Асосий мавзулар
23 ноябр 2018

Журналист Бобожоновлар иши бўйича суд номаълум кунга қолдирилди

Урганч тумани фуқаролик ишлари бўйича суди журналист Бобожоновларнинг даъвоси бўйича 23 ноябрга белгиланган суд мажлисини номаълум муддатга қолдирди.

Бобожоновларнинг адвокати Умид Давлетовга кўра, иш биринчи инстанцияга, уйларни мусодара қилиш ҳақида қарор чиқарган судья У. Машариповнинг ўзига қайтарилиши муносабати билан қолдирилган.

Урганч суди 19 ноябрь куни журналистларнинг уйлари мусодара қилингани юзасидан шикоят аризасини кўриб чиқишни 23 ноябрга белгилаган эди.

Бироқ 23 ноябрь куни эрталаб судга етиб борган Ғайрат Бобожоновга суд котибаси мажлиснинг номаълум муддатга қолдирилганини, суд кунини ўзлари кейин хабар қилишларини билдирган.

«Энди судья Машарипов ишни қабул қилиб олиб, ўрганиб чиқиб, кунини ўзи белгилаши керак. Шундан кейин чақирув қоғози юборади. Унгача суднинг кунини билмаймиз», деди адвокат Давлетов «Элтуз» мухбирига.

Суддан бир кун аввал «Озод Европа – Озодлик радиоси» (RFERL) нинг Вашингтондаги қароргоҳи маъмурияти бу амалнинг журналистлардан ўч олиниши эканини ҳақида баëнот чиқарган, унинг нусхаси Ўзбекистон Бош прокуратурасига жўнатилган эди.

Айни баëнотда «Озодлик» мухбирининг журналистик фаолият билан шуғулланадиган икки укаси – Ғайрат ва Қудрат Бобожоновларга тегишли уйларнинг ҳам мусодара қилингани қораланади.

Шунингдек, адвокат Давлетовнинг «Элтуз»га билдиришича, процессуал қонунларнинг бузилиши уй эгаларини судда қатнаштирмасдан ва ëлғон гувоҳликлардан фойдаланиб уйларни тортиб олиш тўғрисида судга ариза киритган Урганч тумани ҳокими Отабек Бекжоновнинг ҳаракатларида кўзга ташланади.

Уйлари асоссиз тортиб олинаётган Бобожоновларни ҳимоя қилиш юзасидан ҳозирда Тошкентдаги «Симай» адвокатлик идораси ҳуқуқшунослари иш олиб бормоқда.

Eltuz.com

Тағин ўқинг
14 июл 2016
«Правда востока» газетаси Вьетнам Социалистик Республикасининг Ўзбекистондаги элчиси байрам муносабати билан «Жаҳон» ахборот агентлигига берган интервьюсини эълон қилди. «Ўзбекистон ...
27 апрел 2020
Жорий йилнинг 21 апрель куни Тошкентнинг Камолон маҳалласида шаҳарни босиб олган рус ҳарбийларига хотирасига бунёд этилган бутхона қайта тикланиб, ...
22 феврал 2017
18 йил қамоқда бўлган таниқли журналист, 63 ёшли сиёсий маҳкум Муҳаммад Бекжон қамоқ муддатини тўлиқ ўтаб бугун озодликка чиқди. ...
28 январ 2017
Мустақил ўзбек публицисти Шуҳрат Саломов Армани ва Озарбайжон жамиятининг ўзаро миллий зиддиятлари остида қолди. 24 январ куни ўтган асрларда ...
Блоглар
8 феврал 2025
Шу пайтгача «Анора» деган икки фильм олинди. Биттаси етим қизнинг ашлачи бўгани ҳақида¸ яна биттаси ...
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...