Asosiy mavzular
8 aprel 2019

Sudda Shuhrat Dombrabadskiyga o‘n yil jazo so‘raldi

Jinoyat ishlari bo‘yicha Toshkent shahri sudining yopiq majlisida o‘tgan asrning 90-yillarda Shuhrat Dombrabadskiy nomi bilan tanilgan 62 yashar avtoritet Shuhratilla Nosirov va uning Rossiya vatandoshi bo‘lgan akasi 63 yashar Shavkat Nosirov ustidan sud muzokaralari yakunlandi va ularga 8 aprelga belgilangan sud majlisidan so‘ng uzoq muddatli jazo hukmi o‘qilishi kutilmoqda.

Shuhratilla Nosirovning «Eltuz» muxbiriga intervyu bergan, bugungi kunda Shvetsiyaning Stokgolm shahrida yashayotgan jiyani va ayni paytda kelini Shahnoza Nosirova bundan ilgari 23 yildan ortiq qamoqda o‘tirib chiqqan qaynotasining yana bir bor uzoq muddatga qamalishini adolatsizlik, deya baholaydi.

«2018 yilning iyunida adamiz ro‘zador, og‘izochar berayotgan edik. Birdan chiroq o‘chdi. DXXning 15 tacha jangchisi bostirib kirib, adam va amakimning qo‘lini qayirib, kishan solib olib ketishdi. Dod-voy bo‘lib ketdi. Shu tomoshani ko‘rsatib, tag‘in uyimizda pishayotgan kaboblarni yeyishdi», deya eslaydi qanotasi va amakisining hibsga olinishi voqeasini Shahnoza Nosirova.

Toshkentda yopiq o‘tayotgan sudda aka-uka Shuhratilla va Shavkat Nosirovlar Jinoyat kodeksining 145, 165, 227 va 228-moddalari – vijdon erkinligini buzish, tovlamachilik, hujjatlarni soxtalashtirish kabi qator jinoyatlarni sodir etganlikda ayblanishmoqda.

Nosirovlarning qamalishidan ko‘p o‘tmay, 2018 yilning 1 iyulida «O‘zbekiston-24» kanali ularni masjidni o‘zlashtirishga urinishda ayblab «Manmanlikning oxirgi bekati» filmini namoyish qildi. Shahnoza Nosirovaga ko‘ra, bu ko‘rsatuv respublika televideniesi tomonidan qaynotasiga nisbatan aybsizlik prezumptsiyasining yaqqol buzilishidir.

Boshqa bir epizodga ko‘ra, ishning sudga oshirilishiga Shuhratilla Nosirovning xolavachchasi Bahodir Sharopov bilan uy-joy mojarosi va uning bu yuzadan da'vosi sabab bo‘lgan.

Shahnoza Nosirovaning bildirishicha, qaynotasining akasi, asli Polshada tug‘ilgan, bir vaqtlar Rossiya deputati bo‘lgan, hozirgi kunda moskvalik tadbirkor, «Dialektik» shirkati rahbari, Rossiya vatandoshi Shavkat Nosirovga 9 oy tergov davomida qiynoqlar qo‘llanilgan va undan 20 ming dollar pora talab qilishgan.

Rossiyaning O‘zbekistondagi elchixonasi attashesi K.Afanasev imzolagan, 2018 yilning 26 yanvarida yo‘llangan maktubda elchixona o‘z vatandoshining qamoqqa olinishi, sud yopiq eshiklar ortida o‘tayotgani yuzasidan tashvishlanib, nota tayyolaganini ma'lum qilingan edi.

Shuhrat Dombrabadskiy ilk bor 1993 yili bosqinchilikda ayblanib, bir nechta muddatni cho‘zishlar bilan umumiy 23,5 yil qamoqda o‘tirib, 2016 yilning 18 avgustida muddati tugagani bois ozod etilgan edi.

Eltuz.com

Tag‘in o‘qing
3 noyabr 2017
1 noyabr kuni AQSh prezidenti Donald Tramp grin-kart lotereyasini bekor qilishga chaqirdi. Nyu-Yorkda terrorchilik hujumini amalga oshirgan O‘zbekiston vatandoshi ...
3 may 2021
Madaniyat vazirligi Madaniy meros departamenti matbuot xizmati “Eltuz”ning telegram kanali va Facebook ijtimoiy tarmog‘ida joriy yil 24 aprel kuni ...
8 sentyabr 2017
O‘tgan oyda MTRKda ro‘y bergan voqealar Bulgakovning «It yurak» qissasi qahramoni professor Preobrajenskiyning mashhur gapini eslatadi. «Fan hali hayvonni ...
10 aprel 2018
Kanadada yashovchi Ulug‘bek Ashur shu bugungi kunda turli qora ishlarga majburlanayotgan o‘qituvchilarga atab yangi qo‘shiq kuyladi. «Eltuz» nashri studiyasi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...