Asosiy mavzular
16 may 2019

Oliy sud Bobojonovlarning uylarini musodara qilish qarorini bekor qildi

O‘zbekiston Oliy sudining fuqarolik ishlari bo‘yicha sudlov hay'ati 16 may kuni jurnalist Bobojonovlarning uylarini musodara qilish haqidagi oldingi sud qarorlarini bekor qildi.

O‘zbekiston Oliy sudi sudlov hay'ati tarkibidagi uch nafar sudya – Akmal Murodov, Nargiza Mahkamova va Muhabbat Rabbieva jurnalistlar foydasiga qaror chiqardi va bir yildan ortiq cho‘zilgan jarayonga yakun yasadi.

«Bu haqda hozircha telefonda og‘zaki bildirishdi. Qaror pochta orqali keladi», dedi jurnalistlarni himoya qilgan «Simay» advokatlik byurosi advokati Umid Davletov «Eltuz» muxbiriga.

Video: https://youtu.be/1P0gGp8vRPg

Germaniyadan siyosiy qochqin maqomini olgan jurnalist Shuxrat Bobojonov o‘zi va ukalarining uylari tortib olingani yuzasidan tashvish bildirib, sal ilgari Germaniya Tashqi ishlar vazirligiga maktub yozgan edi.

Bir yildan ortiq davom etgan sud jarayonlari haqida «Eltuz» turkum maqolalar chop qilgan.

2018 yilning boshida Urganch tumani sudi jurnalist Shuhrat, Qudrat, G‘ayrat Bobojonovlarning uylarini musodara qilish haqida qaror chiqargan. Bu qarorni chiqargan sudya O‘tkir Masharipovning o‘zi keyin apellyatsiya shikoyatini ko‘rib chiqib, uni o‘z kuchida qoldirgan. Keyingi instantsiyada 1 fevral kuni Oliy sud sudyasi Jamshid Tirkashev jurnalistlar arizasini rad qilib ajrim chiqargan. Ajrim yuzasidan jurnalistlar nazorat tartibida Oliy sudga shikoyat qilishgan edi.

«Sud nihoyat arzimizni eshitgani va bizning foydamizga qaror chiqarganidan juda hursandman. Uzoq davom etgan bu jarayon o‘zbek sudiga murojaat qilib adolatga erishish mumkinligini namoyish qildi», dedi G‘ayrat Bobojonov «Eltuz» muxbiri bilan suhbatda.

Eltuz.com

Tag‘in o‘qing
18 iyul 2016
«Adolat» gazetasini varaqlab, O‘zbekiston siyosiy hayotidagi navbatdagi o‘xshamagan parodiya, o‘zbekcha aytganda, o‘xshamagan taqlidga ko‘zingiz tushadi. Taqlidki, kulishni ham, yig‘lashni ...
19 yanvar 2016
Yetti yildan buyon qamoqda qolayotgan inson huquqlari himoyachisi G‘aybullo Jalilov og‘ir ahvolda Sangorodga o‘tkazilgan. Bu haqda Eltuzga mahkumning hamkasbi ...
7 iyun 2021
(Shoir va siyosatchi Muhammad Solihning “Imperativ” kitobidan 31-qism. Audiokitob matnini muallifning o‘zi o‘qigan. Davomi bor.) Albatta, bu orzuga erishish ...
27 aprel 2021
«Eltuz» kanalining qadrli muxlislari. Agar sizda mavzuga oid muhim xabarlar bo‘lsa, kechgan voqealar haqida gapirmoqchi bo‘lsangiz, «Eltuz»ning telegramdagi +49 ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...