Asosiy mavzular
21 oktyabr 2020

G‘uzorda maoshsiz qolgan minglab ishchilar zavodni ostin-ustun qilishdi

Qashqadaryo viloyati G‘uzor tumanidagi “Enter Engineering Pte.Ltd” zavodi ishchilari 21 oktyabr tongida g‘alayon ko‘tarib, zavod ma'muriy binosini ostin-ustun qilishdi.

“Eltuz” tahririyatiga taqdim etilgan videoda yuzlab ishchilar qo‘zg‘oloni aks etgan.

Video va “Eltuz” suhbatlashgan guvohlar so‘zlaridan ma'lum bo‘lishicha, stixiyali isyon paytida zavod ma'muriyati binosidagi orgtexnika va ma'muriy binodagi jihozlar sindirilgan.

Zavod ishchilari so‘zlariga ko‘ra, ular kamida uch oydan buyon maosh olmagan.

Ishchilar, shuningdek, ikki kun davomida ovqatsiz qolgani va bu g‘alayonga sabab bo‘lganini aytishmoqda.

Hodisa yuzasidan “Eltuz” muxbiri “Enter Engineering Pte.Ltd.” kompaniyasi matbuot xizmati bilan bog‘landi.

Matbuot xizmati xabariga ko‘ra, hodisa 21 oktyabr kuni ertalab, ishchilar uchun mo‘ljallangan oshxonadagi monoblok tizimidagi (elektron kirish tizimi) texnik nosozlik tufayli sodir bo‘lgan, oqibatda ular doimiy ovqatlanadigan tamaddixonaga kira olmaganlar.

Bu esa noroziliklarni keltirib chiqargan.

G‘alayonda ishtirok etgan zavod ishchisining aytishicha, texnik xodimlar 2 soatdan oshiqroq vaqt davomida monoblok tizimidagi nosozlikni tuzatgan, biroq ishchilar ovqatlanishga kirishni xohlamagan.

Ular maoshlarning to‘lanishini talab qila boshlaganlar.

Ammo kompaniya matbuot xizmati xodimi ishchilar noroziligiga oylik maoshning daxli yo‘qligini aytdi.

“Eltuz” muxbiri bilan telefon orqali suhbatlashgan Bekzod ismli ishchi so‘zlariga ko‘ra, zavod ishchilari kamida uch oydan buyon maosh olishmagan.

Tasdiqlanmagan ma'lumotlarga ko‘ra, tushlikka yaqin ishchilar g‘alayonini bostirish uchun Ichki ishlar, Milliy gvardiya va Davlat xavfsizlik xizmati kuchlari tashlangan.

Qashqadaryo viloyati G‘uzor tumanida barpo etilgan “Uzbekistan GTL” zavodi sintetik suyuq yonilg‘i ishlab chiqarishga ixtisoslashgan.

“Eltuz” voqealar rivojini kuzatishda davom etmoqda.

Eltuz.com

Tag‘in o‘qing
6 sentyabr 2018
Yosh ayol bilan intim videosi internetda tarqalgan 61 yashar xorazmlik mulla Abduhamid Otajonov urganchlik to‘rt nafar militsiya xodimi uyiga ...
1 avgust 2017
Iyul oyida O‘zbekiston televideniesi hayotida ro‘y bergan eng muhim hodisa, shubhasiz, “O‘zbekiston 24” telekanalining faoliyat boshlagani bo‘ldi. Garchi mamlakat ...
25 may 2017
20 may kuni O‘zbekiston telekanalining Tahlilnoma dasturida sovet davri afsonasiga aylantirilgan ayol – Tursunoy Ohunova hayotiga bag‘ishlangan lavhani nimoyish ...
4 yanvar 2017
Britaniyaning Times gazetasi, Istambuldagi qonli voqealarni tahlil qilarkan, jihodchilar safidagi markaziy osiyoliklarga e'tibor qaratdi. Turk nashrlari, jumladan hujumchining Markaziy Osiyo ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...