Мултимедиа
19 январ 2016

Турмада инфаркт олган Ғайбулло Жалилов оиласи билан кўришмоқчи

Етти йилдан буён қамоқда қолаётган инсон ҳуқуқлари ҳимоячиси Ғайбулло Жалилов оғир аҳволда Сангородга ўтказилган.

Бу ҳақда Eltuzга маҳкумнинг ҳамкасби Гулшан Қораева хабар берди. Унинг билдиришича, ўзининг оғир аҳволи ҳақида Ғайбулла ака яқинларига шу йилнинг 13 январ куни хабар берган, қизлари билан кўришиш ниятида эканини айтган.

Ғайбулла Жалиловнинг умр йўлдоши Муқаддас опа икки қизи билан ҳозир ёлғиз, ночор аҳволда умр кечирмоқда.

“Ҳатто эрини бориб кўришга сира имконлари йўқлигини айтиб, роса йиғладилар”, дейди Гулшан Қораева, ЎИҲЖ фаоли.

Гулшан Қораева билан суҳбат (аудио)

Ғайбулло Жалилов ҳақида маълумотлар

2009 йил 8 январида инсон ҳуқуқлари ҳимоячиси Ғайбулло Жалилов ҳибсга олинади.

2010 йилнинг 18 январ куни у “жиноий уюшма тузиш”, “жамоатчилик ҳавфсизлигига ҳавф солувчи материаллар тайёрлаш ва тарқатиш”, “тақиқланган диний ташкилотга аъзолик”да айбланиб тўққиз йил қамоққа ҳукм қилинади.

2010 йилнинг 5 августида ўтган ёпиқ судда Жалилов 11 йил 1 ой ва 5 кун озодликдан маҳрум қилинади. Ғайбулло Жалиловни маҳкумлар орасида радикал ислом ғояларини ёйишда айблаб, унга ЖКнинг 159 моддасини қўллашган.

2012 йилнинг апрелида Ғайбулло Жалилов оиласи унинг соғлиғидан ҳавотир ола бошлади. Зангиота турмасида унинг яқинлари билан кўришишига руҳсат беришмаган. Кейин уни Навоий колониясига кўчиришган, бироқ оиласига унинг аниқ адресини айтишмаган.

Кейинчалик маҳкум турмадан хат чиқариб, оиласига Навоийдаги N64/62 колониясига этап қилингани ҳақидаги маълумотни етказишга муваффақ бўлган.

Eltuz.com

Тағин ўқинг
17 апрел 2020
1970 йилнинг бошида “Битлз”ни тарк этганидан сўнг Пол Маккартни (McCartney) ўзининг илк яккахон альбомини чиқарди. Бу вақтга келиб “Битлз” ...
9 январ 2018
Мирзиёевнинг масжидларда кино кўрсатиш ташаббуси имомлар томонидан қўллаб-қувватланаётганини “Элтуз” манбалари тасдиқлади. “Масжидларда ҳам буни қўйса бўлади. Раҳмат, шу ерга ...
21 март 2018
“Элтуз” нашри қамоқдан чиқиши кутилаётган, 100 миллион долларни ўзлаштиришда айбланиб қамалган амалдор Журъат Мелиқулов фаолиятига оид фильмни тақдим этади. ...
6 декабр 2018
2018 йилнинг 4 декабрь куни Тошкент шаҳри судида бўлиб ўтган апелляция маҳкамасида айбланувчи Шаҳноза Бойқунусова маҳкамага Ўзбекистон ички ишлар ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...