Asosiy mavzular
5 fevral 2020

Toshkent koronavirus o‘chog‘idan kelganlarni kutib olmoqda

Xitoyning Uxan shahridan uchgan Uzbekistan Airways aviashirkati uchog‘ida kelgan 84 nafar yo‘lovchi 5 fevral kuni Toshkent aeroportida himoya vositalari bilan qurollangan tibbiyot xodimlari tomonidan kutib olingani rasmiy matbuotda keng yoritildi.

4 fevral kuni Uzbekistan Airways uchog‘ida Xitoydan O‘zbekistonga qaytgan 250 nafar yo‘lovchi 14 kunlik karantinga joylashtirilgani haqida nashrlarda xabarlar berilgan edi.

Ayni paytda Xitoy aeroportlari o‘zbeklar bilan to‘lib ketgani, ularni qaytarish uchun uchoqlar yetishmayotgani haqida «Eltuz»ga xabarlar kelmoqda.

“Eltuz” muxbiri bilan messenjer orqali bog‘langan Pekin aeroportidagi yo‘lovchining aytishicha, 5 fevral kuni soat tungi 24.00 da Toshkentga 250 yo‘lovchi bilan yana bir reys uchishi kutilmoqda, aeroportda esa Xitoyning turli shaharlaridan kelgan 500 nafar atrofida o‘zbekistonlik qolmoqda.

Bundan avval, 1 fevral kuni Youtube tarmog‘ida Toshkent aeroportida Xitoydan kelayotgan yo‘lovchilar tekshiruvi yuzaki, ya'ni teplovizor uskunalari orqali amalga oshirilayotgani, dorixonalarda esa yuzga taqiladigan oddiy niqoblar yo‘qligidan shikoyatlar ortgani haqida video tarqalgan edi.

Keyinchalik, 4 fevralga kelib, Xitoydan qaytgan yo‘lovchilarning maxsus himoya kiyimlari kiygan tibbiyot xodimlari tomonidan qarshi olingani, yo‘lovchilar maxsus purkagich (pulverizator) uskunasi orqali o‘tkazilgani respublika televideniesi orqali namoyish etildi.

5 fevral kuni ertalab olingan so‘nggi ma'lumotlarga ko‘ra, 2019-nCov (koronavirusning qayd qilingan rasmiy nomi) yuqtirilishi bilan bog‘liq 24363 holat qayd etilgan, 490 nafar odam o‘lgan, tag‘in 23260 nafar shaxs virus yuqtirgani shubhasi ostida qolmoqda.

30 yanvar kuni Jahon sog‘liqni saqlash tashkiloti pnevmaniyaning tarqalishini xalqaro miqyosdagi favqulodda holat sifatida tan olgan edi.

Eltuz.com

Tag‘in o‘qing
14 sentyabr 2018
O‘zbek milliy televideniesida o‘zgarish yasagan 64 yashar jurnalist Dadaxon Yoqubov 14 sentyabr kuni «Ish beruvchilar uchun ariza»si bilan muxlislarini ...
10 aprel 2016
O‘zbekiston dorixonalarda sotiladigan dori-darmonlarning anchagina qismi noqonuniy yo‘llar bilan olib kirilishi yoki qalbaki ekani to‘g‘risida ko‘p aytiladi. «Diyonat» gazetasi ...
14 noyabr 2018
Taniqli o‘zbek dissident adibi, 67 yashar Mamadali Mahmudov 13 noyabr kuni O‘zbekiston Milliy axborot agentligi – O‘zAning «Gurung» loyihasi ...
28 dekabr 2020
Ulug‘bek Mirzamuhammedov O‘zbekistonning elchixona va konsulliklariga rahbar tayinlash ishlariga muttasil ravishda aralashib kelgan.
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...