Asosiy mavzular
20 noyabr 2019

Chiroqchida yana bir ayiq o‘ldirildi

Qashqadaryo viloyatining Chiroqchi tumanidagi Beshchashma qishlog‘ida IJ rusumli ov miltig‘i bilan qo‘ng‘ir ayiq otib o‘ldirildi. “Eltuz”ga yuborilgan videoda “Qizil kitob”ga kirgan noyob qo‘ng‘ir ayiqning nimtalanib, teridan chiqarilayotgani aks etadi.

Ayiqni nimtalayotgan odamning ismi mahalliy bozor rahbari Saydulla Botirov ekani iddao qilindi. Videodagi holat qachon bo‘lgani haqida esa “Eltuz”da ma'lumot yo‘q.

Bundan oldin Chiroqchi tumani Langar mahalla fuqarolar yig‘iniga qarashli Tutli qishlog‘i turg‘uni Qahramon Sulaymonov ham IJ-17 rusumli miltiqning 16-kalibrli o‘qi bilan ayni turga kiruvchi yovvoyi ayiqni otib o‘ldirgan edi.

Yil boshidan beri O‘zbekistonda uchta ayiq o‘ldirilgani “Eltuz”ga ma'lum.

Namangan viloyatining Chust tumani G‘ova qishlog‘ida 14 oktyabr kuni vazni 300 kiloli qo‘ng‘ir ayiq otib o‘ldirildi.

G‘ova qishlog‘ida o‘ldirilgan ayiq O‘zbekiston bo‘ylab bor-yo‘g‘i 250 tacha bo‘lgan, mamlakat “Qizil kitobi”ga kiritilgan qo‘ng‘ir ayiqlarning (lotincha Ursus arctos isabellinus) biri edi.

O‘zbekistonlik kriminal avtoritet Salim Abduvalievning uyida uning o‘zi otib o‘ldirgani aytilgan ikkita qo‘ng‘ir ayiq ichiga somon tiqilib turgani aks etgan videoni “Eltuz” o‘tgan oy yoyinlagan edi.

Hayvonlarga shafqatsiz munosabat holatlari haqida matbuotda kunora xabarlar paydo bo‘lmoqda. O‘tgan oyda Toshkentda tirik itning boshiga benzin sepib yoqib yuborishgan edi.

Toshkent shahri IIBB itning ustiga benzin sepib yoqib yuborgan vatandoshlar shaxsini aniqlash bilan shug‘ullanmoqda.

Termiz shahri hokimligi 2019 yilning 25 oktyabr kuni mahalliy matbuotda chiqish qilib, daydi hayvonlarga qarshi kurash boshlaganini aytdi.

Termiz shahri obodonlashtirish boshqarmasining daydi hayvonlarni ushlash va yo‘qotish bo‘limi tomonidan joriy yilning o‘tgan 10 oyi mobaynida 672 ta qarovsiz daydi hayvon o‘ldirilgan.

Avvalroq Buxoroda 10 mingga yaqin daydi va qarovsiz it-mushuk yo‘q qilingani tarmoqdagi hayvonsevarlarning g‘azabli muhokamasiga sabab bo‘lgan edi.

Eltuz.com

eltuz.com
Tag‘in o‘qing
5 mart 2020
“E’zoz Max” xususiy bandlik agentligining Birlashgan Arab Amirliklariga ishga jo‘natish va'dasiga ishonib katta pul to‘lagan o‘nlab odam arosatda qoldi. ...
10 oktyabr 2018
O‘zbekiston madaniyat jamg‘armasi va Frantsiyadagi Luvr muzeyi o‘rtasida 9 oktyabr kuni o‘zaro memorandum imzolandi. Madaniyat vazirligi saytida bildirilishicha,  ushbu ...
25 iyun 2018
O‘zbekiston xalq rassomi Bahodir Jalolovning Qo‘qon teatri devoriga ishlangan “G‘arb va Sharq uchrashuvi” deya nomlangan freskasi Qo‘qon shahri amaldorlari ...
14 dekabr 2018
Farg‘ona musiqali drama teatri aktrisasi Malohat Toirova tomoshalariga qalbaki chiptalar sotilganligini fosh qilgani uchun ishdan bo‘shatilganini bildirmoqda. Bu haqda ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...