Cатира
18 май 2020

Захарованинг заҳархандасига маданият вазири Назарбековнинг жавоби

Россия Ташқи ишлар вазирлиги мулозимаси Мария Захарова «расмий идораларда ўзбек тилининг мажбурий қилинишини камчилик ёқлаётгани»ни ëзғиргани ортидан тармоқдаги мўътадил ватандошлар ҳам тилни ҳимоя қилиш борасида фаоллашди. Ҳатто Ўзбекистон Ташқи ишлар вазирлиги нота жўнатсин, деган талаблар янгради.

Би Би Си журналисти Паҳлавон Турғунов 16 май куни «Захарованинг баёнотидан кейинги сассизликка қараганда, Ўзбекистонда нота билан фақат Маданият вазирлиги шуғулланади», деб ëзди. Бу кесатиқ гапдан кейин тақдир ҳазили каби Захаровага жавоб маданият вазири Озодбек Назарбековдан келди. Назарбеков фейсбукдаги шахсий саҳифасида Захаровани ҳаддан ошганликда айблади:

«Мария Захарованинг фикрлари, аввало, мана шу меъёр чегарасини ошиб ўтиш сифатида баҳоланади. Тилимизга нисбатан кўрсатилаётган таъсир маданиятимизга акс жавобнинг илк қадамидир».

Назарбековга кўра, бу оддий тилшунослик муноқашаси эмас, балки «сиëсий мақсадли» режадир:

«Ўзбек тили ҳақида россиялик тилшунослар фикр билдиришганида тўғри қабул қиламиз, бироқ бу мавзу Ташқи ишлар вазирлиги минбарида тилга олингани бекорга эмас. Бу ерда аниқ режа ва сиёсий мақсадлар борлиги кундай равшан.

Мен юрт фарзанди сифатида тилимиздан қандайдир сиёсий манфаатлар йўлида фойдаланилишига мутлақо қаршиман. Россия ҳукуматидан эса ўзбек миллатининг хоҳиш-иродаси, қадриятларига ҳурмат билан муносабатда бўлишни сўрайман. Ўзбекистон суверен-демократик давлат сифатида ўз йўлини ўзи белгилашга қодир мамлакат.

Бу масалада бошқа ҳамкасбларимизни, жамоатчиликни, ўзбек тилини ор-номус, миллий ғурур рамзи деб биладиган барчани бебаҳо қадриятимиз – тилимиз ҳимоясига чақираман».

Айни пайтда Назарбековнинг бу гапи вазирлик муносабати эмас, балки халқ артистининг ижтимоий тармоқда қолдирган шахсий фикри.

Давлатчилик тамойилига кўра, бундай таҳқирли ҳолатда Ўзбекистон Ташқи ишлар вазирлиги Россиянинг Ўзбекистондаги элчисини ҳузурига чақириб, нота бериши керак.

Аммо ташқи ишлар вазири Абдулазиз Комиловнинг ўғли Россия ватандошлигини олган. Манфаатлар тўқнашуви дейилади. Комилов чурқ этса, бизнесмен ўғлига муаммо бўлади.

Нота сўзининг яна бир маъноси – мусиқий баста ëзилган матн деганидир. Яқин ўтмишда Ўзбекистон гимни «Ассалом, рус халқи, буюк оғамиз», деган сўзлар билан бошланар эди.

Eltuz.com

Тағин ўқинг
1 март 2016
24 февраль куни Наманганда “Интернетдаги таҳдидлардан ҳимоя” китобининг тақдимоти ўтказилди. Тақдимотда Ўзбекистон мусулмонлари идораси раиси маслаҳатчиси Хайрулла Турматов, Ўзбекистон ...
8 июн 2016
Ўзбекистонда мактаб ўқувчиларини масжидга киритмаслик ҳаракатлари давом этаркан, рамазон ойларида масжидларда ўқитувчилар навбатчилик иладиган бўлди. “Юқоридан шундай топшириқ беришди”, ...
14 май 2019
Лондонлик таҳлилчи Алишер Илҳомов 14 май куни Ўзбекистонда мулкка эгалик ҳуқуқлари бузилаётган, айниқса, уйларидан оммавий кўчирилаётганлар муаммоси юзасидан петиция-мурожаатини ...
8 сентябр 2015
Ўзбекистон ҳукумати, ХМТ, Умумжахон банки, Халқаро Касаба уюшмалари конфедерацияси, Халқаро иш берувчилар ташкилоти, БМТ, Юнисеф, Европа Иттифоқи шунингдек, АҚШ, ...
Блоглар
2 июл 2020
6-синфда ўқирдим, Кампучияда давлат тўнтариши бўлиб ҳукуматга Пол Пот раҳбарлигидаги “Қизил кхмерлар” келганини, улар бутун ...
25 июн 2020
​​Халқаро пресс-клубда матбуот анжумани бўлиб ўтибди, унда Инсон ҳуқуқлари бўйича Миллий марказ директори Акмал Саидов ...
21 июн 2020
(бўлган воқеа) Таржимон сифатида Россиянинг милиция бўлимларидан бирига чақиришган эди. Бўлимда жиноятчи сифатида гумон қилинган ...