Cатира
29 март 2022

ВЧК-ОГПУ: «Усмонов барча бойликларини дўстлари номига ўтказди»

“Усмонов АҚШ ва Европа Иттифоқидаги барча активларини дўстларининг ҳисобларига ўтказиб қўйган”.

Гамбург расмийлари асли ўзбекистонлик миллиардер Алишер Усмоновнинг яхтаси мусодара қилингани ҳақидаги Forbes хабарига жуда қўпол тарзда изоҳ берди. Уларнинг хабар беришича, яхта мусодара қилингани йўқ, аммо у ҳеч қаерга сузиб кета олмайди. 

600 миллион долларлик яхта Алишер Усмоновнинг онаси номига “Дилбар” деб номланган. Яхта айни дамда Гамбургдаги докларда режали таъмирдан ўтказилмоқда. 

ВЧК-ОГПУ телеграм канали манбасининг маълум қилишича, Европа расмийлари Усмоновнинг активлари билан боғлиқ катта муаммоларга дуч келишади. 

“Унинг яхтаси, самолёти, Германиядаги учта уйи ва бошқа мулклар оффшор компанияларга берилган. Агар сиз маълумотлари «сизиб кетган» компанияларнинг барча занжирларини «белкурак билан» ковлаб чиқсангиз ҳам, Усмонов ва унинг компаниялари билан бевосита алоқани топа олмайсиз. 

Расмий равишда, Усмонов ушбу офшор компаниялардан уй, яхта ва самолётни ижарага олади, бунинг учун унда барча зарурий ҳужжатлар бор. Бу каби масалаларнинг барчаси судларда ҳал қилинади ва мен уларнинг Европа расмийлари учун осон бўлишига шубҳа қиламан,” деди манба.

Айни пайтда санкцияга учрагани айтилаётган Алишер Усмоновнинг отаси номига “Бурхон” дея номланган Боинг учоғи Тошкент аэропортида қолаётгани иддао қилинмоқда.

«Узоқ санкциялар бумеранг бўлиб қайтади. Уларга эътибор беришнинг кераги йўқ. Қандай шароит бўлса, шундай яшаймиз. Биз ўзбеклар сабрли халқмиз, лекин қўрқоқ эмасмиз» деган эди бир вақтлар Алишер Усмонов санкциялар ҳақида Россия телеканалига берган интервюсида.

Реал ҳақиқатлар Россиянинг Украинага қарши уруш амалиётлари учун жорий қилинган санкциялардан Путин ва унинг олигархларидан ҳам кўра кўпроқ, Россия ва унга алоқадор давлатлардаги оддий аҳоли чўнтагига кўпроқ зиён етаётганини англатмоқда. Путин ўз бункерида жон сақламоқда, олигархлар ўз пулларини офшорларга ўтказмоқда.

Элтуз Россиянинг Украинага қарши бошлаган уруши атрофида кечаётган воқеаларни кузатишда давом этади.  

Eltuz.com   

Тағин ўқинг
1 июл 2021
«Элтуз» жамоаси 1 июлдан 30 кунлик меҳнат таътилига чиқади. Таътилдан кейин сиз, азиз дўстлар, кўзлари интизор сингиллар, меҳрибон опажонлар, ...
6 март 2020
Ўзбекистон Аралаш жанг санъатлари ассоциацияси (ММА) Андижон вилояти бўлимининг навбатдаги конференцияси бўлиб ўтди.  Конференцияда ассоциациянинг Андижон вилояти бўлими раҳбари ...
1 август 2017
Июль ойида Ўзбекистон телевидениеси ҳаётида рўй берган энг муҳим ҳодиса, шубҳасиз, «Ўзбекистон 24» телеканалининг фаолият бошлагани бўлди. Гарчи мамлакат ...
24 август 2018
Швециянинг Telia трансмиллий коммуникация компанияси собиқ бошқарувчилари Ўзбекистоннинг марҳум президенти Ислом Каримовнинг қизи Гулноранинг касофатидан суд олдида жавоб беришга ...
Блоглар
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...