 25 kv. metr davlat yerini o‘zboshimchalik bilan o‘zlashtirib olgani iddao etiladi. Hokim suddan devorni buzish haqida qaror chiqarishni so‘ragan.

«Men mana shu uchastkada besh yildan buyon oilam bilan yashayman. Uyimni o‘zimdagi davlat tomonidan tasdiqlangan kadastr hujjatlari asosida qurganman. Hozirgi kunda hokimlik da'vo bilan chiqib sudga bergan mening ustimdan», deydi Pardaev.

Jizzax fuqarolik sudi sudyasi Oybek Shomurodov 2018 yilning 17 dekabrida O‘ktamning ishtirokisiz shahar hokimligi da'vosini qondirdi va devorni buzish haqida qaror chiqardi. Sud, shuningdek, O‘ktamga 100 dollar atrofida sud xarajatlarini ham to‘lash majburiyatini yukladi.

Sud majlisiga O‘ktamni 17 dekabr kuni chaqirishganida u Toshkentda XMT Bosh direktori Gay Rayder bilan uchrashuvda bo‘lgan.
O‘ktamning tasdig‘icha, shahar hokimligining da'vosi asossiz va yer o‘zboshimchalik bilan o‘zlashtirilgani yo‘q. Uning gapini advokati tomonidan olingan davlat kadastri xulosasi tasdiqlaydi, rasmiy xulosada qo‘zg‘almas mulk ob'ektlari ayni kadastr hujjatlari asosida qurilgani ta'kidlangan.

O‘ktamni sudga chaqirish uchun 14 dekabr kuni uyiga borishganida u Toshkentda XMT Bosh direktori Gay Rayder bilan uchrashuvda bo‘lgan.

«Bu yerga 11 fevral kuni sud tomonidan tayinlangan komissiya va sud vakillari kelishdi, yer maydonini o‘lchab ko‘rishdi va hammasi kadastr hujjatlari asosida qurilganiga guvoh bo‘lishdi», deya bildiradi u.

O‘zining haqligiga ishongan O‘ktam sud qarorini bekor qilish haqida kassatsiya shikoyati yozdi.

19 fevral kuni o‘tgan ikkinchi sud majlisida O‘ktamning advokati shahar hokimligi da'vosini rad etuvchi hujjatlarni taqdim etdi. Biroq «barcha keltirilgan hujjatlar da'voning asossiz ekanini tasdiqlasa-da, sud hech bir qaror qabul qilmadi va majlisni 26 fevralga qoldirdi», dedi O‘ktam «Eltuz» nashriga bergan intervyusida.

Eltuz.com

Tag‘in o‘qing
30 oktyabr 2019
Afg‘onistondagi siyosiy vaziyat barqarorlashmas hamda u yerdagi amaldagi hukumat va “Tolibon” radikal guruhi o‘rtasida mamlakatda tinchlikni ta'minlash masalasi hal ...
31 may 2023
29 may kuni Toshkentdagi Grand Mir mehmonxonasida O‘zbekiston “jinoyat olami” vakillarining “sxodka”si bo‘lib o‘tdi. O‘zbekistondagi yagona “vor v zakone” ...
5 oktyabr 2015
Paxta terimi mavsumida majburiy mehnatga oid monitoring o‘tkazish maqsadida “Alyans” inson huquqlari lideri Yelena Urlaeva bilan 2015 yilning 27 ...
21 noyabr 2022
Salom qadrli muxlislari. Bugun 21 noyabr. E'tiboringizga Eltuz «600 sekund»ning navbatdagi sonini taqdim etadi.+++Kattaqo‘rg‘onda itni temir bilan urib o‘ldirgan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...