Asosiy mavzular
1 iyun 2022

Farg‘ona tergov hibsxonasida mahbusning kaltaklangani aytilmoqda

Farg‘ona shahridagi 10-sonli vaqtinchalik saqlash tergov hibsxonasi maxbusi Qamchiev Sunnatilla va uning sheriklari muassasa xodimlari tomonidan kaltaklangan. Bu haqda 29 may kuni mahalliy bloger Olimjon Haydarovga murojaat qilgan maxbus Sunnatilla Qamchievning onasi arz qilmoqda.

Muhayyo opaning videomurojaatda bildirishicha, voqea shu yilning 24 mayida sodir bo‘lgan. Uning hibsda saqlanayotgan o‘g‘li Sunnatilla Qamchiev sheriklaridan birining tanasiga qizil toshmalar toshib ketganini ko‘rib, xibsxona xodimlaridan shifokor chaqirishni va dori berishlarini so‘ragan.

Bu kasallik yuqumli bo‘lishidan havotir bildirganida avvaliga, maxbusning iddaolariga ko‘ra, Oybek va Nizom ismli xibsxona xodimlari «Sen itdan bo‘lganlarga dori yo‘q!» deya uni haqorat qilib tashlashgan. Qamchiev ulardan haqorat qilmaslikni, qonunga rioya qilishini, faqat sherigi uchun dori so‘raganini aytganida esa, «Hali sen bizdan qonun talab qiladigan bo‘ldingmi? Seni qonuningni men yozshanman, itvachcha» deb, uning bo‘ynidan sudrab, o‘sha yerning o‘zida hammaning oldida ura boshlashgan. Keyin koridorga olib chiqib kuzatuv kamerasining qarshisida ham urishgan. Tag‘in boshqa bir xonaga olib kirib, u yerda ham urishgan.

Onaning so‘zlariga ko‘ra, tergov hibsxonasi xodimlarining maxbuslarni qiynoqqa solib kaltaklashi ilk bor kuzatilayotgani yo‘q. «Masalan, Nizom ismli xodim avval Andijonda shu yo‘sinda mahkumlarni urib, mayib qilib ishlagan, keyin bu yerga ishga o‘tgan ekan, Oybek ismli xodim esa, avval YHXB(GAI)da ishlab, xizmat davomida haydovchini urgani sabab ishdan haydalib, shu yerga kelgan», deydi Muhayyo opa.

«Avvalroq ham o‘g‘limni hibsga olishganidan so‘ng qattiq urishgan. O‘shanda u hatto o‘z joniga qasd qilib qo‘llarini kesib tashlagan edi. Hozir ham qo‘llarida tikilgan, chandiq izlari bor. O‘shanda bu ish boshqa takrorlanmaydi. U yoq, bu yoqlarga yozib yurmang, deb iltimos qilishgan edi».

Sunnatilla Qamchiev 2021 yilning 28 avgustidan buyon Farg‘ona shahridagi 10-sonli tergov hibsxonasida JKning 166 moddasi 3 qismi «a» bandi bilan (talonchilik) da ayblanib saqlanmoqda.

Qamchievning onasi o‘tgan yilning dekabridan buyon o‘g‘lini ko‘rmaganini, hibsxona ma'muriyati ko‘rishishga ruhsat bermayotganini aytmoqda.

Shuningdek, ayolning Vaqtinchalik saqlash tergov xibsxonasi xodimlari ustidan shikoyati Farg‘ona viloyat prokuraturasi nazorati ostiga olingani bildirilgan.

«Eltuz» mazkur holatga izoh yuzasidan joriy yilning 1 iyun kuni Toshkent vaqti bilan soat kechki 17.00 ga qadar Farg‘ona viloyati prokuraturasiga bir necha bor qo‘ng‘iroq qilib bog‘lanishga urindi. Biroq, hech kim javob bermadi.

Eltuz.com

Tag‘in o‘qing
23 dekabr 2019
2015-2017 yillarda O‘zbekiston fuqarolarining “buzuqlar maskani” deb e'lon qilingan kvartiralari va uylarini ommaviy ravishda musodara qilish holatlarini o‘rganish muhim ...
21 iyul 2016
Ayni holatni o‘z karikaturasi orqali hajv qilishga intilgan rassom Elsevar, yonida pasporti yoki propiskasi bo‘lmaganlar militsiya nishoniga aylanganiga e'tiborni ...
5 sentyabr 2018
Telia shirkatining sobiq rahbarlari ustidan Stokgolmda davom etgan sudda Toshkentdagi «Dado» guruhi qo‘shiqchisi bo‘lgan Rustam Madumarov Gulnora Karimovaning rasmiy ...
28 noyabr 2019
Turkiyada yashayotgan O‘zbekiston «Erk» demokratik partiyasi lideri Muhammad Solih 27 noyabr kuni «Nastoyashee vremya-Aziya» TV dasturi uchun bergan intervyusida ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...