Асосий мавзулар
1 феврал 2021

Мирзиëевни кузатгани иддао қилинган ДХХ ходими қамоққа олинди

Давлат хавфсизлик хизматининг 7-бўлинмаси собиқ тезкор ходими Шерзод Ҳаитов декабрь ойининг биринчи ярмида ДХХ ходимлари томонидан ҳибсга олинди.

Бу ҳақда “Элтуз”га айни хизмат ходимларидан бири маълум қилди.

Унга кўра, Шерзод Ҳаитовга нисбатан ҳозир жиноят иши қўзғатилган ва тергов ҳаракатлари олиб борилмоқда.

ДХХнинг собиқ зобити устидан Тошкентнинг  Гвардейский номи билан танилган ДХХ ҳибсхонасида олиб борилаётган сўроқ-суриштирувга ДХХ тергов бўлинмаси бошлиғи Улуғбек Тўхтасинов бошчилик қилмоқда.

Шерзод Ҳаитов ҳуқуқларини унинг собиқ ҳамкасби, ҳозир адвокатлик билан шуғулланаётган Хуршид Толбобоев ҳимоя қилаётир.

ДХХ зобитига қўйилган расмий айбловлар “Элтуз”га маълум эмас.

Аммо «Элтуз»нинг ДХХдаги манбасига кўра, Шерзод Ҳаитовнинг қамоққа олинишига унинг ДХХ раисининг собиқ ўринбосари Жаҳонгир Эгамовнинг топшириқларини бажаргани сабаб бўлган.

Шерзод Ҳаитов дохил айғоқчилар гуруҳи 2018 йил июнь ойидан бошлаб олти ой давомида президент Мирзиёев ва унинг оиласи аъзолари ортидан сиртдан кузатув ўрнатганлар.

Жаҳонгир Эгамов президент ва унинг оиласи ортидан кузатан айни гуруҳни бошқаргани ишонилади.

2018 йилнинг 25 декабрида ДХХнинг янги биносида Шавкат Мирзиёев раислигида бўлиб ўтган кенгайтирилган йиғилиш пайтида Жаҳонгир Эгамов вазифасидан четлатилган эди.

Кўп ўтмай Жаҳонгир Эгамов ва хавфсизлик хизматининг бу ишга алоқадор яна беш мулозими ҳибсга олинди.

Хавфсизлик ходимларининг маълум қилишларича, ўзи ва оиласи аъзолари устидан кузатув ўрнатилганидан хабар топган Ўзбекистон раҳбари қаттиқ ғазабга келган ва айбдорларни дарҳол жазолашни буюрган.

Кейинчалик Жаҳонгир Эгамов йирик миқдордаги иқтисодий ва коррупцияга боғлиқ жиноятларни содир этганликда ҳам айбдор деб топилиб, 16 йилга озодликдан маҳрум этилди.

“Ўша вақтда ДХХ 7-бўлинмаси тезкор кузатув ходимларига ҳам жиноят иши қўзғатилмаган эди. Терговга ёрдам беришгани учун тегмай туришган. Иш совиганидан икки йил ўтиб Шерзод Ҳаитовга иш қўзғатиб, ёпишди”, деди “Элтуз” манбаси.

Eltuz.com

Тағин ўқинг
11 ноябр 2020
Пост деб ёзишга арзигулик фикр ва кечинмаларим ҳам қолмабди, чамаси. Мумтоз шоира Нодиранинг: Сен на учун дунёга келдинг,Кайфиятинг баён ...
2 феврал 2017
Шу кунларда Андижон шаҳрида турли мактаб ўқитувчилари ободонлаштириш ишларига жалб этилган. Йўл ёқаларида оҳак тўла челак, супурги кўтариб кўча ...
22 май 2016
Тожикистон конституцияги ўзгартиришлар киритишни назарда тутган референдум президент Имомали Раҳмон ҳокимиятини амалда янада мустаҳкамлашга қаратилгани айтилади. Конституцияга киритилаётган ўзгаришлар ...
22 июн 2016
Рассом Туз ва Элсеварлар қаторига Кирпи тахаллуси билан ижод қиладиган ëш рассом ҳам қўшилди. Шу кунларда Тошкентда истиқомат қиладиган ...
Блоглар
7 феврал 2023
Бу одамни этини жимирлатган даҳшатли ўғирлик 2 февралдан 3 февралга ўтар кечаси Вобкентнинг Халач қишлоғида ...
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...