Asosiy mavzular
19 oktyabr 2020

Cobiq hokim: Prezidentning kadrlar siyosatiga e'tirozlar

Prezident Shavkat Mirziyoev 8 oktyabr kungi chiqishida rahbarlar uyma-uy yurib, ishsizlik muammosini hal qilishlari kerakligi haqida gapirdi.

Qishloq xo‘jaligi mutaxassisi va sobiq tuman hokimi 70 yashar Ismoil Ospanov o‘zining navbatdagi videosida prezidentning bu topshirig‘ini kinoya ostiga oladi:

“Odamning kulgisi keladi. Bu bajarilmaydigan narsa-ku, Shavkat Miromonovich. Mana, oilamizda to‘rtta odam bor, ikkitasi ishsiz. Nima ish beradi, masalan? Tayyor ish joyi bormi qishloqda?

Masalan, prezident Mirziyoevning keyingi chiqishlaridagi “kadrlar masalasi qiynaydi”, degan gapini olaylik. Nimasi qiynaydi? O‘zimizda kadrlar yo‘q, deydi. Bunday olganda, haqorat-ku bu. 35 millionlik aholi ichidan kerakli kadrlarni topa olmayotgan ekan”, deydi Navoiy viloyatining Konimex tumani sobiq hokimi, qishloq xo‘jaligi mutaxassisi Ismoil Ospanov.

Uning fikricha, prezident yuqori lavozimlarga layoqatsizligi tufayli ilgari bo‘shatilgan rahbarlarni qo‘ymoqda va bu na bozor siyosatiga, na boshqa siyosatga to‘g‘ri kelmaydigan holat.

“Mana, juda yaxshi bilasizlar, bosh vazirning suv va qishloq xo‘jaligi bo‘yicha o‘rinbosari odamlarga zo‘ravonliklar qilib, juda mashhur bo‘lib ketuvdi. U yerdan ishdan olib bitta tumanga qo‘ydi. U yerda ozgina ishlagach, yana Qashqadaryo viloyatiga hokim qilib qo‘yishdi. Endi shunaqa misollar juda ko‘p”, deydi sobiq hokim.

Ospanovning e'tiroziga ko‘ra, prezidentning bayonotlari populizm va bajarilmaydigan topshiriqlardan iboratdir.

“Oddiy populizm deymiz buni. Kadr yo‘q. To‘rtta-beshta odam bor prezident atrofida. Men aytishim mumkin, qishloq xo‘jaligini qishloq xo‘jaligidan umuman xabari yo‘q odamlar boshqaryapti. Maorifdayam shunaqa, sog‘liqni saqlashdayam shunaqa. Militsiya, prokurorlarning qanday ishlayotganini biz bilamiz”, dedi u.

Bundan ilgari “Eltuz” kanalida chop etilgan bir qancha videochiqishlarida sobiq hokim Ismoil Ospanov dehqonlar huquqlarining kamsitilishi, yerlarning amaldorlar tomonidan o‘zlashtirilishi, davlat hokimiyati va qishloq xo‘jaligining klaster tizimidagi korruptsiya holatlarini tanqid ostiga olgan edi.

Eltuz.com

Tag‘in o‘qing
27 yanvar 2020
Qashqadaryo viloyati Chiroqchi tumani IIB qidiruv bo‘limining besh nafar xodimi gumonlanuvchini so‘roq paytida urib o‘ldirib qo‘yganlikda ayblanib hibsga olindi. ...
13 sentyabr 2018
Toshkent shahrining jinoyat ishlari bo‘yicha Yunusobod tumani sudida 12 centyabr kuni sobiq O‘zbekiston bosh prokurori 66 yashar Rashid Qodirov ...
7 sentyabr 2020
“Eltuz”ning qadrli o‘quvchilari! Agar sizni yoki tanishlaringizni to‘g‘ridan-to‘g‘ri kasbiy majburiyatlaringizga bog‘liq bo‘lmagan, qo‘shimcha haq to‘lanmaydigan ishlarga majbur qilishsa, bosh ...
18 noyabr 2016
Abdulla Oripovning vafoti xalqimizning sevimli shoiri so‘nggi vaqtlarda norasmiy taqiq ostida yashagani, bundan bir qancha vaqt ilgari “Ozodlik” radiosi ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...