Asosiy mavzular
16 iyun 2024

Buvayda hokimi ipak qurti boqmagan fermer g‘allasini o‘rdirmayapti

Fazliddin Madaliev “Fazliddin Madaliev” fermer xo‘jaligi rahbari. U 17 gektar yerga g‘alla ekkan edi.
Markaziy Farg‘ona cho‘llarida joylashgan ekin maydonlarida ungan bug‘doylari deyarli barcha fermerlarning g‘allasidan erta pishgan bo‘lsa ham, ammo tuman hokimi Behzod Ibrohimov “Nuri Baxt” klasteriga bu fermerning g‘allasini o‘rib olishga ruxsat bermayapti.
Bu haqda fermer xo‘jaligi huquqshunosi Asqarali Fayzullaev bizga gapirib berdi.
Asqarali Fayzullaevning aytishicha, fermer garchi majburiyatiga kirmasa ham pilla yetishtirishga ya'ni ipak qurti boqishga majburlangan. Ammo Fazliddin ipak qurti boqmagan. Tuman hokimi esa pilla boqmaganligi uchun jazo tariqasida uning bug‘doylari uvol bo‘lishi uchun o‘rdirmasdan turibdi.
Huquqshunos tuman hokimligining qishloq xo‘jaligi masalalari bo‘yicha hokim o‘rinbosari Suyundik Tusmatov bilan bog‘langan. Suyundik Tusmatov huquqshunosga aynan shunday deb javob bergan.
Men telefon orqali Suyundik bilan bog‘landim. Uning (Fazliddinning) g‘allasi o‘rilmaydi. Hokimning topshirig‘i, deb aytdi , deydi Asqarali Fayzullaev. Huquqshunosning aytishicha, Suyundikdan keyin u tuman “Agropilla” rahbari Asror ismli yigit bilan ham telefon orqali bog‘langan. Agropilla rahbari fermer xo‘jaligi bilan Agropillaning hech qanday shartnomasi yo‘qligini, ammo qandaydir dalolatnomalarga qo‘l qo‘yib, muhr bosilganligini aytgan. Va agar fermer 250 kg. pilla uchun pul to‘lasa hech qanday muammo bo‘lmasligini bildirgan.
Shunda yetishtirilmagan 1 kg pilla fermerga 15 ming so‘mdan tushishini aytgan.
Huquqshunos savollariga javob olish uchun g‘alla klasteri hisoblangan “Nuri baxt” klasteri rahbarlariga ham qayta qayta qo‘ng‘iroq qilgan. Ammo ulardan ham ijobiy javob ololmagan.
“Nuri Baxt” klasteri ham qo‘ng‘iroqlarimizga javob bermaydi. Mabodo telefonga javob berib qolsa ham “hokim xo‘jayin emas, biz o‘rib olamiz” jdeb va'da berishdan ortmaydi. Ammo bug‘doy qorayib, o‘z xususiyatini yo‘qotyapti. Turaverib, uning vazni ham kamayyapti, deydi huquqshunos Asqarali Fayzullaev.
Ayni kunda, Farg‘ona viloyatining faqat Buvayda tumanida emas, balki boshqa tumanlarida ham fermerlardan 1 kg pilla uchun 10 ming so‘mdan 25 ming so‘mgacha pul talab qilinayotganligi haqidagi ma'lumotlar bor.
Ammo fermerlar keyingi faoliyatiga salbiy ta'sir qilishi mumkinligi, hokim va kuch ishlatar tizimlar bosimi ostida qolishdan qo‘rqib, o‘z ismi shariflarini oshkor qilishni istamayapdilar.

Tag‘in o‘qing
28 mart 2019
1797 yili AQShda dunyodagi ilk kir yuvadigan mashinaga patent olindi. Shu tariqa bundan 219 yil avval insoniyat, xususan, ayollarning ...
29 mart 2021
Avtomobilda otvyortka borligi uchun haydovchi avtomobili Yo‘l- patrul xizmati xodimi tomonidan tintuv qilingani ijtimoiy tarmoqlarda shov-shuvga sabab bo‘ldi. 23 ...
13 iyun 2016
«O‘zbekiston ovozi» gazetasida e'lon qilingan «Mustaqil yurt odamlari bugunidan rozi, ertasidan ko‘ngli to‘q» sarlavhali maqolada Oliy Majlis Qonunchilik palatasi ...
29 noyabr 2017
28 noyabr kuni O‘zbekiston iqtisodiyot vaziri 61 yoshli Galina Saidova hamda O‘zbekiston tashqi savdo vaziri 57 yoshli Elyor G‘aniev ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...