Catira
9 iyun 2020

«Sho‘rdanak» aktyorlari DAN xodimlaridan kechirim so‘rashdi

IIV Yo‘l harakati xavfsizligi bosh boshqarmasi rasmiy sayti 8 iyun kuni “Sho‘rdanak” ko‘rsatuvi mualliflarining DAN xodimlaridan kechirim so‘ragani aks etgan videorolikni e'lon qildi.

Videorolikda DAN xodimlarining ijtimoiy tarmoqlarda hajv qilinishi eski sovet targ‘iboti ruhida keskin qoralanadi. Shuningdek, DAN xodimlarini hajv qilgan “Sho‘rdanak” aktyorlari o‘z ishlaridan o‘ta pushaymonda ekanliklarini, “bu ishning boshqa qaytarilmasligini” bildirishadi. 

“DAN xodimlari haqida ilgari yaxshi, chiroyli narsalar qilganmiz, Lekin shu safar xato va kamchiliklarga yo‘l qo‘ydik. Qaysidir ma'noda shu kasb egalari haqida yetarlicha ma'lumotga ega emasligimiz bizga pand berdi. Bu xatoliklar uchun pushaymondamiz, afsusdamiz”, deydi, jumladan, aktyor Cho‘liev.

Hamkasbining tazarrusini “Sho‘rdanak” aktyori Doniyor Hasanov davom ettiradi. U DAN xodimlarining hajv qilinishini “ijodiy guruhning fojeasi”, deya ataydi.

“Shu yigitlardan birortasi bilan yuzma-yuz kelib qolganda bo‘ladigan holatdagi xijolatlikdan hozirdan ich-etimni yeyapman”, deydi Doniyor Hasanov.

Videorolikda ijtimoiy tarmoqlarda yo‘l harakati xavfsizligi sohasiga oid holatlar aks etgan videotasvirlar, fotosuratlar va maqolalar Yo‘l harakati xavfsizligi bosh boshqarmasi tomonidan muntazam nazorat ostiga olingani, holatlar yuzasidan xodimlar tomonidan muntazam tekshiruvlar o‘tkazilib, tegishli choralar ko‘rilayotgani bildirilgan.

Ayni paytda  “Eltuz” Ichki ishlar vazirligini hajv qilmaslik majburiyatida bo‘lmagan rassom Tuz va uning hamkasblari o‘zbek militsiyasi haqidagi chizgan hajviy suratlar to‘plamini e'tiboringizga taqdim etadi.  

Eltuz.com

Tag‘in o‘qing
21 yanvar 2016
O‘zbekistonda fonogrammaga og‘iz qimirlatadiganlar ham «Xalq artisti» unvonini sotib olayotgani borasida e'tirozlar bor. «Unvon sotish» jarayoni rassom Elesevar uchun ...
27 oktyabr 2016
Bugun o‘zbek turmasida 23 yilu 4 oy qolgan 72 yoshli Samandar Qo‘qonov ozod etilgani haqida tarqalgan xabar noto‘g‘ri bo‘lib ...
14 fevral 2017
14 fevral sevishganlar kuni Andijonlik Abdusalom Karimov Pragada yurak shaklidagi somsalar ishlab chiqarishni yo‘lga qo‘ydi. Shu paytgacha, Pragada yurak ...
7 fevral 2020
Mana, yana hafta aylanib, siz bilan yuzma-yuz ko‘rishib turganimdan mamnunman. Jadvalga rioya qilish va intizom yaxshi narsa.  Bir katta ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...