Asosiy mavzular
17 oktyabr 2019

To‘g‘ri so‘zni yozgan togri.uz sayti yopildi

O‘zbekiston siyosiy, ijtimoiy, iqtisodiy va madaniy hayoti yangiliklarini yoritib kelayotgan togri.uz sayti faoliyati 14 oktyabrda to‘xtatildi. Sayt muharriri Xurshid Yo‘ldoshevning ma'lum qilishicha, sayt yopilganini shu kuni ertalab bilgan.

Axborot va ommaviy kommunikatsiyalar agentligi esa Togri.uz axborot saytining yopilishi ta'sischilarning o‘z qarori ekani va bunda hech qanday tashqaridan bosim bo‘lmagani haqida bayonot berdi.

Togri.uz jurnalisti Xurshid Yo‘ldoshev feysbuk sahifasidagi chiqishida Axborot va ommaviy kommunikatsiyalar agentligi bayonotidagi bu iddaolarni inkor etdi.

Jumladan, Xurshid Yo‘ldoshev «sayt yopilishidan atigi ikki kun avval juda katta rejalar tuzilgani, maqsadlar katta bo‘lgani, yopilish haqida gap ham bo‘lishi mumkinmasligi, sayt barqaror o‘sishda bo‘lgani» haqida yozdi.

Siyosiy tahlilchi Alisher Ilhomov saytning yopilishi yuzasidan «Eltuz»ga quyidagi izohini bildirdi:

«Mirziyoev boshqaruvi garchi avtoritar bo‘lib qolayotgan esa-da, ayrim unsurlari bilan baribir Karimov boshqaruvidan farq qiladi. Mirziyoev davrida mahalliy matbuot ozroq erkinlikdan nafas oldi, voqea va muammolarni yoritishda sal jasoratliroq bo‘ldi, hatto tanqidiy materiallar paydo bo‘ldi. Ilgari to‘siq qo‘yilgan ayrim chet el OAVlari mamlakatdan akkreditatsiya oldi, garchi ularning hammasi emas.

Biroq bunaqasi ketmasdi. Karimovchi eski gvardiya va erkinlikni bo‘g‘uvchilar Mirziyoev davrida ham pozitsiyalarini yo‘qotishmadi, endi esa ular tag‘in asliga qaytishmoqda.

Avvaliga mamlakatning matbuot masalalari bo‘yicha bosh xo‘jayini Allamjonov jamiyatdagi axborotlarni berishda hozircha yetakchi bo‘lib kelayotgan «Ozodlik»ka xuruj qildi. Keyin esa u ijtimoiy tarmoqlardagi tanqidiy izohlarga g‘azabini sochdi. Endi esa keskin muammolarni ko‘tarib chiqqan togri.uz vebsayti hukumat bosimi ostida yopilmoqda. Albatta, to‘g‘ri so‘zni yozgani uchun.

Ayni paytda barcha mahalliy OAVga mujda berildi: O‘z o‘rinlaringni biling. Rasmiy xronikani yoriting, biroq ijtimoiy-siyosiy muammolarga aralashmang. Bu sizning ishingiz emas. Bu muammo bilan xos idoralar shug‘ullanadi.

Shu munosabat bilan savol ko‘ndalang bo‘ladi: Nima uchun O‘zbekistonda hanuzgacha OAV yaratishga ruxsat olish mexanizmi saqlanib qolmoqda?

Nima uchun Internetda xabar tarqatish uchun hukumatdan litsenziya olinishi kerak? Bunaqasi dunyoning biror bir demokratik davlatida yo‘q.

Efirga chiqish har qanday shaxsning haqqi. Faqat o‘quvchilar auditoriyasi bu OAVga ishonish-ishonmaslik masalasini hal qilishi mumkin. Agar u qonunni buzgan bo‘lsa, masalan, kimgadir tuhmat qilgan bo‘lsa, buning uchun sud bor. Demakki, so‘z erkinligini bo‘g‘ish uchun bomba yuqorida qayd etilgan ruxsat berish mexanizmining o‘ziga joylashtirilgan.

Bu holatni odatda shifokor qo‘yadigan «bemor tirik» yoki «allaqachon o‘lgan» kabi tashxisga qiyoslash mumkin. Togri.uz yopilguniga qadar «bemor haliyam tirik», deyish mumkin edi, garchi ancha cheklangan bo‘lsa-da, baribir so‘z erkinligi bor edi. Endi esa «bemor o‘ldi», deya tasdiqlash mumkin».

Eltuz.com

Tag‘in o‘qing
2 oktyabr 2018
Taniqli o‘zbek shoirasi 59 yoshli Zulfiya Mo‘minova respublika TVsi orqali o‘qib bergan yangi she'rida bolani «dunyolardan bexabar oq kaptar»ga, ...
28 fevral 2017
O‘zbekiston xalq shoiri Jamol Kamol Toshkent Xalqaro aeroportiga Karimov nomini berish haqidagi prezident qaroriga e'tiroz bildirib Mirziyoevga maktub yozdi. ...
21 mart 2016
«Toshkent shahar hokimining 18 mart kuni imzonlagan 244-sonli qaroriga ko‘ra, “Navro‘z” umumxalq bayrami o‘tkazish vaqtida yo‘llarda harakatlanish xavfsizligini ta'minlash ...
7 sentyabr 2020
Garchi O‘zbekiston islomiy harakatining (O‘IH) o‘zi endi xalqaro jihodning murakkab maydonida muhim ishtirokchi bo‘la olmasa-da, uning butunlay yo‘q bo‘lib ...
Bloglar
7 fevral 2023
Bu odamni etini jimirlatgan dahshatli o‘g‘irlik 2 fevraldan 3 fevralga o‘tar kechasi Vobkentning Xalach qishlog‘ida ...
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...