Асосий мавзулар
13 феврал 2023

ЭП58: Автобус ҳайдовчилари, кластер ишчилари ва Тошкент аэропорти муаммолари


Элтуз порталига келган навбатдаги 5 та шикоятни ўқиб эшиттирамиз. Дастлабки шикоят Тошкент шаҳридан. Автобус ҳайдовчиси ойлиги вақтида берилмаётганидан шикоят қилмоқда.

«Автобус ҳайдовчисиман. 2022 йил декабр ойи маоши ҳали берилмади. Яна бир ҳолат. Декабр ойида Президентимиз Тошкентдаги 18-автобус саройига ташриф буюрдилар. У киши келишидан аввал юрмайдиган автобуслар 7-саройга олиб бориб ташланди. Мақсад асл вазиятни Президентимиздан яширишми?»

Ижтимоий тармоқда иш ҳақи кечиккани ҳақида мурожаат эълон қилиш қонунга хилофми? Навбатдаги шикоят Сурхондарё вилоятининг Шўрчи туманидан.

«Сурхондарё вилояти Шўрчи туманидан мурожаат қиляпмиз. 2023 йил 16 январ куни ижтимоимй тармоқларда ИНДЕНИМ кластери ишчилар маошини вақтида бермаётгани ҳақида видеолавҳа чиққан эди. 17 январ куни ишчиларга ойлик тарқатилди. Лекин бу видео мурожаатни чиқарган блогер ва ишчилар кластерни обрўсизлантиришда айбланяпти. Ҳолбуки, мазкур кластер аввал ҳам иш ҳақини кечиктирган ва ишчилар ижтимоий тармоқда мурожаат қилиш орқали маошини олган. Ижтимоий тармоқда шу мазмунда мурожаат эълон қилиш қонунга хилофми? ИНДЕНИМ раҳбарига тегишли чора кўрилишини сўраймиз».

Пиёдалар юрар жойнинг аҳволи ёмон, ҳеч ким эътибор қилмаяпти.. Навбатдаги шикоят Шовот туманидан.

«Ассалому алайкум, Элтуз!
Чарчаманг халқ муаммоларини ёртишдан. Бизнинг шовот туманида Комилжон Отаниёзов номли марказий кўчамиз ўта расво аҳволда, буни ҳеч ким қарамайди ҳам.
Бу туман бозорининг олдидаги расво аҳвол. Йўлнинг четидаги пиёдалар йўлаги дабдала, оёғинг суркиниб, синиб кетмаганига шукур қиласан.
Ногирон бечора одам ўтаман даса аҳволи вой бўлади. Сиздан илтимос бу муаммони олиб чиқсангиз савобли иш қилган бўлардингиз сизнинг шарофатингиз билан ремонт қилсалар»

«Участка нозири сайёр қабулга шикоят қилмайдиган фуқароларни йиғиб келибди. Кейинги шикоят Сурхондарёдан.

«Сурхондарё  вилояти Термиз тумани Янгиҳаёт маҳалласидан мурожаат қилмоқдаман. 2 феврал куни 3-сектор бошлиғи,  яъни туман ИИБ бошлиғи  сайёр қабул ўтказди, лекин атиги 24 та фуқарони қабул қилди, холос. Аҳолининг айтишича, Янгиҳаёт маҳалласи участка нозири ўзи ишонган, шикоят қилмайдиган фуқароларни йиғиб келибди. Шу гап рост бўлса, бундай спектаклнинг нима кераги бор? Яна бир ҳолат. Сайёр қабулда фуқароларнинг бирон бир мурожаати шикоятлар дафтарига ёзилмади. Маҳалламизда яшовчи аксар хонадонлар сайёр қабулдан бехабар қолди. Сектор бошлиғи нима мақсадда ўтказди ўзи қабулни?»

Кейинги шикоят Тошкент аэропортидаги аҳвол юзасидан. Кутиш залига одамларни қўйишмаяпти. Зиёратчилар кўчада кутиб олинмоқда.

«Тошкент халқаро аеропортига Умра сафаридан қайтган яқинларимизни кутиб олгани келган эдик. Бир ҳафта олдин кутиб олувчиларни ичкарига киргизишган эди. Иссиқ, пана жойда кутиб олган эдик. Бу гал кўчада, совуқда бир ярим соат атрофида кутдик. Олдинги ҳоким Жаҳонгир Ортиқхўжаевнинг ташаббуси билан қилинган дейишди. Тошкентнинг янги ҳокими ҳам одамларга қулайлик яратиб, ичкарида кутиб олишга рухсат берса ва бунга шароит яратса, халқнинг дуосини олган бўларди».

***
Бу сизга бугун ўқиб эшиттирганимиз сўнги бешта шикоят эди. Эслатиб ўтамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.  

@eltuz

Тағин ўқинг
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. Компотларим ҳам етарли. Озроқ ...
10 феврал 2024
Аксилкоррупсия хизматининг 43 ёшдаги генерал-лейтенанти Ўлжас Бектеновнинг Қозоғистон бош вазири этиб тайинланиши, шубҳасиз, унинг постсовет тарихидаги муҳим воқеадир, дея ...
11 декабр 2018
Ўзбекистонда дори-дармон савдоси энг даромадли соҳалар қаторида қолаётган бир пайтда давлатга қарашли “Дори-дармон” акциядорлик компанияси қарз ботқоғига ботиб бормоқда. ...
15 январ 2024
Президент Мирзиёев 12 январ куни Ҳавфсизлик кенгашининг кенгайтирилган йиғилишида ўзбек медияси учун миллий контент яратиш зарурати ҳақида гапирди. «Биз Ўзбекистон ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...