Асосий мавзулар
30 май 2018

Муҳаммад Солиҳ расмини ушлаб суратга тушганлар прокуратурага чақирилди

Хоразмлик шоир Маҳмуд Ражаб ва яна уч нафар шахс 29 май куни вилоят прокуратурасига чақирилди. Махмуд Ражаб «Элтуз» мухбири билан суҳбатида, прокуратурага чақириқ сабабини Муҳаммад Солиҳни ватанга қайтариш ташаббуси ва унинг расмини ушлаб тушган суратларини фейсбукка қўйишлари билан боғлайди.

«Бобомурод озод этилган куни тўртталамиз Муҳаммад Солиҳ расмини ушлаб тушган суратимизни интернетга қўйгандик. Шунинг учун дарров сездик нима учун чақирилганимизни. Ойбек Султонов деган йигит бизни битта биттадан қабул қилди» дейди Маҳмуд Ражаб.

Прокуратурага телефон орқали чақирилганини айтган, Маҳмуд Ражаб шунингдек, икки соатдан ортиқ чўзилган суҳбат, кўпроқ жиноят иши терговига ўхшаганини билдиради.

Прокуратурадаги сўроқ ва огоҳлантиришдан унга маълум бўлишича, сал аввалроқ Маҳмуд Ражаб билан яқин алоқада бўлган урганчлик икки талаба билан ҳам прокуратура шундай «дўстона суҳбат» ўтказилган.

«Бу йигитлар билан ўртамизда ижодий муносабат бўлган. Улар Муҳаммад Солиҳ бадиий ижодини ўрганишган. Лекин мен уларга сиёсатга аралашмаслик, ҳатто Муҳаммад Солиҳни қайтариш мурожаатига қўл қўймасликни маслаҳат берганман. Лекин, менга кўрсатилган огоҳлантиришда бунинг мутлақо тескариси акс этган», дейди Маҳмуд Ражаб.

Унинг билдиришича, йигитлар билан ўтказилган «суҳбат» ҳам гўёки уларнинг Муҳаммад Солиҳ билан «жиноий» алоқалари, Ўзбекистонда «Эрк» демократик партиясини қайта тиклаш ҳаракатларига оид бўлган. Маҳмуд Ражабнинг ҳавотирича, бу ҳудди ўтган йилнинг сентябрида ҳибсга олинган Бобомурод Абдулла ва уч нафар шахс устидан ўтган тергов мотивларини эслатади.

Эслатиб ўтамиз, шу йилнинг январида Маҳмуд Ражаб ва бошқа бир қанча ўзбек зиёлилари «Эрк» Демократик партияси лидери Муҳаммад Солиҳни ватанга қайтаришни сўраб президент Шавкат Мирзиёевга мурожаат билан чиқишган эди.

Eltuz.com

Тағин ўқинг
16 сентябр 2019
Сорри, албатта, бироқ мен прогрессив Президентимизнинг кечаги фармонини тушунмадим. Нимага тўй индустриясини бузиш керак? Ҳозир тўй анъаналаридан, айниқса, бадавлат ...
14 апрел 2020
Ўзбекистон ҳукумати «Вояга етмаганлар ва ёшлар ўртасида ҳуқуқбузарликлар профилактикаси тизимини янада такомиллаштириш бўйича чора-тадбирлар тўғрисида»ги қонун лойиҳасини эълон қилди. ...
26 июл 2016
Мустақиллик декларацияси ҳақида қарийб 25 йилдан бери бир гап ёзишдан худди моховдан қўрққандек ҳадиксираб келаётган ўзбек матбуоти, аниқроғи, «Ҳуррият» ...
19 сентябр 2016
«XXI аср» газетаси (17.09.2016) Тадбиркорлар ва ишбилармонлар ҳаракати – Ўзбекистон либерал демократик партиясидан бўлажак давлат раҳбари сайловига вақтинчалик президент ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...