Asosiy mavzular
21 fevral 2021

Prezident Namanganda: O‘zini yoqqan ayolning onasi uydan chiqarilmadi

Prezident Mirziyoev Namanganda Shavkat Abdurazzoqovni viloyatning yangi hokimi etib tayinladi, Uychi tumanidagi to‘rtta sektor rahbarini ishdan oldi, Chustdagi to‘qimachilik korxonasini ko‘zdan kechirdi va Dashtbog‘ mahallasida “oddiy fuqarolar” uyida mehmon bo‘ldi.

O‘tgan yilning 29 sentyabrida uyidan ko‘chirilishiga norozilik sifatida MIBchilar oldida o‘zini yoqib yuborib kasalxonada vafot etgan, firibgarlar qurboni bo‘lgan namanganlik Gulandom Dadaboevaning onasi Namanganga tashrif buyurgan prezident bilan uchrashish imkonini qilolmadi. 

Muhabbat Dadaboeva “Eltuz”ga murojaat qilib, tashrif oldidan bo‘lgan voqealarni so‘zlab berdi. Uning aytishicha, “ko‘chada shubhali va notanish kishilar ikki-uch kundan buyon aylanib yurgan”.


“Hokimlikka muammoimni bir tomonga yechib beringlar, deb 5-6 marotaba bordim, – deydi Dadaboeva. – Ammo dardimni eshitadigan odam yo‘q. Prezidentning Namanganga tashrifi haqida eshitib, u bilan uchrashib, hokimning ustidan arz qilaman, bergan va'dasini bajarmayapti, deyman, deb uyga qaytdim. 

Ertasi kuni hokimlikdan uch kishi kelib, muammongiz ijobiy hal bo‘ladi, prezident oldiga chiqmang. Baribir sizni uning oldiga qo‘yishmaydi. Davlat rahbari kelib ketsin, so‘ng muammongizni hal qilib beramiz, deb yana qo‘ynimni puch yong‘oqqa to‘ldirib ketishdi. 

Men prezidentga uchrab holatni tushuntirmoqchi, hatto qizi ham qizimning yonib ketib, halok bo‘lgani haqida ijtimoiy tarmoqlarda fikrlar bildirgani haqida aytmoqchi edim. Ammo buning imkonini qilolmayapman”.

O‘tgan yilning oktyabr oyida hali viloyat hokimi vazifasini bajaruvchi bo‘lgan Shavkat Abdurazzoqov Gulandom Dadaboevaning uyiga kelib, marhumning oilasi uchun barcha sharoitlar yaratib berilishini aytgan edi. 

Namangan viloyatida Prezident tashrifi bilan bog‘liq yana bir qiziq voqea ro‘y bergan. Ma'lum bo‘lishicha, prezident Namangandagi yutuqlar bilan tanishib yurgan kunlari viloyatdagi jurnalist va blogerlar uchun Farg‘ona viloyatiga ikki kunlik sayohat tashkil etilgan. 

Mahalliy blogerning “Eltuz”ga aytishicha, sayohat O‘zbekiston Yozuvchilar uyushmasi Namangan viloyati bo‘limi tomonidan tekin amalga oshirilgan. Avval ro‘yxat tuzilib, barchaning borishi majburiyligi bildirilgan.  

“Bunday eksklyuziv ishlar faqat bizda, Namanganda bo‘ladi, xolos. Mahalliy jurnalistlar va blogerlar aynan prezident tashrifida “boshlig‘i” bilan Farg‘onaga jo‘natib yuborildi”, deb yozdi “Orzu va hayot” ijtimoiy loyihasi rahbari, namanganlik Ilhomjon Qosimov.

Tag‘in o‘qing
15 aprel 2020
1784 yilning 15 aprelida kunduzi soat ikkida mister Rosso va 10 yashar nog‘orachi bolakay Irlandiyaning Dublin shahridan aerostatda havoga ...
6 aprel 2018
Prezident Shavkat Mirziyoevning moliya tizimi va tender «o‘yinlar»ini tanqid qilgani ortidan O‘zbekistonda ochiq tender savdolari bekor qilindi va davlat ...
21 oktyabr 2015
Eltuz O‘zbekistonning jasur inson huquqlari himoyachilari Malohat Eshonqulova va Yelena Urlaevalarning monitoring reydlari davomida olgan eksklyuziv fotosuratlar va audio ...
29 aprel 2018
2006 yil 29 aprel kuni ertalab 27 yashar huquq faoli A'zam Farmonov taksida viloyat kasalxonasi tomon ketayotganida uchta militsiya ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...