Asosiy mavzular
8 iyun 2024

Bloger Murod Maxsudov nega qamaldi?

Jinoyat ishlari bo‘yicha Toshkent shahar  Yashnobod tumani sudi hukmi bilan bloger va «Ezgulik» inson huquqlarini himoya qilish jamiyatining faoli Murod Maxsudov tovlamachilik, tuhmat va haqorat qilishda ayblanib,  7,5 yilga qamaldi.

Yopiq sud majlislarida Murod o‘zining haqligini isbotlashga ko‘p uringan,  ammo 7,5 raqami blogerlarning taqdiriga bitilgan xos raqamga o‘xshaydi, deb yozdi «Ezgulik» jamiyati raisi Abdurahmon Tashanov.

Shu yerda Murod Maxsudovni rejimning navbatdagi qurboni deb, qamalgan blogerlar ro‘yxatiga kiritib qo‘ysak bo‘lardi. Ammo, tarmoqda tarqalgan audio bizni bu ishdan qaytardi.

Bloger Murod Maxsudov tanqidiy postini o‘chirish evaziga 10.000$ talab qilgan

Ma'lum qilinishicha: Feysbukdagi “Bloger Uz” sahifasi muallifi bloger Murod Maxsudov, fuqaro Abdullaev Abdurahmon Abduxalilovichga qo‘ng‘iroq qilib, uning jinoyatchi ekanligi, akasi bilan birga go‘yoki bangixona tashkil qilganligi, Yashnobod tuman Ichki ishlar organlari faoliyatini muvofiqlashtirish boshqarmasi boshlig‘i ularni mazkur jinoyatlarini yashirib kelayotganligi xaqida ma'lumotlar mavjud bo‘lgan videorolikni “Facebook”dagi “Bloger Uz” sahifasiga joylashtirganligini aytadi.

Bloger Murod Maxsudov agar u talab qilgan 10.000$ ni Abdurahmon Abdullaev olib kelib bermasa, sodir qilib kelayotgan jinoyatlari haqidagi videoroliklarni ijtimoiy tarmoqlarda joylashtirishni to‘xtatmasligini aytib tahdid qiladi.

Shu tariqa Murod Maxsudov Abdurahmon Abdullaevni o‘z mulki yoki mulkka bo‘lgan huquqni berishga majbur qilgan.

Sol biqiniga….

Avval ham yozganimdek, ma'rifatli yorug‘ dunyoda jurnalist o‘z ishi uchun redaktsiyadan oylik yoki gonorar oladi. Bloger esa yo hobbi o‘laroq tekin ishlaydi yoki, obunachisi ko‘p bo‘lsa, tarmoqdan pul oladi.

OAV reklama bo‘limi esa reklama sotib, redaktsiya va  jurnalistlarni  ta'minlaydi. Aytganimdek, bu tamaddun bor bo‘lgan yorug‘ dunyodagi tutum. Bizning qop-qorong‘u istonimizda esa tep-teskarisi. Voqeani yoritish pullik xizmatga aylantirilgan.

Ayniqsa, bloger degani – yomonam ochko‘z yaratiq.

Oldindan katta pul olishadi, muammongizni hal qiberaman, deb. Avomam buni xizmat turi deb bilib, enasining pensasiga, bovosining o‘limligini qo‘shib obkeb blogerning qo‘liga tutqazadi.

Bloger degan aprs, «ishdi bajarmasa» nimao‘ladi? Ko‘pi «xudog‘a soldim, teshib chig‘sin» deb ketadi. Jahldori bo‘lsa, bloger degan aprsni tagiga bosib uradi. Dogovor yest dogovor. Nega bajara olmaydigan ishdi bo‘ynig‘a oldi. «Sol biqiniga» deydi.

Keyin bu aprs bloger, «men tonqid qig‘anim uchun zo‘rlandim, nomusimni poymol qilishdi» deb, «pryamoy» qiladi. Hamma ichi uvishib, yerlarga tumalab jilagan. Oh-voh, nemis porno filmidan ham dahshatli eshitiladi. Xullas, ag‘ini bilasiz.

Shu qorong‘u dunyoda billa yashayappiz. Ko‘rib turipsiz hammasni. Lekin oldinroq bu aprslar haqida binnasa yozuvdim, bugun shuni yana o‘qisak, balkim oql kirar bizning qovoq kallamizga…

O‘qiganlar darmonda, o‘qimaganlar armonda. Aytmoqchi Rassom Tuz otpuskada, lekin uning videolari ham huddi bugungiday jaranglaydi.

Tag‘in o‘qing
6 iyun 2016
O‘tgan oy O‘zbekiston telekanallari «ish»ni 9 may- Xotira va qadrlash kuni munosabati bilan yurtboshining urush faxriylariga ko‘rsatgan «ulkan ehtiromi ...
22 aprel 2019
Ukraina saylovida shoumen Zelenskiyning g‘olib chiqqani o‘zbek hajvchisi va telegram blogeri Nozim Safarini o‘z kanalida «prezidentlik saylovchasi» o‘tkazishga undadi. ...
8 yanvar 2022
Hikoyamiz qahramoni qirq bilan ellik orasidagi dehqonobodlik yigit. Toshkentning eski pedinstitut yaqinidagi Bobur ko‘chasida, to‘rt qavatli g‘ishtin uylardan birida ...
27 may 2017
«Milliy tiklanish» gazetasi (24.05) Buxorodagi qadimiy ko‘chaga Karimov nomini berish haqidagi partiyaning taklifi viloyat kengashi tomonidan «bir ovozdan ma'qullangani»ni ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...