Асосий мавзулар
14 феврал 2019

Қор остидан осон пул топаётган «дангасалар» видеоси тарқалди

12 февраль куни тармоқда Санкт-Петербургда қор кураётган ўзбеклар видеоси тарқалди.

«Пул топиш жуда осон. Қорларнинг тагидан пул чиқади. Неча кундан бери йиғиб ётибмиз. Ёзда бўлса барг тозалаймиз, баргларнинг тагидан пул чиқади», дейди питерлик гастербайтер ва қоркурак билан қалинлиги тиззадан баланд қорлар орасидан 200 рубль ва 100 доллар «пул топиб» кўрсатади.

Изоҳлардан маълум бўлишича, бу видео Россияга Ўзбекистондан фақатгина дангасалар, ишёқмаслар кетади, деган гапларга ўзбек гастарбайтерининг навбатдаги ўзига хос аччиқ ҳазил аралаш жавобидир.

«Бу Москвага келганлар пул қазиб олади, деганларга… Сизлар ҳам келинглар, 17, 22 қаватли уйларга чиқиб қор кураб кўрингизлар… Қийинчилигини кўрасиз… Кейин аҳволларингизни томоша қилиш керак… Мусофирнинг нони мана шунақа қийинчилик билан келади…», дея ёзади бу фикрни давом эттириб Азизбек Жўраев.

Ўзбекистоннинг 2016 йили ўлган президенти Ислом Каримов иш топиш илинжида хорижга чиқиб кетганларни «дангаса» деб атаб, улардан ижирғанишини билдирган эди.

Каримов ўлганидан кейин ҳам унинг ўзбек гастербайтерлари ҳақидаги гаплари атрофидаги мунозара тўхтамади.

Яна бир фейсбук юзери Санамой Алибекова эса ёш йигит-қизларнинг мамлакатни тарк этаётганини Ўзбекистонда муносиб иш йўқлиги билан боғлайди.

«Айрим қўштирноқ ичидаги раҳбарлар фақат ўзини ўйлайди. Ўзимизда иш йўқ. Бор бўлса ҳам хизматчилар ўз ишларини эмас, ҳокимият буюрган ишларни қилиб юришади. Экин-тикин, «уйингизни, думингизнинг тагини тозаланг!» деб кўчадаги ишларни қилиб, ишхонадан кеч қайтишади. Ўйлашмайдики, уларнинг уйи, бола-чақаси бор. Ишимдан ажралиб қолмай деб мажбур ишлашяпти», дейди Алибекова.

Eltuz.com

Тағин ўқинг
28 октябр 2020
Туркия президенти Ражаб Тоййиб Эрдўғон Франция молларини бойкот қилишга чақирди. Тушундик. Хитой молларига бойкот қилсак қандоқ бўлар экан, раис? ...
14 апрел 2017
Самарқанддаги мобил мухбирлар, Оқиловнинг уйи сурати, видеоси ва унинг яқинлари ҳақидаги мақолани эълон қилди. Оқилов яшаган маҳалладагилар, нашр мухбирига ...
20 апрел 2019
2019 йилнинг 19 апрелида Ўзбекистон мустақил ҳуқуқ ҳимоячилари ташаббус гуруҳи (ЎМҲҲТГ) вакиллари Тошкент вилоятининг Зангиота туманида жойлашган 42-(собиқ №14) ...
8 сентябр 2018
«Ўзбекконцерт» қошидаги бадиий кенгаш 5 сентябрь куни бир қанча ўзбек артистлари клипларини маҳаллий ТВ каналларида кўрсатишни тақиқлади. Улар ичида ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...