Asosiy mavzular
27 oktyabr 2020

Senator MXX josuslikda ayblagan mahkum bilan uchrashdi

Surxondaryo viloyatidagi 41-manzil koloniyada qolayotgan asli tojikistonlik Abdug‘ani Erdonov senator Iminov bilan uchrashuvdan so‘ng yana ozodlikka chiqishiga umid uyg‘ongani haqida bildirdi.

Tojikiston foydasiga josuslikda ayblanib, 8 yildan buyon qamoqda qolayotgan 62 yashar mahkum Abdug‘ani Erdonovning «Eltuz»ga ma'lum qilishicha, u O‘zbekiston Oliy Majlisi Senatining Fan, ta'lim va sog‘liqni saqlash qo‘mitasi raisi Odiljon Iminov bilan 21 oktyabr kuni uchrashgan.

«Mening yetti yillik orzuim amalga oshdi. Shu paytgacha (hukumatdan) bir inson men bilan gaplashmagan edi. Bir soatcha gaplashdik. Yengil bir suhbat o‘tkazishdi. Yuragimdagi hamma gaplarimni aytdim», dedi Erdonov «Eltuz»ga bergan intervyusida.

Erdonovning «Eltuz»ga bildirishicha, senator Iminov unga Erdonovlar masalasi Senat raisi Tanzila Norboeva nazoratiga olingani, ayni masalani ko‘rish maqsadida u bilan suhbat qilgani kelganini aytgan.  

Qamoq jazosining 5 yilini mash'um Jasliq zonasida o‘tagan, manzil koloniyasiga o‘tkazilganidan buyon o‘ziga nisbatan qiynoqlar bo‘lmayotganini bildirgan Erdonov o‘tgan davr mobaynida ancha sog‘lig‘ini yo‘qotganini qayd etdi.

Erdonov uzoq davom etgan tergov va hibslar chog‘ida uning ishi bo‘yicha ayblanganlardan uchta ayol og‘ir qiynoqlarga dosh bera olmasdan o‘lgani, hozir u bilan birga bir o‘g‘li ham qamoqda qolayotganini aytdi.

Abdug‘ani Erdonov 2013 yili o‘nlab qarindoshlari bilan birga MXX podpolkovnigi Nodir To‘raqulov guruhi tomonidan uydirilgan ayblovlar bo‘yicha qamoqqa olingan edi.

2014 yil Surxondaryo viloyati jinoyat ishlari sudi guruhning barcha a'zolarini 5 yildan 20 yilgacha bo‘lgan muddatlarga qamoq jazosiga hukm qildi. Erkaklar jazoni o‘tagani Jasliqqa jo‘natildi.

2018 yili MXXning Surxondaryo viloyati boshqarmasi tergov bo‘limi sobiq boshlig‘i Nodir To‘raqulov JKning 11 moddasi, jumladan, tamagirlik, o‘zlashtirish, poraxo‘rlik, hujjatlarni qalbakilashtirish, aybsizlarni javobgarlikka tortish, qiynoqlar qo‘llash, hokimiyat vakolatlarini suiiste'mol qilish kabi jinoyatlarda ayblanib 16 yilga qamaldi.

Biroq To‘raqulov uydirgan jinoyat ishi o‘zgarishsiz qoldi. “Eltuz” oldin xabar berganidek, joriy yilning fevralida o‘tishi kerak bo‘lgan sud 7 aprelga surildi. Keyin esa koronavirus karantini bois noma'lum muddatga qoldirilgan edi.

Eltuz.com

Tag‘in o‘qing
20 oktyabr 2016
Oldin ham yozgandik, Bosh vazirning virtual qabulxonasiga murojaat qilayotganlar o‘z muammolariga tez yechim topayotganidan minnatdor bo‘layotgani haqida so‘nggi vaqtlarda ...
23 oktyabr 2017
O‘zbekiston parlamenti sputnik likobchalarini o‘zboshimcha o‘rnatishni taqiqlovchi qonun loyihasini taqdim qildi. Bu haqda 12 oktyabr kuni O‘zA agentligi xabar ...
10 sentyabr 2017
9 sentyabr kuni XRV vakillari Xyu Uilyamson (Hugh Williamson) va Stiv Sverdlov (Steve Swerdlov) Xorazm viloyatiga borib, o‘tgan yili ...
27 noyabr 2023
Rossiyaning mustamlakachilik siyosati ta'siri ostidagi O‘zbekistonning bugungi hukumati Turkiston muxtoriyati tuzilgan sanani atay unutishga intilib keladi va bu sana ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...