Asosiy mavzular
23 sentyabr 2020

Korruptsiya sabab maktab direktori o‘zini osdi

Qashqadaryo viloyatining Kitob tumanidagi 13-maktab direktori, 47 yashar Nurbek Turdievning jasadi 31 avgust kuni maktab hojatxonasida osig‘liq holda topildi. Hojatxonada arqon sirtmoqqa osilgan jasadni ikkita yosh bola ko‘rib qolgan va kattalarga xabar bergan.

Voqea guvohlarining Nasaf-news TV kanaliga bildirishicha, marhumning yaqinlari uning o‘limida Kitob tumani xalq ta'limi bo‘limi mudiri Avloqul Avlaevni ayblamoqda. 

Marhumning yaqinlari iddao qilishicha, maktab direktori bo‘ynidagi 1500 dollar qarzini to‘lay olmaganidan qiynalib o‘zini osgan. Ular bu pulni maktab direktori tuman xalq ta'limi bo‘limi rahbarlariga pora sifatida berishga majbur bo‘lganini bildirishgan.

Marhum o‘limidan oldin bir nechta xat qoldirgan. Ularning birida hamkasblarini har qanday sharoitda korruptsiyaga yo‘l qo‘ymaslikka chaqirgan.

“Maktabda o‘tirgan “to‘nkalar” ham qimirlasin. Kimligini bildingiz. O‘shalarga yaratgandan insof tilab qolaman. Xalqning bolasining ko‘zini o‘ymasin. Sizlardan ham iltimos”, deya yozgan direktor o‘zining o‘lim oldidan hamkasblariga qoldirgan so‘nggi xatida.

Maktab direktorining o‘limi oldidan qoldirgan xati

Maktab qorovuli Husniddin Ergashev xatni direktor o‘z qo‘li bilan yozganligini tasdiqlaydi. Shuningdek, Turdiev o‘z joniga qasd qilgan kuni maktab qorovulidan tuman xalq ta'limi kadrlar bo‘limiga arizasini eltib berishni so‘ragan.

Husniddin Ergashev (maktab qorovuli): Ertalab keluvdim. U menga “sizga ish bor, manovi xatni olasizda rayono kadrlar bo‘limiga eltib berasiz”, dedi….

Voqea yuzasidan marhumning yaqinlari va hamqishloqlari 2020 yil 8 sentyabr kuni Kitob tumani prokuraturasiga murojaat qilib, Turdievning o‘z joniga qasd qilishiga sababchi bo‘lganlarga nisbatan qonuniy chora ko‘rishni so‘rashgan.

Barno Turdieva (marhumning opasi): “Menga u, opa xalq ta'limi mudiri Avlaevga 1 yarim ming dollar berganman, maktabdan bo‘shasam shu pulni qaytarib berarmikin, degan. Men unga, kim senga pul olganman deb aytadi, maktabdan bo‘shama, deb aytdim. Rossiya ochilsa, keyin maktabdan bo‘shaysan, borib ishlab kelasan, qarzlaringni to‘laysan, dedim…”.

Prokuratura xabariga ko‘ra, tuman xalq ta'limi bo‘limi, IIB, mahalla va oilani qo‘llab-quvvatlash bo‘limi xodimlari harakatiga nisbatan xizmat tekshiruvlari tayinlangan.

Eltuz.com

Tag‘in o‘qing
30 yanvar 2018
O‘zbekistonni 27 yil boshqargan va 2016 yilda o‘lgan Islom Karimovning nabirasi Buyuk Britaniya hukumatidan siyosiy boshpana so‘radi. Bu haqida ...
1 may 2016
O‘zbekistonda eng oliy hukumat izni bilan yagona monopolist pereferentsiyasi berilgan “General motors” ustamalariga boshqa “o‘g‘riboshi” egalik qilishi rejalangan ko‘rinadi. ...
28 oktyabr 2016
“Hurriyat” gazetasidagi (22.10) “Jurnalist so‘zi – jamoatchilik e'tiborida” sarlavhali maqola mamlakat ommaviy axborot vositalarida e'lon qilingan tahliliy va tanqidiy ...
9 sentyabr 2020
Andijon viloyatining Izboskan tumani hokimi Serobiddin Ismoilov tuman selektorida uy so‘rab joniga tekkan bir muallima ayolni jinni deb haqorat ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...