O‘ktam Barnoev jasadi Germaniyadan keltirilib, Toshkentda dafn etildi
Germaniyaga davolanishga olib ketilib, o‘sha yerda o‘lgan bosh vazir o‘rinbosari O‘ktam Barnoevning jasadi 21 sentyabr kuni Toshkentga olib kelinib, Minor qabristoniga dafn etildi.
Koronavirusga chalingan va insultga uchragan O‘ktam Barnoev jarrohlik amaliyoti o‘tkazish uchun Germaniyaga yuborilgan edi. Barnoevni yaqindan bilgan shaxslardan birining «Eltuz»ga bildirishicha, uning jasadi Germaniyadan 21 sentyabr kuni, mahalliy vaqt bilan soat 13.00 da olib kelingan.
O‘ktam Barnoev 9 may tadbiriga yig‘ilgan omma qarshisida «Katyusha» qo‘shig‘ini kuylab, ijtimoiy mediada tanilgan edi.
2018 yilning 2 noyabrida Buxoroga kelgan Rossiyaning millatchi dohiysi Vladimir Jirinovskiy o‘z sharafiga uyushtirgan dabdabali ziyofatda o‘sha paytda Buxoro hokimi bo‘lgan O‘ktam Barnoevni Buxoro amiri deya ta'riflagan edi.
Eltuz.com