Asosiy mavzular
31 avgust 2020

Sobiq hokim: Dehqonning mahsulotiga hokimlar xo‘jayinlik qilmasin!

Respublikaning bugungi rahbarlari qonunni, dehqonlarning huquqini umuman mensimayapti, 50 foiz fermerlarning yerlari tortib olib qo‘yilayapti, deydi Navoiy viloyatining Konimex tumani sobiq hokimi, qishloq xo‘jaligi mutaxassisi Ismoil Ospanov.

“Oldingi gaplarimga qo‘yilgan postlarda hatto Karimov davrida yerga munosabat yaxshi edi, deb yozishyapti, balki noto‘g‘ridir, lekin men qo‘shilaman. Bugungi ahvol juda nochor. Bir qism yer qishloqda yashaydiganlarga tekin berilsin. Tekin!” deydi qishloq xo‘jaligida ko‘p yillar mehnat qilgan Ismoil Ospanov o‘zining navbatdagi videosida.

Ospanov O‘zbekistonda yerga egalik masalasida noto‘g‘ri siyosat yuritilayotgani, prezident umuman islohotlar o‘tkazmayotgani haqida fikr bildiradi.

“Yerning katta amaldorlar ixtiyoriga berilib xususiylashtirilishi – bu katta jinoyat. Hokimlar qaror chiqarishi mumkin, lekin ularning (Fermerlar uyushmasi. tahr) kengash vakili bo‘lishi noto‘g‘ri. Chunki bu holatda fermerlar bosim ostida qoladi. Bu holatda fermerni himoyalash haqida gap bo‘lishi mumkin emas.

Mana, yaqinda Qashqadaryo viloyatida qovun yetishtirgan ekan bir dehqon, hokim bozorga chiqartirmayapti. Bu nima degani, dehqonning yetishtirgan mahsulotiga xo‘jayinmi hokim?

Keyin klasterlar nega dehqonning ishiga aralashadi? Bu ularning vazifasi emas-ku. Ular yangi bir ma'muriy idora bo‘lib qoldi. Holbuki, ularning maqsadi bitta. Katta-katta yerlarni monopolistlarga berib, xususiylashtirish. Buni qat'iyan to‘xtatish kerak, jinoyat bu!

Chidamning ham chegarasi bor. Hozir men dehqonlarga murojaat qilaman, chidab o‘tirmalaring! Qo‘rqish ham kerak emas. Bizni himoya qiladigan Konstitutsiyamiz bor. Qonunlar bor mulkchilik to‘g‘risida.

Viloyat deputatlari, Oliy majlis deputatlari qani? Vazir qani? Qishloq xo‘jaligidan non yeb yurgan uyushmalar qani? Fermerlar haqidagi qonun yomon qonun emas, lekin bu ishlamayapti. Qonunga qo‘shimcha kiritish kerak. Yer kadastri haqidagi qonunga o‘zgartirish kiritish kerak. Mana shu masalalarni yechmasa, yer islohoti bo‘lmaydi”, deydi Ismoil Ospanov.

Eltuz.com

Tag‘in o‘qing
26 aprel 2021
Zamonaviy o‘zbek turkshunosligining yirik vakili Andrey Kubatin 2020 yil 29 oktyabrda koronavirus xastaligidan vafot etgandi.  2017 yilda olim Jinoyat ...
13 dekabr 2018
Shu kunlarda ko‘plab nashrlar Gulnora Karimovaning O‘zbekiston hukumatini moddiy qo‘llab-quvvatlash niyatida ekani haqida yozishdi.   Jamiyatdan hamon yopiq saqlanayotgan Islom ...
14 dekabr 2016
O‘zbekiston Oliy Majlisi senati va Qonunchilik palatasining qo‘shma majlisida Abdulla Oripov nomzodi Bosh vazirlikka tasdiqlandi. Telekommunikatsiya sohasidagi korruptsiyalar bois ...
9 aprel 2020
Joriy yilning 6 aprelidan koronavirus tarqalishiga qarshi karantin tadbiri doirasida Toshkent va Nukus shaharlari hamda viloyat markazlarida velosipedda harakatlanish ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...