Asosiy mavzular
28 mart 2022

Navoiylik faol Dildora Boymurodova uy qamog‘iga olindi

Navoiy viloyatining Karmana tumanida yashovchi jamoatchilik faoli Dildora Boymurodovaga nisbatan O‘zbekiston Jinoyat kodeksining 165-moddasi (tovlamachilik) bo‘yicha jinoyat ishi qo‘zg‘atildi. 

2-guruh nogironi bo‘lgan 45 yoshli Boymurodova bir fuqarodan 2022 yilning 9 mart kuni Navoiy shahrida joylashgan kafeda 1500 AQSh dollari miqdoridagi pulni olgan vaqtida qo‘lga olingani aytilmoqda. 

“N.N. Navoiy viloyati IIB boshlig‘i nomiga ariza bilan murojaat qilib, Dildora Boymurodova unga xizmatga oid ma'lumotlarini internet tarmoqlari orqali tarqatish bilan tahdid qilib, ilgari 2022 yil 4 mart kuni undan tovlamachilik yo‘li bilan 3 million so‘m pul olganiga qaramay, yana 1500 AQSh dollari miqdorida pul talab qilib kelayotganini aytib, Dildora Boymurodovaga nisbatan qonuniy chora ko‘rishni so‘ragan”, deyiladiNavoiy viloyati IIB axborot xizmati 15 mart kuni tarqatgan xabarda.

“Eltuz” 23 mart kuni Boymurodovaning yaqinlari bilan bog‘landi. Uning qizi Kamola Sunnatova hokimlik rasmiylarining bunday harakatiga onasining viloyatdagi nohaqliklar haqida ijtimoiy tarmoqlarda tarqalgan ko‘plab chiqishlari sabab bo‘lganini bildirdi. 

“Ichki ishlarga ariza bilan murojaat qilgan N.N. viloyat madaniyat boshqarmasi rahbari Nodir Niyozovdir”, dedi u. 

Kamola Sunnatovaning aytishicha, viloyat hokimi Normat Tursunov, IIB va Nodir Niyozov til biriktirib, Boymurodovaga qarshi fitna uyushtirgan.

“Nodir Niyozov uyimizga ko‘p kelgan. Chunki ukam ikkimiz madaniyat tizimida ishlaymiz”, dedi Boymurodovaning qizi Eltuzga. 

Uning so‘zlariga ko‘ra, onasiga pulni o‘sha kuni Nodir Niyozov “qizingizning o‘qish kontraktiga ishlatasiz”, deya olib kelgan. 

“Keyingi paytlarda onam bilan Nodir Niyozov kelishmay qolgan edi. O‘tgan yili ukam bilan meni yiliga 8 million to‘lovi bor shartnoma asosidagi 3 yillik sirtqi o‘qishga kiritib qo‘yaman, vazirlikdagi tanishlarga haq berishim kerak, deb 7 million so‘m olib, yiliga 18 million so‘m to‘lanadigan 5 yillik o‘qishga kiritdi. 

Biz buncha pulni to‘lay olmaymiz, deb bormadik o‘qishga. Shu bois kelishmay qolib, onam qonunsizliklarni ochib yuruvdi. Shundan so‘ng u o‘rtaga odam qo‘yib, bu spektaklni uyushtirdi”, dedi Sunnatova “Eltuz” bilan suhbatda.

Kamola Sunnatova onasiga uning uy qamog‘iga olingani haqidagi sud qarorini berishmaganini ham ma'lum qildi.

eltuz.com

Tag‘in o‘qing
29 aprel 2021
(Shoir va siyosatchi Muhammad Solihning “Imperativ” kitobining davomi. Matnning audioversiyasini muallifning o‘zi o‘qigan. Boshi “Eltuz”ning “Imperativ” ruknida. Davomi bor.) ...
3 oktyabr 2015
Kecha bozorga borgandim digin, katta rovotni bekitib Istam isvarkachi isvarka qip tashapti, katta binolardi tepasiga «Barcha yantoq terimiga», «Yantoq ...
1 aprel 2016
Shveytsariyaning dunyoga mashhur «Piaget» qo‘l soatlari ishlab chiqaruvchi kompaniyasi, Samarqand viloyatida joylashgan Temuriylar tarixiga oid bo‘lgan, «Registon» maydonining tasviri ...
17 sentyabr 2021
Bir paytlar o‘zbek teatrlari qaynona-kelin haqida mahalliy kallavaram yozgan go‘to‘yinlarni emas, balki insoniyat tafakkuri gultoji bo‘lgan Shekspir asarlarini sahnalashtirardi. ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...