Asosiy mavzular
2 noyabr 2020

Frantsiyaning yirtilgan bayrog‘i voqeasi yuzasidan rasmiylar noto‘g‘ri ma'lumot tarqatgan

Namangandagi Grand Sherdor mehmonxonasi oldiga osilgan Frantsiya bayrog‘i yirtib tashlanishi voqeasi rasmiy javoblarda bildirilganidan ancha boshqacharoq kechgani ma'lum bo‘ldi. 

Bu voqea haqidagi xabarlar 28 oktyabr kuni ijtimoiy tarmoqlar orqali tarqalgan, mazkur holat aks etgan suratlar ham e'lon qilingandi. 

“Ozodlik” radiosi saytida voqea yuzasidan material berilganidan so‘ng mehmonxona rahbari bayroq yirtib tashlanmagani, yuvish uchun olingani va yana ilib qo‘yilganini aytgan, shu bilan mavzu yopilgandi…

Biroq “Eltuz” muxbirining surishtiruvi ortidan rasmiylar taqdim etgan ma'lumot bilan guvohlarning gapi ikki xil chiqayotgani bilinib qoldi. 

Jumladan, voqeaga guvoh bo‘lgan, o‘zini Jamshid deya tanishtirgan  fuqaroga ko‘ra, bayroqni uch yigit yechib olgan. Ulardan biri bayroqni yirtib tashlagan va mehmonxonaga kirib ketgan. Ular mehmonxona xodimlari bo‘lgan.

Bayroqni rasmga olib, ijtimoiy tarmoqda e'lon qilgan fuqaro esa mehmonxona rahbariyati tazyiqidan so‘ng rasmni sahifasidan o‘chirishga majbur bo‘lganini bildirdi.

Mavzu yuzasidan “Eltuz” muxbiri mehmonxona rahbariyati bilan bog‘landi. U bunga javobni videodan olasiz, deya tahririyatga o‘zining voqeaga javoban uyushtirilgan videoxabarini taqdim etdi. 

“Eltuz”ning aynan bayroq yechib olinayotgani aks etgan videoni taqdim etish to‘g‘risidagi so‘roviga esa rad javobi berildi. 

“Videoda hech kim kelib bayroqni yirtib tashlay olmaydi. Bu yerda kuzatuv kameralari 24 soat ishlab turadi. Bizda davlat ramzlariga hurmat bor”, dedi mehmonxona rahbari “Eltuz” bilan suhbatda. 

Eltuz.com

Tag‘in o‘qing
25 oktyabr 2017
23 oktyabr kuni «Eltuz» nashrining mobil muxbiri jo‘natgan fotosuratda supurgi ko‘targan maktab formasidagi bir guruh maktab o‘quvchilarini ko‘rish mumkin. ...
30 mart 2020
(Epistolyar esse) Marhaboga Ko‘pincha adabiy muhitdan charchaganimda senga sim qoqaman. Balki opamdek yaqinim bo‘lganing uchundir yoki injiqligimni ko‘taradigan ikkita ...
26 noyabr 2020
Bloger Nozim Safari: «AOKA «Gazeta.o‘z»ga ham koronavirus bo‘yicha ma'lumotlar taqqoslangan maqolalar uchun ogohlantirish jo‘natibti. AOKA asl qiyofasini namoyon eta ...
18 may 2021
Samarqandda «Damas» avtomobili haydovchisi IIB xodimining o‘tish yo‘lini to‘sib to‘xtagan, davlat raqami 828 VSS bo‘lgan mashinasiga signal bergani uchun ...
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...