UzPoster
20 сентябр 2018

Рауф Парфи издошлари тармоқда акция бошлашди

Алишер Навоий номидаги Ўзбекистон миллий кутубхонасида 25 сентябрга режаланган Рауф Парфининг 75 йиллиги тадбирининг тақиқланиши ортидан фейсбук ижтимоий тармоғида шоирнинг мухлислари #parfimaniya хештеги остида акция бошлашди.

«25 сентябрь куни эмас, тақиқланган Рауф Парфи шеърияти билан учрашувни бугун бошлаймиз. Пастдаги аудиода устоз шоир абадиятдан сизга мурожаат қилмоқда», дея ёзди фейсбукда шоир Ҳуршид Даврон ва постига Рауф Парфи аудиоёзувини илова қилди.

Шоирнинг фейсбук тармоғида #parfimaniya хештеги остида қўйилаётган ижоди, китоблари, ҳаёти ва хотираларига оид постлар, видео, аудио, фото ва уларга изоҳлар тармоқда стихияли тарзда давом этмоқда…

Омон Азиз (кандакор): Сўнгги сўзларим… Рауф Парфини мен гўё бир малоикдай, фариштадай билардим. Бу жуда тоза, сокин, сабрли Инсон эди».

Паҳлавон Содиқ: (журналист) «Рауф Парфи раҳматли «Мени Лондонга олиб боринглар, бир марта Темзага оёғимни солиб ўтирсам бўлди», деб айтарди. Қачон Темзанинг ёнидан ўтсам, шу гапи эсимга тушади…Руҳи шод бўлсин!»

Муҳаммад Исмоил (шоир): «Ҳаётимда Рауф Парфи даври 1981 йил 20 октябрда бошланган… Мен ўша кунга қадар Рауф Парфини билмасдим. Ўзини ҳеч кўрмаган, бирор марта шеърини ўқимагандим. Талабалар катта қизиқиш ва энтикиш билан кутиб олаётганларига қараганда, уни танимаслик, ўқимаслик кечирилмас ҳодиса эди».

Шуҳрат Бобожон: (рассом): Қандай расм керак сизга, деган саволга Рауф Парфининг жавоби ўта аниқ бўлди. «Иккита қалин шиша орасида қурбақани эзсак. Эзилган тана ва қондан ҳосил бўлган бу даҳшатли тасвирни суратга олсак, ана шу сурат китобимга муқова бўла олади», деди Рауф Парфи.

Гулбаҳор Саид Ғани (филолог) «…ўша пайтлари соҳир шеърият соҳиби Рауф Парфи ҳам бир муддат шу журналда ишлаб турган эдилар. Умр йўлдошим Ҳабибулло Саид Ғани билан Тошкент сафарига отландик. Пойтахтга боргач, ҳар сафаргидек, дўсту қадрдонларни ҳам зиёрат қилдик. Табиийки, Рауф акани кўриб кетиш учун “Жаҳон адабиёти” га бош суқдик…».

Қутфиддин Муҳиддинов: (спорт журналисти) Шаҳримиздаги китоб дўконида яқинда Рауф Парфи китоби сотувга чиқди. Бир дўстим менга ҳам олиб қўйинг, деган эди. Кирсам, китоблари тугаб қолибди. Китоби сотилгани яхши, лекин мени бир савол қийнайди, китобдан ким даромад кўряпти? Шу фойдадан Рауф Парфи музейи ташкил қилса бўлмасмикин?

Раҳмат Бобожон: (шоир) Сўзидан ўзини излаган ғариб,  Ўзидан сўзини излаган ғариб, Билсам айтар эдим, йўқ нетай шарҳи- Рауф Парфи…

Eltuz.com

Тағин ўқинг
6 июл 2016
Ички ишлар ходимларига киракашлик қилган автомобил ҳайдовчиси милиция ва сапёрлар гуруҳи ҳар бир масжидни синчиклаб текширганини, куни бўйи уч ...
4 июн 2018
Солиқ қўмитаси раиси Ботир Парпиевнинг ишдан олиниши унга алоқадор кимсаларни кемадан қочишга уринаётган каламушларга айлантирган кўринади. Қудратли солиқчининг катта-катта ...
2 сентябр 2016
Президент ўлимидан бир ҳафта ўтиб ҳам унинг тириклиги, соғлиғига дуода бўлишга чақириқлар тингани йўқ. Айни аюханнослар фонида Ислом Каримовнинг ...
14 ноябр 2018
Таниқли ўзбек диссидент адиби, 67 яшар Мамадали Маҳмудов 13 ноябрь куни Ўзбекистон Миллий ахборот агентлиги – ЎзАнинг «Гурунг» лойиҳаси ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...