Асосий мавзулар
7 июн 2021

Блогер Сатторийнинг адвокати ва яқинлари апелляция судидан умид қилишмоқда

Адвокат Умид Давлетов термизлик блогер, 42 ёшли Отабек Сатторий иши юзасидан апелляция шикояти киритгани, лекин ҳали суд куни белгиланмаганини «Элтуз»га билдирди. 

Шунингдек, у Сатторий билан охирги марта суд ҳукми ўқилган куни учрашгани ва суддан яқинлари билан учрашиши учун рухсатнома олиб берганини айтди. Бир ой олдин Сатторийни аҳволи қониқарли экани, унга нисбатан қийноқлар қўлланилмаганини билдирди.

2021 йил 10 майида чиқарилган суд ҳукми бўйича Отабек Сатторий “такрор ва кўп миқдорда товламачилик” ва “туҳмат”да айбланган, унга 6,5 йилга озодликдан маҳрум қилиш жазоси белгиланган.

“Мен ушбу ҳукмдан мутлақо норози эканимни ва барча эпизодлар бўйича айбловларни рад этганимни 19 май куни киритган апелляция шикоятида баён қилдим”, деди адвокат Давлетов «Элтуз»билан телефон орқали суҳбатида.

Сатторийга қўйилган саккизта эпизод бўйича у давлат идораларда ишлайдиган мулозимларни видеога олиб, тасвирни тарқатмаслик эвазига пора талаб қилгани билдирилган. 

Адвокат Давлетов ҳукмдаги барча  айбловлар уйдирма ва ёлғон гувоҳликлар, тасдиқланмаган далилларга асосланганини таъкидламоқда.

Сатторийнинг синглиси Фарангизнинг сўзларига кўра, улар эҳтимол бошқа вилоятда ўтиши кутилаётган апелляция судидан умид қилишмоқда. 

Ютуб ва телеграмдаги «Халқ фикри» каналлари асосчиси Отабек Сатторий 2020 йилнинг 30 январь куни Термиз шаҳрида Сурхондарё вилояти Ички ишлар бошқармаси тергов бўлими ходимлари томонидан ҳибсга олинган эди. 

Блогерни унинг синган телефони ўрнига келтириб берилган, қоғоз пакетга ўроғлиқ янги телефонни олаётган пайтда «далилий ашё билан» ушлашган.

Eltuz.com 

Тағин ўқинг
11 апрел 2017
Стокголмда терактни амалга оширган самарқандлик Ақиловнинг қўлга олинган шериклари дея гумон қилинаётган шахслар, Элтузнинг ишончли манбаларига кўра, 47 ёшли ...
11 апрел 2017
Суд-ҳуқуқ тизими ислоҳ қилинаётгани ҳақидаги ура-урачиликнинг янги тўлқини кўпчиган шу кунларда «XXI аср» газетаси яна бир мавзуни кўтарганки, соҳадаги ...
18 август 2020
Карантин пайтида одамларга қулайлик яратилмаяпти, деб ёзмоқда Фарғона вилоятидаги мухлисимиз. Унинг айтишича, банкдан қарз олган. Карантин пайтида аҳолини қўллаб-қувватлаш ...
12 апрел 2017
Эркакларнинг доялик қилишига қарши маърузаси билан танилган тошкентлик 42 ёшли имом Сайфуддинов мавзуни ёритган журналистларни фитнада айблади. «Эркак кишини ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...