Asosiy mavzular
9 may 2019

O‘zbek jurnalisti rohinja musulmonlari genotsidi haqida film taqdim qildi

Britaniyada yashayotgan mustaqil jurnalist Shohida Yoqub Birma (Myanma)dagi rohinja musulmonlariga qarshi zo‘rovonliklar haqidagi «Exiled» («Haydalganlar» yoki «Istalmaganlar») deya nomlangan filmni ishlash jarayoni nihoyasiga yetganini «Eltuz»ga bildirdi.

«Rohinja masalasi – bu genotsid masalasi. Bu davlat tomonidan, ya'ni harbiy xunta tomonidan qilingan. Bu tasodifiy narsa emas», dedi «Eltuz» muxbiri bilan suhbatida film muallifi Shohida Yoqub.

Film Myanma armiyasi va buddaviylari tomonidan mamlakatda yashayotgan rohinja musulmonlariga qarshi shafqatsiz zo‘rovonliklar, qotilliklar haqida hikoya qiladi.

«Ilk bor rohinja musulmonlarini haydash Birmada diktatura o‘rnatilgan 1978 yili, keyin 1992 yilda amalga oshirilgan. O‘shanda 200 mingdan ortiq odam Bangladeshga haydalgan. Biroq Birma formal jihatdan demokratiyaga o‘tdi deya qaralgan 2012 yili uylarni yondirish, ayollarni va erkaklarni zo‘rlash boshlandi», deydi film muallifi «Eltuz»ga bergan intervyusida.

Shohida Yoqub demokratiya to‘lqinida hokimiyatga kelgan Birmaning bugungi rahbari, tinchlik bo‘yicha Nobel mukofoti laureati, 20 yil uy qamog‘ida bo‘lgan Aun San Suji ochiq jamiyat ishonchini qozonmagani, irqchi va islomofob bo‘lib chiqqanini aytadi.

«Birma judayam bir irqchi jamiyat. Aun San Suji demokratiyaning emas, diktaturaning himoyachisiga aylangan», deydi Shohida Yoqub «Eltuz» bilan suhbatida.

Rohinja xalqi, BMTga ko‘ra, dunyoda eng ko‘p ta'qibga uchragan milliy ozchilikdir. Ular hamon Bangladeshdagi qochqinlar lagerida qolishmoqda. Myanma hukumati esa ularni nolegal immigrantlar hisoblab, qaytishlariga qarshilik ko‘rsatmoqda.

Video: https://youtu.be/VMDfWCXS0_4

Eltuz.com

Tag‘in o‘qing
14 sentyabr 2018
«O‘zbekiston 24» kanalining kiyinish madaniyati «tanqid qilingan» 12 sentyabr kungi «Xalqaro Press klub» ko‘rsatuvida TV jurnalistlarining o‘zlari etika qoidalarini ...
29 noyabr 2017
28 noyabr kuni O‘zbekiston iqtisodiyot vaziri 61 yoshli Galina Saidova hamda O‘zbekiston tashqi savdo vaziri 57 yoshli Elyor G‘aniev ...
27 sentyabr 2023
Bugun Rauf Parfi nomi eslanarkan, uning asl shogirdlari bilan bir qatorda ustozning nomiga suykanib, «bir narsalik» bo‘lib qolish ilinjidagi ...
31 yanvar 2024
O‘zbekiston Respublikasi va Turkiya Ichki ishlar vazirliklari hamkorligida o‘tkazilgan navbatdagi tezkor tadbir davomida  fuqarolarning ko‘p miqdordagi pul mablag‘larini Firibgarlik yo‘li ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...