Asosiy mavzular
23 noyabr 2022

EP46: Tabiiy gaz va elektr ta'minotida uzilishlar avj olmoqda

Eltuz portaliga kelgan navbatdagi 5 ta navbatdagi shikoyatni o‘qib eshittiramiz. Dastlabki shikoyat Buxoroning Shofirkon tumanidan.

Shofirkonda tok yo‘q

«Assalomu alaykum Eltuz. Buxoro viloyati, Shofirkon tumanida tok yo‘q.
Soatlab tok ketishi natijasida zapravkalarda son-sanoqsiz navbatlar yuzaga kelmoqda.
Hurmatli energetika vaziri. Yozi bilan yallo qilib yurgan tizimingiz bilan qish mavsumiga tayyor emas ekansiz iste'fo bering. Tizimni yosh, ishchan, bilim va salohiyatli rahbarlarga bo‘shating. Shofirkondagi energetika xodimlarining 90 % i 50-60 ga kirgan qariyalar sanaladi. (Bu holat respublikamizda shunaqa)
1 soat emas, 4-5 soatlab tok ketyapti. Siz davlatdagi hamma tizimni:
Ta'lim, moliya-bank, tibbiyot, xususiy tadbirkorlik kabi yuzlab sohalarni izdan chiqarib bo‘ldingiz.» deya yozmoqda shofirkonlik shikoyatgo‘y.

«Chiroqsiz dars qilolmayapmiz…»

«Assalamu alaykum Samarqand viloyati Oqdaryo tumanida Toshkent davlat Agrar universitetining Samarqand filiali 2020-yilda ochilgan. Ushbu dargohda hozirda bir yarim mingga yaqin talaba ta'lim oladi. Talabalarning asosiy qismi tumanning Daxbed shaharchasida mahalliy aholi xonadonlarida ijarada turadi. Hozirda semestr yaqinlashayotgani sababli ko‘pchilik talabalar mustaqil ta'lim va kurs ishlarini bajarishda qiyinchilik yuzaga kelayapti. Bunga sabab elektr energiyani haddan ortiq ko‘p o‘chirilayotgani yuzasidan murojaat qilyabmiz. Eltuz portalidan mutasaddilarga ahvolni yetkazib elektr bilan bog‘liq muammoni ijobiy hal qilinishiga yordam berishini so‘rab qolamiz.»

«Agar bartaraf etilmasa biz ham mitingga chiqamiz…»

«Assalomu alaykum! Men sizga Samarqandning Pastdarg‘omidan yozmoqdaman.
Vazirning qarori chiqqach, bizda bugun elektor tokini 20 daqiqa berib 1 soat o‘chirishmoqda. Telefonimni soat 12 da quvvatlantirishga qo‘ygandim, hali 75 % dan oshgani yo‘q, ertalabdan beri kamida 10 marta yonib o‘chdiyov. O‘zim uyda edim sanashdan ham adashib ketdim. Bizda gaz yo‘q, 13 yildan beri adashmasam. Mana tok ham bu ahvol, xalq norozi. Agar bu bartaraf etilmasa yaxshilikka olib kelmaydi. Chunki eshitishimcha Buxoroda ham vaziyat yaxshimas deyishdi…»

«Aholi ko‘pligidan chirog‘imiz tez tez o‘chayotgan ekan…»

«Assalomu alaykum. Men Farg‘ona viloyati Furqat tumani Yangi qishloq MFY Mustaqillik ko‘chasidan murojaat qilyabman.
Bizning ko‘chamizda har doimgidek yana svet yo‘q. Aholi ko‘pligidan elektr transformatori ko‘tara olmayabdi ekan. Bir necha bor tuman elektr tarmoqlari bo‘limiga murojaat qildik, keladi ilojini qilib ulaydi, ketgach yana o‘chib qoladi.
Oddiy xalq nima qilaylik ishdan kelsang shu ahvol. Biz tuman hokimligidan qolaversa, shunga mas'ullardan yechimini qilib berishini so‘rardik»

Chorbog‘da chiroqning cho‘g‘i past

«Chorbog‘ MFY Chorbog‘ qishlog‘i Chorbog‘ ko‘chasi fuqarolari nomidan.
Mana 4 xaftadan beri elektr liniyalarimiz nosoz bo‘lib bir faza bo‘lib qoladi 3 oy oldingni prizident kelishiga o‘rnatilgan biton stalbalarimiz hali ulanmagan, transfarmator quvvati aholiga nisbatan juda past ahvolda yetarli quvvat bilan ishlamayabti kuchlanishni ko‘tarolmasdan erib ketgan. Elektrenergiya inspeksiyasiga murojaat yo‘lladik hech qanday harakat bo‘lmadi, faqatgina ko‘zbo‘yamachilik qilishib dalolatnoma tuzilib murojaatga rasmli javob qilishib ketishgan halos. Mahalla raisi ham tuman elektr tarmoqlar korxonasiga boshlig‘i Narimonjon Meliqo‘zievga ham aytishgan chora ko‘rilmadi, telegram orqali shaxsiy profiliga murojaat yo‘lladim ham biror marta javob qaytarmadi bu vallomat oyog‘i yerdan uzilgan bularni. Iltimos svetimiz o‘chishi xam sutkada kamida 5 soat bo‘lmaydi shu masalada elektro energiya vazirligiga yordam berishi uchun mahallamiz nomidan murojaat qilaman.»

+++

Bu sizga o‘qib eshittirganimiz bugungi so‘nggi maktub edi. Turkumga kirmagan ko‘plab shikoyatlarni Eltuz Portalining telegram sahifasida o‘qishingiz mumkin. Ularga tegishli idoralar e'tibor qaratadi deya umid qilamiz. Eslatib o‘tamiz. eltuz portali interaktiv tarzda telegram kanalida alohida sahifa shaklida ochilgan. Murojaatlar uchun u yerga maxsus bot ham o‘rnatilgan. Eltuz kelayotgan shikoyatlar, takliflar va ularga yozilgan javoblarni ham e'tiboringizga taqdim etishga intiladi. Kun davomida biz bilan qoling. Kanallarimizga obuna bo‘ling.

@eltuz

Tag‘in o‘qing
24 avgust 2020
Belarusdagi namoyishlar ortidan prezident Aleksandr Lukashenkoning 23 avgust kuni avtomat va bronejiletda aks etgan videosi ijtimoiy tarmoqlarda memga aylandi. ...
5 noyabr 2016
O‘zbekiston Xalq shoiri, O‘zbekiston qahramoni Abdulla Oripov 5 noyabr kuni ertalab AQShning Xyuston shahrida 75 yoshida vafot etdi. Eltuz.com ...
9 yanvar 2018
6 yanvardan instagram va feysbuk sahifalarida stixiyali tarzda o‘zbeklar do‘ppi fleshmobini boshlashdi. Unga tarmoqda boshqa millatlar ham qo‘shilishdi. Zardo‘ziyu ...
10 iyun 2016
10 iyun kuni, O‘zbekiston Mustaqil huquq himoyachilari tashabbus guruhi raxbari Surat Ikromov tarqatgan matbuot bildirishiga ko‘ra, ro‘za boshlangan 2016 ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...