Asosiy mavzular
7 iyun 2024

Kasb etikasini talab qilgan vazirga javob

Kambag‘allikni qisqartirish va bandlik vaziri matbuot kotibi – axborot siyosati masalalari bo‘yicha maslahatchisi Jamoliddin Qalandarov Eltuzni yoki unda chiqqan maqolalarni tilga olmasdan, ammo ishoralar bilan Eltuzga, ta'bir joiz, zahrini sochibdi.

“Xo‘sh, endi ochiq aytadigan bo‘lsam, telegramda kanal ochib, hech qanday talablarga javob bermasa-da o‘zini “OAV” sifatida ko‘radigan ayrim “sariq” kanallarning har hafta “yo‘qlab” turishi odamning asabiga tega boshladi,” deya Eltuzning Kambag‘allikni qisqartirish va bandlik vaziri haqida chiqqan tanqidiy postlariga javob berganday bo‘ladi Jamoliddin Qalandarov. 

“Sizlarni o‘qitgan ustozlar aytishmaganmi, faktlarni tekshiring, tarqatayotgan axborotingiz ishonchli bo‘lsin, yolg‘on ma'lumot bo‘lib kimningdir obro‘siga putur yetkazib qo‘ymang, tuhmat xabarlar bo‘lmasin, uni tarqatmang, demaganmi?” deya o‘zicha jurnalistik etikadan saboq berganday bo‘ladi jurnalistikada 18 yillik stajga ekanligini pisanda qilgan matbuot kotibi.

Erinmaganlar uning “slovesnыy ponos»ini mana bu havola orqali o‘qib olishlari mumkin. 

Albatta, Eltuzga javob yozish Jamoliddin Qalandarovning o‘zidan emas, bunday topshiriq shaxsan vazir janoblarining o‘zidan chiqayotganini taxmin qilish mumkin. Ammo, matbuot kotibi tosh otdimi, javobini ham chidab eshitsin.

Gap bundoq Jamoliddin Qalandarov!

Eltuz vazir Behzod Musaevning shaxsiy hayotini muhokama qilmadi – o‘lgan buvisi, yoki bola-chaqasini qarg‘amadi. Zero biz qarg‘ashni Dok 1 Maks sababli nobud bo‘lgan 65 bolaning ota-onasiga havola qildik. Hozir gap Behzod Musaevning korruptsion harakatlari haqida.

Kambag‘allikni qisqartirish va bandlik vazirligi ta'mirtalab bo‘lmagan bir binoning remonti uchun 5 million dollarni tuya qilganini qanday inkor qiladi? Harajatlar smetasini taqdim qiloladimi?

Kambag‘allikni qisqartirish va bandlik vazirligi ishchilarining daromadini mygov.uz saytidan tekshirib olish mumkin.

Mo‘may oylik va rag‘batlantirish faqat bir guruh xodimlarga yozilgan. Buning nimasi tuhmat?

Behzod Musaev Sog‘liqni saqlash vaziri bo‘lgan davrda Dok1 Maks dan zaharlangan qorako‘zlar haqida ham Eltuz uydirma to‘qiganmi?

Agar shu fojia Yaponiyada yuz berganda sog‘liqni saqlash vaziri tiz cho‘kib, Xalqdan uzr so‘rardi. Nomusiga chidolmasdan hovlisining chetida o‘zini xarakiri qilardi. Bizda esa Behzod Musaev bet nimayu, ket nima deb, boshqa vazirlikda qo‘nim topdi.

Kambag‘allikni qisqartirish kerak, qashshoqlarimiz juda ko‘p deb tan olib turgan yurt uchun 5 million dollar pulni foydalanishga tayyor bir binoning remontiga sovurish – bu yumshoq aytganda uvol, qattiq qilib aytganda jinoyat emasmi?

Korruptsiyaga botgani kundek ravshan vazirlik bugun o‘g‘rilikni fosh qilgan Eltuzni ayblayapti.

Absurdning eng yuqori cho‘qqisi – Vatanni sotib, yeb-bitirayotgan, kamiga Dok1 Maks ishida suvdan qup-quruq chiqqan Behzod Musaev va uning komandasi Eltuzga jurnalistlik etikasidan saboq beryapti.

Yuzing parallelepiped bo‘lsa ko‘zgudan o‘pkalama. Eltuz Kambag‘allikni qisqartirish va bandlik vazirligidagi nohaqliklarga ko‘zgu tutishda davom etadi. Kanalimizga obuna bo‘ling, videolarimizga layk qoldiring.

Tag‘in o‘qing
29 noyabr 2023
Milliy gvardiya o‘z xodimlariga qilingan hujumlar uchun jinoyat olamidan qasos olgani aytilmoqda. Salom Qadrli muxlislar bugun 29 noyabr  Eltuz ...
17 may 2017
Farg‘ona viloyati fermerlari majburlab berilgan ipak qurtini yana hokimiyatga qaytarib olib kelishmoqda. Bu haqda Eltuz muxbiriga Rishton tumanidagi fermerlardan ...
3 iyun 2021
Effect.uz axloq-odob qoidalariga zid xatti-harakatlarga yo‘l qo‘ygan, ammo uning muammolarga duchor bo‘lishi sababi bu bilan bog‘liq emas, deya yozadi ...
20 mart 2020
Ko‘chadan kelib, qo‘limni kirsovun bilan uch qaytalab yuvdim. Keyin spirt bilan chaydim. Keyin limon siqib, suvi bilan yuz qo‘limni ishqaladim.  ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...