Asosiy mavzular
10 oktyabr 2022

«Spark» egasini o‘ldirib yoqib yuborgan jomboylik giyohvandfurushlar qamaldi

Samarqand shahrida yashovchi Safarov Aminjonni bolg‘a va tesha bilan urib o‘ldirib murdasini uning Spark avtomobiliga qo‘shib yoqib yuborgan jomboylik 3 nafar erkak sud hukmi bilan uzoq muddatga qamaldi.

Jizzax viloyat prokuraturasi ma'lumotlariga ko‘ra, voqea 2021 yilning 22 dekabrida sodir bo‘lgan.

28 dekabr kuni Jizzax viloyati G‘allaorol tuman Ichki ishlar bo‘limiga Mirzabuloq mahallasi Nayman qishlog‘idagi Abdumajid Abdug‘affor Fermer xo‘jaligi dala maydonidan yonib ketgan holda zovurdan topilgan davlat raqami bo‘lmagan Spark avtomashinasi topilgani haqida xabar kelib tushgan.
G‘allaorol tuman prokurori Samandar Razzoqovning tezkor IIB xodimlaridan iqtibos keltirib bildirishicha, yonib ketgan oq rangli Spark avtomobili ichidan noma'lum shaxs murdasi topilgan. Shu kunning o‘zida jinoyat ishi qo‘zg‘atilgan va tergov harakatlariga kirishilgan.

Jizzax viloyat huquq tartibot vakillar, sud, prokuratura va ichki ishlar tergov xodimlaridan iborat guruh tomonidan o‘nlab tergov taxminlari ishlab chiqilgan va surishtiruv ishlari olib borilgan.

Natijada Spark avtomobili egasi Samarqand shahar, Zarafshon mahallasi, Muruntov ko‘chasi 5 uyda yashovchi, Aminjon Safarov ekani aniqlangan.

Jizzax viloyat prokururaturasi katta tergovchisi Otajon Qodirovning matbuotga bildirishicha, voqeaga giyohvand moddasi oldi sottisi sabab bo‘lgan.

2021 yilning oktyabr oylarida maqtul Aminjon Safarovga 290 gramm marixuana moddasini 500 dollarga sotgan 32 yashar Abdullaev Akmal pulini so‘raganida bermagan va yana so‘ragan taqdirda tegishli idoralarga xabar berishini aytgan.

Shundan so‘ng A. Abdullaev qarzini bermagan A. Safarovni o‘ldirish rejasini tuzadi bunga hamqishloqlari Bahoev Yashin va Qodirov Elmurodlarni jalb qiladi.

Ular 2021 yilning 22 dekabrida Safarov Aminjonga qo‘ng‘iroq qilib, giyohvandlik vositasi taklif qilishadi. Uchrashuv uchun Samarqand viloyati Jomboy tumani Qoraariq qishlog‘idagi soy bo‘yi tanlanadi.
Safarov o‘zining Spark rusumidagi mashinasida voqea joyiga yetib keladi. Va u yerda uni uchovlon bolg‘a va teshalar bilan urib o‘ldirishadi.

Tergov ma'lumotlariga ko‘ra, jinoyat izlarini yashirish maqsadida Safarovning jasadini uning avtomombiliga joylab G‘allaorol tumaniga olib kelishadi. Mashinani Zovurga ag‘darib yoqib yuborib, avtomobilning davlat raqamini yashirib, uchovlon voqea joyini tark etishadi.

Sud tibbiy ekspertizasi xulosasiga ko‘ra, Safarovning o‘limi uning hayotiga tahdid soladigan ochiq yuqori va pastki jag‘ suyagi sinishi jarohati, qattiq jism ta'sirida yetkazilgan zarba natijasida yuzaga kelgan.

Jinoyat ishlari bo‘yicha Jizzax sudining 2022 yil, 14 iyundagi hukmi bilan javobgarlikni og‘irlashtiruvchi holatlarda jinoyatga qo‘l urgan Akmal Abdullaev, Yashin Vafoev, Elmurod Qodirovlar O‘zbekiston Jinoyat kodeksining 97 moddasi 2 qismi, 164 modda qismi 3 qismi d bandi va boshqa moddalar bilan aybli deb topilib jazo tayinlandi.

Abdullaev Akmal 20 yil, Vafoev Yashin 19 yil, Qodirov Elmurod 16 yil ozodlikdan mahrum etildi. Aminjon Safarovning uch nafar farzandi yetim qoldi.

Eltuz.com

Tag‘in o‘qing
22 may 2017
“XXI asr” gazetasining (18.05) «Taraqqiyotning yangi modeli yoki «yo‘lbars shiddati»ga shaylanayotgan mamlakat» maqolasidagi iddaoga ko‘ra shunday. Maqolada Janubiy Koreya, ...
10 aprel 2021
8 aprel kuni Effekt.uz jurnalisti Elyor Tojiboev Surxondaryo viloyati Denov tumani IIB mulozimlari tomonidan o‘zi yashaydigan xonadondan majburan olib ketildi. ...
9 noyabr 2017
2017 yilgi paxta terimida «Umumxalq hashari» shiori ostida byudjet idoralari xodimlari, jumladan, o‘qituvchilar mehnatidan tobora kengroq foydalanilmoqda. Sirdaryo viloyatidan ...
8 sentyabr 2018
«O‘zbekkontsert» qoshidagi badiiy kengash 5 sentyabr kuni bir qancha o‘zbek artistlari kliplarini mahalliy TV kanallarida ko‘rsatishni taqiqladi. Ular ichida ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...