Асосий мавзулар
27 декабр 2020

Абитуриент қиз ўлимига сабаб бўлган икки йигит қамоққа олинди

23 декабрь куни Наманган вилоятининг Норин тумани ИИБ тергов бўлинмаси томонидан норинлик икки йигитга нисбатан “одам ўлимига сабаб бўлган хавф остида қолдириш” ва “оғир оқибатларга сабаб бўлган одам ўғирлаш” айби билан жиноят иши қўзғатилди. 

Улар абитуриент қизни йўлда ўғирлаб кетаётганда қиз машинадан ўзини ташлаган, кўп ўтмасдан шифохонада вафот этган.

“Чангитма” МФЙ ходимининг “Элтуз”га хабар беришича, йигитлар Норин тумани марказида истиқомат қилади. 20 декабрь куни соат 23.30 да улар шу маҳалладаги хонадонлардан бирида ижарада яшаб келаётган, асли Учқўрғон туманидан бўлган 16 ёшли қизнинг олдига борган.

Йигитлар қизга унинг дугонаси билан боғлиқ муҳаббат можароси борасида гаплашиб олмоқчи экани ва бу масалада унинг ёрдами кераклигини айтиб, алдаб машинасига мингизган. Улар маст ҳолда Damas машинасини тез ҳайдаб кетган.

Қиз эса йигитлардан қутулиш мақсадида юриб кетаётган машинанинг эшигини очиб, ўзини ерга ташлаган.

Қизни ўғирлаган йигитнинг ИИБга берган кўрсатмасига кўра, қиз ўзини машинадан ташлагач, у машинадан тушиб, қизга ёрдам бериш учун олдига борган. Иккинчи йигит эса қўрққанидан воқеа жойидан қочиб кетган.

Damas ҳайдовчиси воқеа жойидан қочиб кетгач, йўлдан ўтиб кетаётган Lacetti ҳайдовчиси тўхтаб, жон талвасасида ётган қизни шифохонага олиб борган. Кўрсатилган тиббий ёрдамга қарамай, ўта оғир тан жароҳати олган қиз шифохонанинг жонлантириш бўлимида вафот этган.

Маҳалла ходимининг айтишича, қиз ўғирлаб кетилган хонадонда Учқўрғон туманидан икки нафар, Норин туманидан бир нафар абитуриент яшаган.

Норин тумани ИИБ тергов бўлинмаси мулозимининг айтишича, икки йигит қизлар ижарага турадиган хонадонга кун ора келиб, норинлик абитуриент қиз билан гаплашиб кетишаркан. Уй эгаси, қўшнилар бу ҳолатдан бехабар бўлган. Маҳалла ходимлари эса хонадонда турувчи қизларни ҳатто рўйхатга ҳам олмаган.

Тағин ўқинг
11 май 2018
Ўзбекистоннинг давлат монополисти бўлган «Ўзбекистон ҳаво йўллари» авиакомпанияси хусусийлаштирилади. Бу ҳақда Халқаро валюта жамғармаси маслаҳатчиси Сардор Саъдуллаев 9 май ...
30 октябр 2017
Марҳум президент Ислом Каримов замонида жиноий жавобгарликка тортилган жуда кўп амалдорлар амалдаги давлат раҳбари даврига келиб юксак лавозимларга тайинланмоқда. ...
3 июн 2016
Тошкентда Коррупцияга қарши семинар бўлиб ўтгани ҳақида хабар берган ЎзА агентлигининг билдиришича тадбирда, «Президентимиз Ислом Каримов раҳнамолигида мамлакатимизда қонун ...
23 ноябр 2017
Тошкент марказидаги Киночилар уйи ва ўндан ортиқ маъмурий бинолар пойтахт ҳокимлиги қарорига биноан бузилмоқда. «Бинолар ўрнига «ТошбошпланЛИТИ» давлат унитар ...
Блоглар
26 ноябр 2022
Нукусдаги воқеаларни ўрганиш бўйича парламент комиссияси таклифи ва Қорақалпоғистон Жўқорғи Кенгеси илтимосномасига кўра, намойишларда қатнашиб ...
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...