Асосий мавзулар
3 ноябр 2022

ЭП42: Ноқонуний cотилган ер, ночор аёлнинг уйи ва ўнқир-чўнқир йўллар

«Элтуз портали»га келган навбатдаги бешта шикоят мактубини ўқиб эшиттирамиз дастлабки шикоят Самарқанддан. “Кадастр ходимининг ерни ноқонуний тарзда сотгани” ҳақда.

Ноқонуний сотилган ер

“Самарқанд шаҳридан мурожаат қиляпман. Тадбиркорман. Самарқанд шаҳри Хўжақишлоқ маҳалласидан ер сотиб олиб корхона очдим. Аммо бу орада еримизни кадастр ходими ноқонуний равишда бошқаларга сотгани маълум бўлди. Ҳолат бўйича фирибгарлик моддаси билан жиноий иш очилган, тергов кетмоқда. Лекин МИБ биздан жойимизни бўшатишни талаб қилмоқда. Уларга тергов кетаётгани ҳақида маълумотнома кўрсатдик, аммо суд ҳужжати кераклигини айтишяпти. Агар корхонамиз ёпилса, ходимларимиз ишсиз қолади. Бу ёқда кредитлар ва ҳамкорлар билан имзоланган шартномаларимиз бор. Корхона ишини йўлга қўйиш учун 2 йил ҳаракат қилдик. Масъуллардан масалани қонуний ҳал қилиб беришларини сўрайман” дея ёзади қашқадарёлик шикоят эгаси.

Қашқадарёлик ёлғиз аёл уйи ачинарли аҳволда эканидан нолимоқда:

Ночор аёл уйи

“Мен – Мингнора Чориева, Қашқадарё вилояти Яккабоғ тумани Янги ҳаёт МФЙдан мурожаат қиляпман. Узоқ йиллардан буён ёлғиз яшайман. Уй-жойим ўта ачинарли холда, деворлар ҳам ёрилиб кетган. Туманга, вилоятга мурожаат қилдим. Тошкентга ҳам бориб келдим. Тўғри, туман мас’уллари ёрдам беришни бошлади, лекин негадир ишлар ўлда-жўлда қолиб кетди. Ёмғир ёққан вақтларда ташқарига чиқиб ўтираман, чунки уйим қулаб тушиши мумкин. Ҳурматли Президентимиз мен каби ёлғиз аёлларга, ногиронларга катта ёрдам бермоқда. Бунинг учун миннатдорман. Менинг уйимни та’мирлатишда ҳам кўмак берилади деган умиддаман”.

Кейинги шикоят Тошкентдан.

Ўнқир-чўнқир йўллари

“Тошкент вилояти Олмалиқ шаҳри Ойдин ҳаёт кўчаси ачинарли аҳволда. Ҳолатдан сектор раҳбарлари, йўл идорасининг хабари бормикан? Олмалиқ каби бой шаҳарга шундай йўллар ярашадими?” дея ёзади тошкентлик ватандош Элтуз порталига.
Наманганда ҳам йўллар ўнқир-чўнқир:
“Наманган вилояти Норин тумани Ўзбекистон МФЙ Амур Темур кўчаси таъмирталаб аҳволда. 4 йилдан кутамиз, йўл қачон асфалт бўлади?” дея ёзмоқда Наманганлик шикоятгўй.
Жиззахда эса 1 синф ўқувчиларидан кўчат ва кўчатга пул сўралмоқда

Кўчатга пул

«Ассалому алайкум Жиззах вилояти Зарбдор туманидан мурожаат қиляпман. 1-синф мактаб ўқувчиларидан кўчат ва кўчатга пул сўралмоқда.»

+++

Бу сизга ўқиб эшиттирганимиз бугунги сўнгги мактуб эди. Туркумга кирмаган кўплаб шикоятларни Элтуз Порталининг телеграм саҳифасида ўқишингиз мумкин. Уларга тегишли идоралар эътибор қаратади дея умид қиламиз. Эслатиб ўтамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.

Видео: https://youtu.be/c6nacxRVsEI

Тағин ўқинг
4 январ 2016
Қудрат Бобожон Eltuz.com Элтуз манбаларига кўра жанозада ортиқча гап сўз бўлмаслигини МХХ зобитлари махсус назорат қилган. Ўз ТВ диктори ...
23 сентябр 2023
«Украина Қуролли Кучлари Россиянинг Вербово мудофаа линиясини ёриб ўтди ва олдинда янада каттароқ зафарлар кутилмоқда», деди «Таврия» қўшинларининг тезкор-стратегик ...
25 апрел 2023
Элтуз каналига етиб келган видеода икки нафар ҳижобли қиз 1 миллион сӯм қарзи бӯлган бошқа бир қизнинг устидаги кийимини ...
2 октябр 2018
Таниқли ўзбек шоираси 59 ёшли Зулфия Мўминова республика ТВси орқали ўқиб берган янги шеърида болани «дунёлардан бехабар оқ каптар»га, ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...