Асосий мавзулар
26 май 2021

“Эрк” номзоди Жаҳонгир Отажонов шаллақилар ҳужумига учради

26 май куни соат 11.00 атрофида 20 чоғли шаллақи эркак ва аёл Тошкентда Жаҳонгир Отажоновнинг «эркчи»лар учрашуви режаланган хонадонига бостириб кириб, жанжал кўтаришди.

Отажонов уйига бостириб кирган ва погонлилар томонидан ëллангани тахмин қилинган оломон “Эрк” аъзоларини ҳақоратлаган ва тухумбўрон қилган.

Шаллақи ҳужумчилар орасидаги ҳижобли хотин «Кўзгу» блогери Абдуқодир Мўминовнинг фотоаппаратини синдирган ва фоторассом Умида Аҳмедовага ташланган.

“Эрк” партияси фаолларига ҳужум Европада хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси ҳайъати Тошкентда бўлиб турган пайтда юз берди.

26 май куни мухолифатдаги “Эрк” демократик партияси шу йил октябрда ўтадиган президент сайловига собиқ хонанда Жаҳонгир Отажонов номзодини илгари сурди.

Отажонов номзоди бир овоздан тасдиқлаган.

Ўзбекистон Адлия вазирлиги ўтган йил январида «Эрк» демократик партияси фаолларининг партия фаолиятига изн беришни сўраб қилган мурожаатини рад этган эди.

«Эрк»чилар фикрича, партия низоми 1991 йилнинг сентябрида расман қайд этилган ва у бекор қилинган эмас.

Президент Шавкат Мирзиёев 2019 йилнинг 27 декабрида Муҳаммад ал-Хоразмий номидаги мактабда ўтказилган учрашувда мухолифатга қарши эмаслигини айтган эди.

«Мухолифат ўзимизда пайдо бўлиши учун муҳит яратишимиз керак. Бу шахслар халқнинг дардини билиши, улар билан барча муаммоларни бошидан кечириши ва шу ернинг нонини еб, сувини ичиши керак», деган эди Мирзиёев.

Аммо ўтган вақт мобайнида Адлия вазирлиги бирорта янги сиёсий партияни рўйхатдан ўтказгани йўқ.

Eltuz.com

Тағин ўқинг
10 май 2021
Хоразмнинг Хива туманида бир камбағал бева аёлнинг ўғли номига олинган 30 миллион сўм кредит маҳалла раиси ва ўқитувчи дохил ...
28 январ 2017
Мустақил ўзбек публицисти Шуҳрат Саломов Армани ва Озарбайжон жамиятининг ўзаро миллий зиддиятлари остида қолди. 24 январ куни ўтган асрларда ...
3 июн 2019
Андижонда 25 май куни эълон қилинган шанбалик 29 май куни ҳам давом этди. Марҳамат тумани электр тармоқлари корхонаси ишчисининг ...
5 март 2020
«E’zoz Max» хусусий бандлик агентлигининг Бирлашган Араб Амирликларига ишга жўнатиш ваъдасига ишониб катта пул тўлаган ўнлаб одам аросатда қолди. ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...