Asosiy mavzular
25 sentyabr 2019

Urganch sudyasi Mahmud Rajab aybiga iqror bo‘lganini iddao qildi

Xorazm viloyati televideniesi 25 sentyabr kuni Urganch shahri ma'muriy sudi raisi Dilmurod Ochilovdan iqtibos keltirib, shoir Mahmud Rajabning aybiga iqror bo‘lganini iddao qildi.

«O‘tkazilgan sud majlisida fuqaro Rajabov Mahmud va uning yaqin qarindoshlari o‘zlarining sodir qilgan huquqbuzarligini tushunib yetgan holda, aybiga iqrorlik bildirib, suddan kechirim so‘rab, yengillik qilishni so‘rashdi. Sud ishni ko‘rib chiqib, bir necha huquqbuzarlikni sodir etganlikda aybli deb topib, Rajabov Mahmud va Olloshukurova Nafosatlarga nisbatan qonun sanktsiyasida nazarda tutilgan 10 sutka qamoq jazosini tayinladi. Qolgan 15 nafar shaxsga nisbatan jarima jazolari tayinlandi», deydi sudya Dilmurod Ochilov o‘z intervyusida.

Biroq Xorazm viloyati televideniesi ko‘rsatuvida na suddan biror lavha va na 10 sutkaga qamalgan shoir Mahmud Rajabning, na voqealarni yoritgan bloger Nafosat Olloshukurovaning izohini bermagan.

Shoir Mahmud Rajab 21 sentyabr kuni 6 oydan buyon o‘ziga bo‘layotgan bosimlarga norozilik bildirib, o‘zining mutlaqo aybi yo‘qligini ma'lum qilgan edi:

“Mening xalq oldida ham, vijdonim oldida ham, hukumat oldida ham, qonun oldida ham hech qanday aybim yo‘q. Yo‘qligini isbotlashga tirishdim, lekin foydasi bo‘lmadi. Prezidentga uch marta murojaat yozdim. Respublika bosh prokuroriga, ichki ishlar vaziri Po‘lat Bobojonovga qayta-qayta murojaatlar yozdim, lekin foydasi bo‘lmadi. Bugun men o‘z insoniy huquqlarimdan foydalanib o‘zimni o‘zim himoya qilishga majburman», degan edi himoyasiga chiqqan qo‘shnilari oldida shoir Mahmud Rajab.

Bundan tashqari, bloger Nafosat Olloshukurovaning suddagi advokati Ma'muriy javobgarlik to‘g‘risidagi kodeksning 29- moddasiga ko‘ra, yolg‘iz ona bo‘lgani uchun Olloshukurovaga nisbatan ma'muriy jazo qo‘llanishi mumkin emasligini «Eltuz»ga bildirdi.

Nafosat Olloshukurova 24 sentyabr kuni tunda uni urishgani, ahvoli og‘ir ekani to‘g‘risida qamoqdan bir SMS chiqarishga ham ulgurgan edi.

Eslatib o‘tamiz, Mahmud Rajab shoir Muhammad Solih asarlarini O‘zbekistonga olib kirganlikda asossiz ayblanib tergovga tortilgan. “Eltuz” nashri shoir Mahmud Rajab taqdiri bilan bog‘liq voqealarni kuzatishda davom etadi.

Eltuz.com

Tag‘in o‘qing
21 oktyabr 2015
Eltuz O‘zbekistonning jasur inson huquqlari himoyachilari Malohat Eshonqulova va Yelena Urlaevalarning monitoring reydlari davomida olgan eksklyuziv fotosuratlar va audio ...
10 avgust 2020
Koronavirus kundaligi Qizimning qo‘g‘irchog‘i bilan uyda yolg‘izmiz. Ikkimiz ham bir odamchani sog‘inayapmiz. Faqat qo‘g‘irchoq yig‘lay olmaydi. Yolg‘izlik huvillagan uyda ...
18 may 2020
Rossiya Tashqi ishlar vazirligi mulozimasi Mariya Zaxarova «rasmiy idoralarda o‘zbek tilining majburiy qilinishini kamchilik yoqlayotgani»ni yozg‘irgani ortidan tarmoqdagi mo‘'tadil ...
17 fevral 2020
Yoz keldi, tugadi qish,Partiyamga ming olqish!Mo‘ridan o‘rlar tutun,Partiyam borligichun!Tong otib yorishdi kun,Partiyadan biz mamnun!Jumadan so‘ng keldi shanba,Partiyam sabab, manba!Shanba ...
Bloglar
26 avgust 2022
30 yildirki sargardonlikda, avval Norvegiyada keyin Turkiyada yashayotgan Muhammad Solih yangi kulliyoti – asarlar to‘plami ...
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...