Асосий мавзулар
18 апрел 2022

Бучада йўқолган ўзбеклар тақдири номаълумлигича қолмоқда

Украинада бедарак кетган 11 нафар сурхондарёликларнинг сўнги видеоси Буча туманига қарашли Колоншчина қишлоғи бозор қоровули томонидан 1 март куни ёзиб олинган.

Видеода ўзбекистонлик эканлигини айтган йигитлар база қоровулига ўзлари ҳақида қисқа маълумот беришган. Видеони Элтузга Украинадаги Ўзбекистон ватандоши Шавкат Муҳаммад йўллаган.

Шавкат Муҳаммаднинг қўшимча қилишича, бу йигитлар уруш бошлангунига қадар Киевда меҳнат муҳожири бўлишган. Россия қўшинлари Украинага бостириб киргач, 11 нафар Ўзбекистон фуқароси Украинадан чиқиб кетишга ҳаракат қилган.

Аммо жанглар туфайли улар Киев вилоятининг Буча туманида қолиб кетишган. Украина қаршилик ҳаракати фаоллари Шавкат Муҳаммадга агар Ўзбекистон элчихонаси Украина Ҳавфсизлик хизматига расман мурожаат қилишса, йигитларни топишда ёрдам беришлари мумкинлигини билдиришган.

16 апрел куни Украинадан телеграм канали орқали Элтуз билан боғланган Шавкат Муҳаммад бу ҳақда Ўзбекистон элчихонасига хабар берганини билдирди.  

Эслатиб ўтамиз, 5 мартдан то 31 мартгача Украинанинг Буча тумани рус армияси назорати остида бўлган. Россия Бучадан Ирпен шаҳрини босиб олиш учун фроно орти базаси сифатида фойдаланган.

1 апрел куни ниҳоят Бучани Украин қўшинлари қайтариб олишга муваффақ бўлишган. Буча Украина назоратига ўтгач, дунёнинг етакчи Оммавий ахборот воситалари тумандаги тинч аҳолининг қийнаб ўлдирилиши ва Россиянинг ҳарбий жиноятларига оид кўплаб фото ва видео материалларни эълон қилган.

Украина расмийларига кўра, Бучада тинч аҳоли вакиллари бўлган 400 дан ошиқ шахслар ўлдирилгани, қийноққа солингани ва ёқиб юборилгани билдирилади.  

Элтуз Россиянинг Украинага қарши олиб бораётган уруши, жумладан Буча туманида бедарак кетган ўзбекистонликлар тақдирини ўрганишда давом этади. Кун давомида биз билан қолинг. Каналларимизга обуна бўлинг.  

Eltuz.com

Тағин ўқинг
14 феврал 2019
Фарғона вилоятининг Бувайда туманидаги боғчаларда болаларга гўшт ўрнига ичак-чавоқлардан тайёрланган овқатлар берилмоқда, дея билдирди боғча мудираларидан бири “Элтуз”нинг Фарғонадаги ...
24 март 2018
Сил (туберкулёз) касаллигига қарши кураш халқаро куни Жаҳон соғлиқни сақлаш ташкилоти ташаббуси билан ҳар йили нишонланадиган эсдалик санадир. Бу ...
21 сентябр 2016
Ўзбекистон Ички ишлар органлари ҳақида қонун қабул қилиниши ортидан, Ички ишлар вазирлиги тизимида кадрлар алманиши кузатилмоқда. Бироқ, экспертлар фикрича ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...