Asosiy mavzular
7 sentyabr 2020

Eri urib qo‘lini sindirib, axlatli pampers yedirgan ayol muammosini mulozimlar bosti-bosti qilmoqchi

Eri tomonidan ayovsiz kaltaklanib, bolasining axlati to‘la uch kunlik pampersni yeyishga majburlangan samarqandlik 25 yoshli Mustahkamning do‘pposlangani videosi tarqalganidan so‘ng 5 sentyabr kuni Samarqand shahri hokimligi bu haqda xabar berdi.

Rasmiy xabarga ko‘ra, Samarqand IIB eri tomonidan ayovsiz kaltaklangan ayolni o‘z himoyasiga olgan. Uni ish bilan ta'minlab, yangi uy olishida ham ko‘maklashishini va'da qilgan.

Mustahkam tibbiyot kollejida o‘qigan, hamshira, to‘rtta tilni biladi. Shahar hokimligi ayol bir necha yildan beri tahqir, xo‘rlanishlar ostida yashab kelsa-da, biror marta na mahallaga va na boshqa tashkilotga murojaat qilmaganligi bois, bu oila notinch oila sifatida ro‘yxatda turmasligini bildirgan.

«Qaynona-qaynotasi kelini haqida juda yaxshi fikrda. Ularning aytishicha, o‘sha kuni kelini ogohlantirmay qarindoshinikida qolib ketgan. Janjal shundan kelib chiqqan», deyiladi hokimlik axborotida.

Bundan avval tarmoqda ayolning eri tomonidan ayovsiz kaltaklanayotgani, hatto o‘sha xonadondagi itning ham ayolga rahmi kelib himoya qilishga uringani aks etgan video tarqalgan edi.

Voqealarni yoritib kelayotgan bloger Aqida Xonim 3 sentyabr kuni olgan videosida Mustahkam 2018 yili eri uni urib, majburlab uch kunlik axlatli pampersni yedirgani haqida hikoya qiladi:

«Yemayman» deganimda, grafin bilan boshimning orqasiga urib, «Yeysan!» deb majburladi… Urib-urib yedirdi, qusganimni ham yedirdi. «Sen yolg‘ondan qusyapsan, qusganingni ham yeysan», deb yedirgandi», deydi ayol.

Joriy yilning 5 sentyabr kun Aqida Xonim navbatdagi jonli yoyinida Samarqand shahri hokimligi vakillari jabrlanuvchi ayolni oilasi bilan yarashtirish uchun unga bosim o‘tkaza boshlagani, buning uchun ayrim mas'ullar hatto ayolning qaynotasidan pul olganini ta'kidlab o‘tgan.

«Umuman qaytmayman, bormayman, chunki u yerdan mening o‘ligim chiqadi, men bolalarim uchun yashashim kerak», deydi kaltaklangan ayol blogerga bergan intervyusida.

O‘zbekistonda ayollarga qarshi zo‘ravonlik ko‘lami aniq o‘rganilgan emas. O‘tgan hafta oxirida Andijonning Marhamat tumanida yashaydigan qiz qo‘shnisi tarafidan zo‘ravonlik nishoni bo‘lgani ortidan o‘z joniga qasd qilgan edi.

Eltuz.com

Tag‘in o‘qing
6 aprel 2020
Ijtimoiy tarmoqning o‘zbek segmentida “Otarchilar, yo‘taling”, “Ozodbek, day million” degan chellenjlarga javoban “O‘zbekkontsert” davlat muassasasi axborot xizmati bildirgi chiqardi. ...
27 fevral 2019
2019 yil Yusuf Xos Hojibning 1000 yilligi, «Qutadg‘u bilig»ning 950 yilligi Qozog‘iston va Turkiya tashabbusi bilan YuNYeSKO tomonidan dunyoda ...
13 may 2021
(Shoir va siyosatchi Muhammad Solihning “Imperativ” audiokitobining 26-qismi. Matnni muallifning o‘zi o‘qigan. Audiokitobning boshi va oldingi qismlari “Eltuz”ning “Imperativ” ...
24 mart 2016
“Adolat” gazetasi internet madaniyati va axborot xavfsizligi masalalariga bag‘ishlab Samarqand davlat chet tillar institutida bo‘lib o‘tgan tadbir haqida xabar ...
Bloglar
25 may 2021
O‘zbekistonda yaqinda o‘tkazilgan so‘rovnoma respondentlarning 10 foizdan ko‘prog‘i oiladagi zo‘ravonlikka qarshi emasligini ko‘rsatdi. Bu mamlakatdagi gender munosabatlardagi tashvishga soladigan holatdir. Bu haqda Eurasianet nashri yozdi. 15 may kuni BMTning ...
19 may 2021
Toshkent shahrida bunyod etilgan “G‘alaba bog‘i” yodgorlik majmuasida harbiy xizmatni o‘tayotgan oddiy askarlar 9 may ...
18 may 2021
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...