Asosiy mavzular
27 aprel 2022

Xivada lazgi festivali boshlandi

Xorazm viloyatining Xiva shahrida 25 aprel kuni Lazgi xalqaro raqs festivali boshlandi. Dunyoning 30 dan ziyod mamlakatlaridan kelayotgan mehmonlar mingan uchoq Urganch aeroportiga qo‘narkan, jozibador lazgi raqsi bilan kutib olindi.

Urganch qo‘nalg‘asidan Eltuz muxbiri jo‘natgan dastlabki videolarda ajnabiy mehmonlarning ham xorazmlik raqqosalar bilan birga lazgiga tushayotganini ko‘rish mumkin.

“Uchoq trapidan tushishimiz bilan raqsga tusha boshladik. Bu jozibani so‘z bilan izohlash qiyin. Yorqin milliy liboslar va jozibador raqs ko‘zni qamashtiradi. Haqiqatan ham bayram jonli va samimiy boshlandi” dedi baxtli tasodif tufayli festivalda qatnashish sharafiga muyassar bo‘lganini Eltuzga bildirgan chet ellik mehmonlardan biri.

Keyin mehmonlar sharafiga Xivaning Ichon qal'asi darvozasi tantanali ochildi. Qadimiy Xorazm poytaxtiga kelgan mehmonlarning alifbo tartibida qal'aga kirishiga «izn berildi».

Bu yil Xorazmda ilk bor o‘takazilayotgan Lazgi festivali O‘zbekiston Respublikasi Prezidentining 2020 yil 28 sentyabrdagi PQ-4843-son qaroriga asosan har ikki yilda bir marotaba 25-30 aprel kunlari o‘tkazilishi rejalangan.

Festival doirasida Xalqaro ilmiy amaliy konferentsiyasi va raqs tanlovi tadbirlari o‘tkaziladi. Tanlovda 18 mamlakatdan 160 raqqosa va raqqoslar ishtirok etadi, san'atkorlar mahoratini 6 davlatdan kelgan hakamlar hay'ati baholaydi. Tanlov g‘oliblari turli esdalik va pul mukofotlari bilan taqdirlanadi.

Festival doirasida faol ijrochilarni qo‘llab-quvvatlash va rag‘batlantirish maqsadida ta'sis etilgan «Eng yaxshi raqs», «Eng yaxshi xoreograf», «Eng yaxshi yosh raqqosa (raqqos)» kabi nominatsiyalar bo‘yicha ishtirokchilar rag‘batlantiruvchi sovg‘a va mukofotlar bilan taqdirlanadi, deydi festivalni  kuzatayotgan Eltuz muxbiri.

Format¸ mafkura¸ til o‘zgardi ammo Lazgi o‘zgarmay bizgacha yetib keldi. Lazgi kodi Da Vinchi kodidan ham qadimiy. Bu kod to‘rt raqam va ikki xarfdan iborat. Bu kodni uyida ming yillik karvuchdan terilgan qudug‘i bo‘lgan xorazmlik biladi. Xivadagi Lazgi festivali esa 30 aprelga qadar davom etadi.

Eltuz.com

Tag‘in o‘qing
2 yanvar 2017
Ijtimoiy tarmoqda qorqiz kiyimini kiygan erkakni haqoratlab so‘kib, kaltaklangani aks etgan video paydo bo‘ldi. Shu bugun feysbukga qo‘yilgan, qo‘l ...
14 iyun 2021
O‘zbekistonda shoir Rauf Parfi xotirasiga bronza haykal o‘rnatish uchun bir guruh ziyolilar boshlagan pul yig‘ish harakati nihoyasiga yetmoqda. “Biz ...
21 sentyabr 2020
O‘zbekistonda paxta yig‘im-terimi mavsumi boshlandi. Shu sababli har yili bo‘lganidek, joriy yilda ham aholi orasida ushbu mavzu dolzarb bo‘lishi tabiiy. ...
23 fevral 2021
O‘tgan hafta oxirida Toshkentdagi jinoyat doiralarida “Qora” va “Graf” laqablari bilan tanilgan yirik tadbirkor G‘afur Rahimovning jiyani Ravshan Muhiddinovning ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...