Асосий мавзулар
10 апрел 2021

Коронавирусга чалинган журналист терговга тортилди

8 апрель куни Effekt.uz журналисти Элёр Тожибоев Сурхондарё вилояти Денов тумани ИИБ мулозимлари томонидан ўзи яшайдиган хонадондан мажбуран олиб кетилди.

Бунга Термиз тумани прокуратураси сайт мухбирлари Элёр Тожибоев ва Акбар Нуримбетовга нисбатан Жиноят кодексининг 236 (тергов қилишга ёки суд ишларини ҳал этишга аралашиш) ва 219-(ҳокимият вакилига ёки фуқаровий бурчини бажараётган шахсга қаршилик кўрсатиш) моддалари билан жиноят иши қўзғатиб, тергов ҳаракатлари олиб бораётгани сабаб бўлди. 

Бундан аввалроқ Effekt.uz нинг Youtube даги саҳифасида Термиз тумани судида мухбирлар ва судья ўртасидаги тортишув акс этган видео эълон қилинган эди. 

Прокуратуранинг иддаосича, мазкур воқеа юзасидан терговга чақирилган мухбирлар чақирувларга “нописанд муносабатда бўлган” ва терговга келмаган. 

Сурхондарё вилояти Денов тумани ИИБ мулозимини “Элтуз”га тақдим этган маълумотга кўра, ҳозир Элёр Тожибоев тергов жараёнларида иштирок этмоқда. 

Журналистнинг адвокати “Элтуз” билан суҳбатда Элёр Тожибоевга нисбатан ноқонуний хатти-ҳаракатлар содир этилаётгани, чунки у айни пайтда коронавирус инфекцияси юқтиргани сабабли вақтинча терговга тортилиши мумкин эмаслигини айтди. 

“Қолаверса, журналистни мажбуран олиб кетишларига ҳаққи йўқ. Аввалдан огоҳлантириш бўлмаган. Ходимнинг иш жойига йўлланган хатларга эса асосли жавоблар берилган. Буни беэътибор қолдирди, дея тушунмаслик керак”, деди адвокат.

Элёр Тожибоевнинг рафиқаси С.Р.нинг билдиришича, ИИБ ходимларига адвокат томонидан касаллик варақалари кўрсатилиб, ҳолат тушунтирилса-да, улар Тожибоевни мажбуран олиб кетган. У уй шароитида даволанаётган бўлган.

Ахборот ва оммавий коммуникациялар агентлиги ходими “Элтуз”нинг “АОКАдагилар нега жим” қабилидаги саволига: “Ташкилотимиз томонидан журналистнинг ҳуқуқларини ҳимоя қилиш бўйича ёрдам бериш чоралари кўрилади”, дея жавоб берди. 

– Аммо журналист эълон қилган материали бўйича судда жавоб бериши керак бўлган тақдирда суд ишига хоҳласак ҳам аралаша олмаймиз, – дея сўзида давом этди АОКА ходими. – Ҳолатни қонун доирасида ўрганиб, ваколатимиз доирасида журналистга ёрдам берамиз. 

Мазкур ходим Effekt.uz сайтига нохолис материаллар чиқармаслик, бошқа сайтлардан кўчирмаслик бўйича АОКА раҳбарияти томонидан бир неча марта огоҳлантириш берилганини қўшимча қилди.

Effekt.uz электрон нашри раҳбари Акмалхон Эшонхонов бу ҳолатни мантиқсизлик, деб баҳолади.

– Охирги вақтларда сайтимизга нисбатан адоват кучайган, – деди сайт раҳбари. – Турли айбловлар, тазйиқлар бўлди. Ҳатто сайтга техник ҳужумлар уюштирилди. Журналистимизга нисбатан қўйилаётган айблар асоссиз. Бу ОАВнинг қудратига, ошкоралик, шаффофлик талаб қилаётган Президентнинг имижига катта путур етказади.

Тағин ўқинг
10 декабр 2019
Ўзбекистон мусулмонлари идорасида раис ўринбосари бўлиб ишлаган Дилшодбек Ҳошимов ушбу муассасага Жаслиқ қамоқхонаси мулозимлигидан келган эди.  Д.Ҳошимов Жаслиқда катта ...
2 октябр 2015
Хозарасп туманининг Саноат қишлоғида Саноат хўжалигининг пахта даласида жойлашган шийпонида бўлдик. У ерда қишлоқ хўжалиги коллежи талабалари жойлаштирилган экан, ...
4 феврал 2019
ТИВнинг собиқ мулозими Алишер Таксанов январь охирида Венесуэлада бошланган воқеаларни Ўзбекистонга қиёслаб ёзган шеърини фейсбукда эълон қилди. “Элтуз” таҳририяти ...
3 май 2021
Янгийўл шаҳридаги 1-умумтаълим мактаби ўқитувчиси мактаб мутасаддиси Умида Сатторова муаллимларни коронавирусга карши вакцинани олишга мажбурлаётгани, акс ҳолда ишдан ҳайдаш ...
Блоглар
10 май 2021
«Элтуз» каналида ўзининг “Нью-Йоркдан назар” видеоблогини юритаётган 70 ёшли қишлоқ хўжалиги мутахассиси Исмоил Оспанов кластерлар ...
6 май 2021
1881 йилнинг 6 майида Михаил Скобелев бошчилигидаги рус колонизаторлари Хива хонлигига қарашли Ахалтака вилоятини оккупация ...
29 апрел 2021
Феминизм дея оғизларингнинг икки четида тупук ялтираб тиржаясизлар, ўзларингча иякларингни кўтариб киноя қиласизлар, гўё бизнинг ...