Asosiy mavzular
25 oktyabr 2021

Yulduz Usmonova shoirni “Axlatiy” deya haqorat qildi

22 oktyabr kuni Toshkent shahri Mirzo Ulug‘bek tumani fuqarolik ishlari sudida shoir Yo‘lchi Ro‘zievning da'vo arizasiga binoan bo‘lib o‘tgan sud majlisida O‘zbekiston xalq artisti Yulduz Usmonovaning ishonchli vakili qatnashdi. 

Birinchi sud majlisida Yulduz Usmonova kelmagandi. Uning ishonchli vakili ishtirok etgan bu galgi sud majlisida esa tomonlarning fikrlari eshitildi. Uzoq davom etgan muzokaralardan so‘ng javobgar tomon taklifiga binoan navbatdagi sud majlisi 29 oktyabrga ko‘chirildi. Ungacha tomonlarga o‘zaro kelishish taklifi berildi.

Bu orada 22 oktyabr kuni Yulduz Usmonovaning bastakor Shahboz Nosirjonov bilan bo‘lgan suhbati ijtimoiy tarmoqda tarqaldi. Unda xonanda sudlashuvga oid holatga shaxsiy munosabatini bildirib, shoir Yo‘lchi Ro‘zievga “Axlatiy” deya ta'rif bergan. 

Bundan qattiq norozilik bildirgan shoir Yo‘lchi Ro‘ziev xalq artistining haqoratiga tegishli idora vakillari baho berishini so‘ramoqda.

– Yulduz Usmonova meni ijtimoiy tarmoqda “shoir Axlatiy” deb haqorat qildi, – deydi shoir. – She'rning 95 foizini men o‘zim yozganman, deb aytib o‘tgan. Fuqarolik sudiga she'rning meniki ekanini tasdiqlovchi hujjatlarni tegishli tartibda taqdim etganman. Xalq artistining ijtimoiy tarmoqdagi sahifasiga joylangan videoda shaxsimga haqoratlar bor. Ushbu holatga tegishli tartibda baho berilishini so‘rayman.

“Eltuz” muxbiri holat yuzasidan xonanda bilan bog‘lana olmadi. Uning ma'muri bu bo‘yicha tayinli gap aytmadi.

Shoir Yo‘lchi Ro‘ziev suddan ikki she'rini qo‘shiq qilib kuylagan Yulduz Usmonovadan qalam haqini undirib berishni so‘ramoqda. 

Shoirning so‘zlariga ko‘ra, bundan bir necha yil avval qo‘shiq qilingan she'rlari uchun xonandaning ma'murlari uning nomidan qalam haqi va'da qilgan. Ammo va'da va'daligicha qolib ketgan. 

“Uning o‘zi meni rozi qilishini aytdi. Qalam haqi evaziga kitobimni chop etish taklifini berdi. Men rozi bo‘ldim. Hisob ishlarini turmush o‘rtog‘i va prodyuseri Mansur Agaliev amalga oshiradi, dedi. Ammo bu va'da ham bajarilmadi”, dedi Yo‘lchi Ro‘ziev. 

Eltuz.com

Tag‘in o‘qing
25 fevral 2020
Toshkent viloyatining Bekobod shahrida joylashgan “O‘zmetkombinat” aktsiyadorlik jamiyati bilan xususiy firmalar orqali shartnoma imzolagan Abdusattor Shukurov, Sanobar Yoqubova va ...
16 may 2016
O‘zbekistonda fermerlarga qarshi boshlangan «Oybolta» deya nomlangan kampaniyaga ko‘ra, belgilangan rejani uddalamagan fermerlar, davlatga yerini qaytarib berishi, paxta yetishtirish ...
27 noyabr 2017
Bosh prokuratura huzuridagi departament «Sharshara» savdo belgisi ostidagi kolbasalar eshak go‘shti qo‘shilgan holda savdoga chiqarilishining oldini olganini ma'lum qildi. ...
15 noyabr 2022
Xorazmda masjid qurilishiga oid e'lonlardan kelib tushgan 40 million so‘mni “tuya qilgan” imom-xatibga jinoyat ishi qo‘zg‘atildi. Andijonda esa Umraga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...