Shahardagi oxirgi daraxtni kesgan odam
Bir odam oxirgi daraxtning ustiga chiqib, o‘zi o‘tirgan daraxtni arralayapti.
Yo‘lda ketayotgan sayyoh unga qarab savol beradi:
– Ilgari bu yurtda nima qilishgan?
– Daraxt ekishgan.
– Qani u daraxtlar?
– Gaz bo‘lmagani uchun kesib o‘tin qilib yoqvorishdi.
– Yana nima qilishgan?
– Traktor, samolyot ishlab chiqarishgan?
– Qani u zavodlar?
– Sotvorishdi?
– Kim sotdi?
– Inoyatov.
– Puli qani?
– Rossiyada tovuq ferma ochdi o‘rniga.
– Uni jazolashdimi?
– Yo‘q, Oliy Majlisga ko‘tarib qo‘yishdi.
– Yana nima qilishgan bu yurtda ilgari?
– Temir yo‘l qurib, Sibirdan yog‘och taxta olib kelishgan.
– Qani u temir yo‘l?
– Odamlar temir yo‘l shpallarini kesib, pichoq va xanjar yasashdi?
– Nima qiladi u pichoq va xanjarlarni?
– Bir-birini so‘yadi.
– Nega odamlar bir-birini so‘yadi?
– Chunki bir-birini otgani o‘qi yo‘q.
Shu payt daraxt butog‘i sinib, u yerda o‘tirgan odam pastga qulaydi. So‘nggi daraxtni kesgan odam daraxtdan yiqilib o‘ldi. Uning tobutiga ham taxta topilmadi.
Eltuz.com