Асосий мавзулар
25 январ 2018

Халқаро Амнистия журналист Бобомурод Абдуллаевни озод қилишга чақирди

17 январь куни “Халқаро амнистия” ташкилоти мустақил журналист Бобомурод Абдуллани озод этиш акциясини эълон қилди.

Акцияда иштирок этиш учун ташкилот тайёрлаган мурожаатдан нусха олиб, уни кўрсатилган манзилга МХХ раиси Рустам Иноятов ва Бош прокурор Ихтиёр Абдуллаев номига жўнатиш таклиф этилади.

Мурожаат матнида ҳукуматдан журналистик фаолияти ва танқидий мақолалари ортидан қамоқда қолаётган “Бобомурод Абдуллаевни ҳеч бир шартсиз зудлик билан озод этиш” ва унга қўйилаётган “барча айбловларни олиб ташлаш” талаб этилган.

Акция иштирокчилари, шунингдек, мурожаат орқали Бобомурод Абдуллаевни қийноққа солмаслик, унинг ҳуқуқий ҳимоясини тиклаш, ўзи танлаган адвокат ва яқинлари билан конфиденциал гаплаша олиш имконини беришни талаб қилишган.

Матбуот хабарларидан сўнг МХХ ертўласи ўз тарихида илк бора ўз эшигини маҳбуснинг яқинларига очди.

9 январь куни МХХ тергов ҳибсхонасида тўрт ой давомида қолаётган журналист Бобомурод Абдуллаев хотини, онаси ва фарзандлари билан учрашган эди.

Абдуллаевнинг хотини Қуттиқиз Балхибоева “Элтуз”га берган интервьюсида ярим соатдан камроқ давом этган учрашув тафсилотлари ҳақида гапирганди.

Учрашув 4 январь куни журналистнинг онаси Гавҳар Мадаминованинг президентга видеомурожаатидан беш кун ўтиб амалга ошди.

Бироқ Балхибоева ҳамон эрига мустақил адвокат берилишига тўсқинлик бўлаётгани ҳақида билдирган эди.

Бобомурод Абдуллаев Миллий хавфсизлик хизмати ходимлари томонидан шу йилнинг 27 сентябрида ўғирлаб кетилган. Орадан уч кун ўтиб, 1 октябрь куни унинг ҳокимиятни ағдаришга уринишда айбланаётгани маълум бўлган эди.

Бобомурод кейинги 10 йилдан кўпроқ вақт мобайнида “Усмон Ҳақназаров” тахаллуси остида иддаоли мақолалар чоп қилгани айтилади.

Eltuz.com

Тағин ўқинг
12 январ 2016
Улуғбек Ашур Eltuz.com 11 январ куни Жиззах вилоят жиноий судида бўлиб ўтган махкамада судланувчи Арамаис Авакян терговда ўзига нисбатан ...
16 январ 2017
Ўзбекистоннинг марҳум президенти Ислом Каримовнинг Тошкентда уй қамоғида сақланаётган катта қизи яқинда Швейцария прокуратураси томонидан пул ювиш айблови бўйича ...
2 март 2016
Швециянинг Сундсвалл шаҳрида ўтган аппеляция маҳкамасига кўра Обид Қори Назаров жонига қасд қилган тошкентлик ёлланма қотил Юрий Жуковскийга берилган ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ўзининг телеграм канали орқали ...
Блоглар
17 феврал 2020
Ўзбекистонда тобора оммавийлик касб этаётган, “президент ташаббуси” билан ташкил этилаётган кластерлар пахтани қўшиб ёзишнинг олдинги ...
13 феврал 2020
Сиёсатшунос Рафиқ Сайфулин Ислом Каримов режимининг етакчи тарғиботчиларидан бири эди. Бугун у ватанга хоинликда айбланяпти.  ...
6 феврал 2020
Марказий Осиё давлатларига паст назар билан қарашини яширмайдиган Россия либерал демократик партияси лидери Владимир Жириновский ...